يا ا\ ممدوح افتنا فى هذا !!!

[mfs]

كل سنه و انتم طيبين


كل ماروح لميكانيكى اسال عن انهى افضل عربيه اللانوس و لاا النوبيرا
يقلى ابعد يا استاذ عن النوبيرا و خليك فى اللانوس
عشان حاجتين
1- حجم النوبيرا كبير على الموتور بتاعها
2- سوق النوبيرا واقف فى البيع و الشراء
هل الكلام ده حقيقى و لا ايه

[fedo_tito]

للأسف الكلام شبه مظبوط
لكن هناك فرق شاسع بين الاتنين
انا معايا لانوس 2004 وصاحبى معاه نوبيرا 2004
هو مبيحبش الشد اوى فسواقته معظمها هادية لكن لما بيشد مبشوفش عربيات قدامنا
بمعنى ان العربية تقيلة شويه عشان الوزن لكن الموتور فعلا جباااااااار
اما بالنسبة للانوس فهى عشان خفيفه فتلاقيها بتطير بس متقدرش تجيب النوبيرا

[MMamdouh]

النوبيرا كبيرة فعلا... دى ميزة لبعض الناس و عيب لبعض الناس و بالتالى انت اللى تحكم فى الحتة دى مش الميكانيكى... اما قصة انها كبيرة على ال1600 فا ابقى قولهم ان فيه منها 1500 كمان

ال1600 قوى و عفى و بيجرى العربية... و مع الحمل و التكييف مبيخسعش... قصة كبر الحجم على الموتور غير منطقية بالمرة

سوق النوبيرا الاوتوماتك هو اللى واقف انا المانيوال بتتباع عادى مفيهاش مشاكل

MMamdouh