السبيكة

[hassabooo]

صباح الفل على كل رواد المنتدى .. انا عندي صوت الموتور عالى و فية تخبيط و رحت لاكتر من ميكانيكي و كلهم اكدوا انها السبيكة ... مع اني عامل عمرة كاملة و غيرت الكرنك من سنة .. بعد اذنكوا عندي كذا استفسار :
1- هل ممكن اغير السبيكة بس من غير الشنابر و الجوانات (( يعني يفك الموتور من تحت و يعمل الشغل و يركبة تاني)) .. خصوصا اني العربية عندي كبسها و سحبها كويس و مافيش دخنة بيضا او سودا
2-لو مش هاينفع يبقى لازم اعمر (( وهاتتكلف كام)) و لا اجيب شورت بلوك (( وبرضة بكام ))

مع العلم ان العربية 2001 نوبيرا و دايما بحط زيت شل الاصفر و انا كنت اشتكيت منه اخر مرة عشان صوت العربية بقى عالي بس صبرت علية و استخسرت اغيرة .. وادي النتيجة ... الحمدلله على كل شيء

[abanoubscorpio]

لو المشكله في السبايك بس يبقي تقك من تحت و تغير عادي خالص بس المشكله دي بقالها اد ايه عندك و هل لمبة الزيت كانت بتنور ولا لا

[Ahmed Nasser]

ينفع طبعا انك تغير السبيكة من غير ماتفك الموتور
هتفك الكارتيرة وهتبدى تفك كراسى الكرنك والبى ئللات
بس فية مشكلة مش هتعرف تغير لقم السبيكة اللى فوق بتاع الخمس كراسى بتوع الكرنك

بس لو الكرنك اتاثر من السبيكة كدة لازم يتغير
ولازم تفك الموتور كلة

واخيرا بلاش زيت شيل دة تانى لانة بهدلى الموتور اخر بهدلة

[hassabooo]

لو المشكله في السبايك بس يبقي تقك من تحت و تغير عادي خالص بس المشكله دي بقالها اد ايه عندك و هل لمبة الزيت كانت بتنور ولا لا

الميكانيكي هو اللي قالي على السبايك من شهر ونص تقريبا و هو بيغير ترس الفلام .. بس انا ما كنتش مقتنع لاني زي ما قلت معمر من سنة و لمبة الزيت مابتنورش بس من يومين سمعت صوت كركرة في الموتور و روحت لميكانيكي تاني و اكدلي نفس كلام الاولاني و نصحني بتغيير الى زيت التعاون عشان تقيل و عملت كدة بس الصوت لسة زي ما هو

[abanoubscorpio]

لو المفروض ان العمره اللي انت عملتها كانت كويسه يبقي هتغير السبايك اللي تحت بس و كده كده مش هتخسر حاجه ابتدي بللي تحت و لما الميكانيكي يحل الكراسي و يلف الكرنك هايبان الي فوق سلام ولا لا و ساعتها زي م قال الاستاذ ahmed Nasser هتضطر تحل الموتور كله بس ان شاء الله هيبقي العيب في السبايك اللي تحت بس ياريت بعد كده تحط زيت موبيل او فيسكو

[hassabooo]

شكرا للرد و الاهتمام من حضراتكوا ... ودا شىء متوقع من الناس المحترمين اللي في المنتدي .. انا هاروح للميكانيكي و اللي فية الخير يقدمة ربنا

[A.samy]

غير الماتور بواحد استيراد

[هانى مأمون]

لو المشكله في السبايك بس يبقي تقك من تحت و تغير عادي خالص بس المشكله دي بقالها اد ايه عندك و هل لمبة الزيت كانت بتنور ولا لا

أخى أنا عندى نفس المشكله ولمبة الزيت منوره منذ شهرين تقريبا
وفكيت فعلا بس الميكانيكى قاللى ان عامود الكرنك مخربش وركب تانى من غير ما يغير السبيكه