نقل تجربة ارتفاع حرارة النوبيرا الي فوق النص

[ahm_fa2002]

كيف الحال شباب احب انقل لكم تجربتي مع ارتفاع حرارة النوبيرا 1 الي فوق النص
بداية الموضوع وانا راجع من مشوار من اسكندرية لاقيت امبير الحرارة طلع فوق النص وقابل للزيادة مع الدوس علي البنزين المهم مشيت بهداوة للحفاظ علي عدم ارتفعها المهم قولت اغير الزيت وفلتر الهواء واشوف الوضع ايه بعد التجربة الحرارة مرتفعة مبدهاش رحت للمكانيكي قالي السيارة عاوزة يتاخد هواها علشان كنت حاطط مياة خضراء المهم خد هواها وبعد التجربة نفس الموال الحرارة كما هي قالي روح سلك الردياتير ونشوف الوضع ايه لو منزلتش الحرارة يبقي عندك جوان في وش الماكينة المهم رحت فكيت وسلكت الراجل بتاع الردياتير قالي الردياتير فابريكة ونظيف جدا كدا العيب مش منه المهم الخلاصة انا ربنا الهمني وقلت للمكانيكي شوف الثروستات يمكن يكون مغلق وهو اللي عامل الحرارة والحمد لله طلع كلامي صح طلع العيب منه وركبناه في خمس دقائق والامور ميه المية والحمد لله ارجو ان تفيد هذة التجربة
في رعاية الله
احمد

[Ahmed Nasser]

شكرا على نقل التجربة
لسة واحد صاحبى كان فى قليوب والمشترك بتاع السخن اتكسر
والحرارة دخلت فى الاحمر
والغريب ان الموتور داير طبيعى !!!

[blazer]

انا رأى الثرموستات غيره كل سنتين احتياطى خصوصا ان فيه بيستعمل ميه حنفيه زى حالاتى عشان الميه بتنقص و عاوز اغير جوان وش السلندر

[hisham343]

انا حصل معايا العكس ، في اخر الشتا وانا راجع من مشوار لقيت الحراره بتنزل ، وكل ما اسرع تنزل اكتر، فكيت الترموستات لقيت فيه رايش محشور بداخل الثرموستات!!!!!!، طبعا شيلته واختبرت الثيرموستات لقيته شغال، ركبته تاني والامور رجعت طبيعيه.

[rabso88]

بعد اذنكو يا شباب ايه طريقه اختبار الثرموستات

[Mahmoud.Fathy]

متابع ... عاوزين نعرف طريقة الكشف والتنظيف لثرموستات الكوعة