تجربتي بالصور مع جلب الفورد..بالصور

[amr_shaaban]

قررت اجيب الجلب الفورد (الكبيرة) و ال GM الأصلي (الصغيرين) و بالمرة تيل فرامل امامي

نزلت التوفيقية ... روحت علي البنا الأول لقيت التالي:

الجلب الصغيرة GM اصلي ب 80 جنية
تيل امامي جولد كوري ب 80 جنية
سألتة عالجلب الفورد قالي مش عندي شوف عند بتوع الفورد... بس بصراحة المعاملة عند البنا كويسة جدا بالرغم من اللطعة في الزحمة

كنت قريت في قسم فورد عن بتوع قطع غيار فورد في التوفيقية و هما اتنين
الأول ... تاني ممر بعد البنا و اسمه بدرسيان و سألتة عن جلب الفورد فوكس اللي بتركب عالنوبيرا قالي دي مش فوكس دي بتاعة اسكورت اكدت علية بياخدوها للنوبيرا قالي هيا ...
الطقم كامل الماني 2 كبير و 2 صغير ب 180 جنية و رفض يبيع الاتنين الكبار بس

الثاني... ابراهيم سليمان و ده قدام بدرسيان في عمارة قديمة دور ثاني
لقيت الاثنين الكبار ألماني نوعها febi قال 200 حنية بعد مناهده كبيرة خدتها ب 150 جنية و مارضاش ينزل مليم ..بس شكلهم ماشاء الله نضيف جدا و مكتوب علي الرابر نفسة الماني
و كان عنده تركي ب 100 جنية بس شكلها تعبان

بعدها لفيت لفة عشان اشيك علي اسعار البنا في التيل و الجلب ... لقيتة ارخص واحد في الجلب و التيل زايد 5 جنيه
المهم روحتلة نزلت ال 5 جنية و خدت منه الاتنين

بس الجلبة ال GM الأصلي كخامات جنب الالماني سوري زباااااااااااااااااااالة و هنشوف الصور


دول الجلبتين الكبيرة الالماني و الصغيرة الاصلي




و دي صورة الكبيرة الألماني



و دي صورة الصغيرة الاصلي




و دي صورة الأماني بيوضح الكتابة اللي عليها



و دي صورة علبة تيل الفرامل




اتمني يكون الموضوع مفيد ... بالنسبة للتركيب ... بكره هركب ان شاء الله

[karim_kassem]

هي الجلب الكبيرة ده ليه يا باشا ؟

[Mecha]

Which ford you got ??
where is those bushes fit ?

[a_arazik]

الف مبروووووووووووووووووووووووووووووووووك

[amr_shaaban]

هي الجلب الكبيرة ده ليه يا باشا ؟

المقص الواحد فية جلبتين ... واحده كبيرة و واحده صغيرة

[akmm]

شكرا للتقرير .

[tefa22m]

التيل الجولد كويس فى الاداء مع النوبيرا ؟عشان ناوى اغير قريب و بفكر اجيبه
و هل حضرتك جربت الاصلى عشان تقولنا رأيك فى المقارنه بين الاثنين

[amr_shaaban]

التيل الجولد كويس فى الاداء مع النوبيرا ؟عشان ناوى اغير قريب و بفكر اجيبه
و هل حضرتك جربت الاصلى عشان تقولنا رأيك فى المقارنه بين الاثنين

حسب معلوماتي: -

ما فيش تيل اصلي في السوق و الجولد ده انضف و اغلي نوع ... و انا بسأل في التوفيقية كان فية تيل ب 65 و تيل ب 55 .. بس الجولد من 75 - 80

[amr_shaaban]

الحمد لله .. ركبت الجلب النهارده
الميكانيكي كان مستغربها ..اول مرة يركبها لنوبيرا بس كانت عاجباة .. و بتاع المخرطة عجبتة جداااا

المهم لقيت بيض المقصات ضايع ....جبت اتنين ctr ب 130 جنية

وسعت جلبة الفورد في المخرطة ... مقاس مسمار النوبيرا 19 ... و كبستهم و كانوا تمام الحمد لله ما احتاجوش لحام
الجلب الصغيرة الأصلي احتاجت لحام

المخرطة ... 40 جنية (فك و كبس جلب + لحام جلبتين + تفوير بيض المقص)
الميكانيكي 100 جنية (فك و تركيب المقصات + تغيير تيل فرامل + غيرت زيت بالمرة)

الأداء الحمد لله حتي الان ممتاز ... ربنا يديمها

[S O P H O S]

مبروك يا باشا

[محمد محليس]

مبروك يا باشا

[محمد العقابي]

هي الجلب دية اللي بتعمل طقطقه في الدركسيون مع الارض غير المستويه .......

ومش الافضل اخليها تجيب اخرها واغير اجيب مقصات اسباني زي مقريت قبل كده ولا دوة عيب تاني . ولا تغيير الجلب اوفر من تغيير المقصات ....

[Eng_zead]

طيب اجيب جلب الفورد و لا الاوبترا و لا جلب نوبيرة صب لان فى ناس بتقول ان بتاعة الفورد بتخلى العربية بتعوم اى واحدة احسن علشان شكلى هغير الجلب شاكك فيها