استهلا الزيت

[zerox2010]

يا جماعه انا عندى العربيه بتستهلك زيت كتير المؤشر بتاع الزيت كان عند عالى ورحت مشوار الاسكندريه ورجعت لقيت المؤشر فى المتوسط عاوز اعرف ليه الاستهلاك عالى مع ان العربيه ماشيه 177500 كيلو بس .
وسؤال تانى انا بسمع صوت صفاره بسيطه فى طرمبه البنزين ؟ وساعات وانا طالع على الاولانى بحس انا العربيه يتقطع او بتلت ده عيب ايه ؟ وشكرااااااااااااااااا

[buddha]

معلش التفاصيل مش واضحة بالنسبة لى
يعنى المكنة بتاكل زيت وساعات بتلت وتقطع
كدة يبقى الموضوع داخل على طقم شنبر

بخصوص الصوت غير طرمبة البنزين والتقطيع يروح ان شاء الله
بس لو تفاصيل اكثر ان شاء الله نفيدك افضل

[mero100]

معلش التفاصيل مش واضحة بالنسبة لى
يعنى المكنة بتاكل زيت وساعات بتلت وتقطع
كدة يبقى الموضوع داخل على طقم شنبر

بخصوص الصوت غير طرمبة البنزين والتقطيع يروح ان شاء الله
بس لو تفاصيل اكثر ان شاء الله نفيدك افضل

+1

[zerox2010]

انا قصدى ياباشا انها بتاكل زيت بس مش كتير قوى (طقم شنبر ؟؟؟) والحاجه التانيه بتلت وانا طالع بس ساعات بتعملها وساعات لأ .

[buddha]

اكشف طيب الاول على كرتيرة الزيت وجوان الكرتير وشوف هل فى خرير جى من تحت الموتور
دة بخصوص نقص معدل الزيت
ثانيا اكشف على البوبينة عشان حكاية التتليت


متابعين معاك

[tarek_2005]

عربيتك نوعها ايه اصلاً بروفيلك بيقول لانسر وكيا
ثانياً ايه اخر الصيانات
حالة المحرك ايه هل في بخر زيت علي فايز الزيت الي عند البوابة ولا لاء
هل في دخنة بيضاء مائلة للزرقة ولو خفيفه من الشكمان ام لا

[zerox2010]

أولا شكرا لاهتمامكم
العربيه دايو 99 العداد 177500 ايوه فى بخره زيت بسيطه عند البوابه وساعات لما بدور العربيه الصبح بلاقى دخنه بسيطه بتطلع من الشكمان لونها ابيض وبعدين بتختفى وبسيب العربيه لحد ما الاقى الشكمان يطلع قطرات مياه
بس انا لاحظت تحت العربيه فى بقع زيت بسيطه وهى واقفه قولت يمكن جوان بايظ ولا حاجه . ياريت اعرف ايه الدخنه البيضه دى ساعه الدواره الصبح

[zerox2010]

؟؟؟

[Ahmed Nasser]

الدخنة البيضة معناها كاوتش صباب بايظ
والبخرة اللى عند البوابة معناها الشنبر خفيف