مشكلة فى تكييف الانوس 2

[maio_do]

بسم الله الرحمن الرحيم

السلام عليكم ورحمه الله وبركاته

التكييف عمره مابيبقى تلاجة فى الصبح يادوب يهدى الجو شوية

وفيه حاجة غريبة بتحصل لما ببقى طافيه وماشى بيسرب واكتشفت الموضوع دا لانى حاولته على السخن وانا ماشى وطافيه الجو سخن

ياترى اية المشكلة؟

[aldesha989]

مش فاهم يعنى ايه حولته على السخن

المهم جرب تغسل السربنتينه بمايه وهواء
وبعدين اكشف على الشحن بتاعه كامل ولا محتاج يتزود

انا عندى نفس المشكلة مع انى عملت اللى بقولك عليه بس غالبآ الكباس بتاعى ضعيف والله اعلم

[ZOoOoMA]

انا غسلت التلاجه و اتحسن عن الاول بس برضو نفس مشكلتك هوا يا دوب بيهدي الجو و شويه بروده بسيطه و بنزل من لعربيه ضهري عرقان شويه بس ارحم من الاول انا شاكك ان الكباس بتاعي ضعيف

[maio_do]

مش فاهم يعنى ايه حولته على السخن

المهم جرب تغسل السربنتينه بمايه وهواء
وبعدين اكشف على الشحن بتاعه كامل ولا محتاج يتزود

انا عندى نفس المشكلة مع انى عملت اللى بقولك عليه بس غالبآ الكباس بتاعى ضعيف والله اعلم

حولته على السخن خليت التكييف يشتغل سخن من غير ماشغلة لفيتها بس وطلع هواء سخن
مجربتش اغسل الصراحه

انا غسلت التلاجه و اتحسن عن الاول بس برضو نفس مشكلتك هوا يا دوب بيهدي الجو و شويه بروده بسيطه و بنزل من لعربيه ضهري عرقان شويه بس ارحم من الاول انا شاكك ان الكباس بتاعي ضعيف

بص انا شاكك انها الدايو كلها تكييفها كده

[MITSUKERO]

كانت عندي المشكلة دي و روحت زودت فريون ب 50 جنية و بقي تمام

[shur3000]

بص اغسل الربنتينه واكشف على الفريون بتهيألى عندك ناقص. لو الهوا اللى بيطلع من فتحات التكيف قليل يبقى نظف الثلاجة.

[maio_do]

كانت عندي المشكلة دي و روحت زودت فريون ب 50 جنية و بقي تمام

تمام زودته فين ليه اماكن فى النزينات معينة ولا لازم حد بتاع تكييف

[maio_do]

بص اغسل الربنتينه واكشف على الفريون بتهيألى عندك ناقص. لو الهوا اللى بيطلع من فتحات التكيف قليل يبقى نظف الثلاجة.

اكيد بينقص من التسريب دا بس قصدك اية من انى اغسلها دا تسريب؟ هو الهوا قليل فعلا

[samehenany05]

كان عندى نفس المشكله والراجل قالى مفيش فريون خالص وعملى فريون ب 120 ج

[maio_do]

واخبار التكييف اية دلوقتى ف الحر تلاجة ولا يادوب؟

[abo_lamar]

يا باشا روح احسن لبتاع تكيفات هو اللي حيجبلك الخلاصة ..... بس اعى تروح للميكانيكي بتاع مدينتي ... روح لأي بتاع تكيفات في الحرفيين او لو فاضي يوم تعالى شرفني في حلمية الزيتون حوديك عند واحد استاااااااااذ اسمه سعيد زوزو جنب محطة المترو بتاعه الحلمية انا مش بتعامل الا معاه .

[maio_do]

يا باشا روح احسن لبتاع تكيفات هو اللي حيجبلك الخلاصة ..... بس اعى تروح للميكانيكي بتاع مدينتي ... روح لأي بتاع تكيفات في الحرفيين او لو فاضي يوم تعالى شرفني في حلمية الزيتون حوديك عند واحد استاااااااااذ اسمه سعيد زوزو جنب محطة المترو بتاعه الحلمية انا مش بتعامل الا معاه .

تمام يا هندسة بينا تليفون باذن الله

[ZOoOoMA]

انا حليت المشكله خلاص و عرفت حلها اولا نوع الفريون هنا في القاهره سيئ جدا كنت من كام يوم في بورسعيد و وريت قريبي التكييف قالي تعالى هظبطك ركبني عربيته و شغل التكييف على واحد و بكل امانه 10 دقايق و قولتله اطفيه مش قادر قالي تعالى بعربيتك هحطلك الفريون ده روحت معاه و فعلا فضيت الفريون القديم و الراجل حطلي الفريون الجديد بامانه التكيييف بسم الله ماشاء الله عليه مشغله على 2 و جامد جدا و مبرد العربيه و للاسف و الراجل بيشحن الفريون مروحه لتكييف ضربت و مش راضيه تشتغل عشان كده مكنش مبرد جامد و هرفعلك صوره علبه الفريون عشان تشحن زيها

[a_arazik]

انا حليت المشكله خلاص و عرفت حلها اولا نوع الفريون هنا في القاهره سيئ جدا كنت من كام يوم في بورسعيد و وريت قريبي التكييف قالي تعالى هظبطك ركبني عربيته و شغل التكييف على واحد و بكل امانه 10 دقايق و قولتله اطفيه مش قادر قالي تعالى بعربيتك هحطلك الفريون ده روحت معاه و فعلا فضيت الفريون القديم و الراجل حطلي الفريون الجديد بامانه التكيييف بسم الله ماشاء الله عليه مشغله على 2 و جامد جدا و مبرد العربيه و للاسف و الراجل بيشحن الفريون مروحه لتكييف ضربت و مش راضيه تشتغل عشان كده مكنش مبرد جامد و هرفعلك صوره علبه الفريون عشان تشحن زيها

متابع معاك علبة الفريون دي شكلها اية

[ZOoOoMA]

و ديه شكل العلبه و فيه حرف مش باين
R134A عشان حرف ال A مش باين في الصوره