كلبشة الفرامل مرة واحدة بدون تهدية تدريجية

[yasser202]

شباب وانا ماشي علي طريق مطروح الساحلي علي سرعة ١٠٠ ك تقربيا
اجي ادوس فرامل الاقي الدواسة طرية خالص زي الدبرياج كدا وبدون الشعور بالفرامل خالص لحد الارض ومرة واحدة تقوم واقفة مرة واحدة وصوت صريخ جامد جدا وتقف بدون تدريج
عمت كدا مرة اتنين ٣ وكل مرة ابقي مرعوب لحسن حد يلبس فيا من ورا وقفت وبصيت عليها وعلي الزيت مليان علي الماكس وركبت تاني ولا اكن شي خالص حصل الفرامل رجعت عادية جدا


انا كنت مركب ٣ اشخاص ورا وحبة شنط في الشنطة يعني مليانة علي الاخر

وان شاء رايح بكرة للميكانيكي احكيوا الحوار دا بس كنت عايز رايكوا قبل ما اروح علشان ابقي عارف بالضبط

[mero100]

ماستر فرامل عمومي .

[yasser202]

الاصلي عامل كام سعره

[ketoo]

فى حدود 500 جنيه

[احمد المصرى]

حصل معايا ان البدال كان ناعم جدا بس مفيش فرامل خالص ودا حصل لما ذيت الفرامل سخن وسبب السخونه ان الميكانيكى كان رجلش الفرامل الخلفيه خلاها على تكه واحده


دى تجربتى ممكن تفيدك

[abanoubscorpio]

ماستر فرامل عمومي .

+1

[Sherifmidooo]

ده فعلا ماستر عمومى زى ما قالولك الأعضاء الأفاضل ربنا يجازيهم خير
والماستر الأصلى ال gm جبته كان ب 650 جنيه وفاصلت مع الراجل واخدته ب 625 بس
بس حاول تجيب ماستر النوبيرا اللى هوا مقاس 22 مش 20 بتاع اللانوس بيفرق فى زمن الفرمله عن بتاع اللانوس .

[mero100]

حصل معايا ان البدال كان ناعم جدا بس مفيش فرامل خالص ودا حصل لما ذيت الفرامل سخن وسبب السخونه ان الميكانيكى كان رجلش الفرامل الخلفيه خلاها على تكه واحده


دى تجربتى ممكن تفيدك

اضيف معلومه : سبب سخونه زيت الفرامل .. ممكن يبقي عدم تغييره لفتره طويله ... ميعاد تغييره كل 18 شهر او 30000 كم علي ما اتذكر . و دايما يتم استخدام زيت بمواصفات dot 4 .. و الابتعاد عن الانواع المجهوله مع الاهتمام بالشراء من مراكز معروفه .

[mero100]

ده فعلا ماستر عمومى زى ما قالولك الأعضاء الأفاضل ربنا يجازيهم خير
والماستر الأصلى ال gm جبته كان ب 650 جنيه وفاصلت مع الراجل واخدته ب 625 بس
بس حاول تجيب ماستر النوبيرا اللى هوا مقاس 22 مش 20 بتاع اللانوس بيفرق فى زمن الفرمله عن بتاع اللانوس .

معلومه ممتازه :-)

[yasser202]

شباب أولاً شكرا لكم جميعا على مساعدتكم
اللي حصل رحت امبارح للميكانيكي بص كدا وقالي :
1- فرامل اليد عندك عالية اوي وفك العجل الخلفي والتنابير الخلفية وغسلهم بالمية والصابون وعمل رجلاش للفرامل واخد هوا من الاربع عجلات
2- ونتيجة سحب الهوا والكلام دا زوت شوية زيت Dot 4 العلبة البلاستك الخضراء بتاع 150 مل يمكن
وطلع جرب الفرامل قالي كله كدا تمام ولو في حاجة نبقى نغير الماستر العمومي بعد كدا
3- قلتله ولا تغيره الان وخلاص قالي الفرامل الان تمام ومتقلقش
4 طبعا انا اخدها جربتها وماشية تمام

[dr.hazem]

شباب أولاً شكرا لكم جميعا على مساعدتكم
اللي حصل رحت امبارح للميكانيكي بص كدا وقالي :
1- فرامل اليد عندك عالية اوي وفك العجل الخلفي والتنابير الخلفية وغسلهم بالمية والصابون وعمل رجلاش للفرامل واخد هوا من الاربع عجلات
2- ونتيجة سحب الهوا والكلام دا زوت شوية زيت Dot 4 العلبة البلاستك الخضراء بتاع 150 مل يمكن
وطلع جرب الفرامل قالي كله كدا تمام ولو في حاجة نبقى نغير الماستر العمومي بعد كدا
3- قلتله ولا تغيره الان وخلاص قالي الفرامل الان تمام ومتقلقش
4 طبعا انا اخدها جربتها وماشية تمام

100%

Sent from my Xperia Arc S using Forum Runner

[swimmer25]

اضيف معلومه : سبب سخونه زيت الفرامل .. ممكن يبقي عدم تغييره لفتره طويله ... ميعاد تغييره كل 18 شهر او 30000 كم علي ما اتذكر . و دايما يتم استخدام زيت بمواصفات dot 4 .. و الابتعاد عن الانواع المجهوله مع الاهتمام بالشراء من مراكز معروفه .

خلي بالك ان زيت dot 4 بيتغير كل سنة مش سنة ونص

[dr.hazem]

خلي بالك ان زيت dot 4 بيتغير كل سنة مش سنة ونص

كل زيوع الفرامل سنتين او 40الف كيلو ايهما اقرب،،،
تحياتي

Sent from my Xperia Arc S using Forum Runner