صوت ترقعه من الناحيه اليمين فى لانوس 2 مو 2001

[bravehorse]

السلام عليكم ورحمة الله وبركاته

كل التحيه والتقدير لادارة المنتدى ولاعضاء المنتدى على مجهودهم الرائع

المشكله بكل اختصار عندى فى صوت ترقعه بيحصل مره واحده من الناحيه اليمين لما اكسر الدريكسيون يمين او شمال وخصوصا لما بكون طالع من ركنه

العفشيجيه والميكانيكيه احتاروا معايا ,,, اللى يقولى دى بطاحات واللى يقولى ده الكوز ( الكوع ) واللى يقولى جلب مقصات واخيرا سواق تاكسى قالى ممكن تكون التنابير مش متركبه كويس او البليه فيها بوش او الكوبلن يكون مش راكب كويس


المهم غيرت البطاحات والكوز وكشفنا على الجلب وربطنا العفشه كويس ولسه بردوا الصوت موجود

وليا اصحاب كتير بيشتكم من نفس الصوت

ملحوظه الترقعه مش ترقعة كوبلن

وانا اسف على الاطاله

[مصطفى-حسن]

بما انك بتقول انك كشفت على كل حاجة
وغيرت كل حاجة
فالفرضية الوحيدة اللى انا هفترضها هيا ان الاماكن اللى بتتثبت فيها مكونات العفشة فى جسم العربية هيا اللى ممكن يكون فيها الخلل او شرخ مثلا
خلى بالك انا بقولك احتمالات مش حلول

عشان تختبر الكلام اللى انا بقولك علية دة
الاول هتفك قربة المية وترفعها من مكانها
وبعدين تخلى اى واحد يقعد جوة العربية ويفضل يحرك الدركسيون يمين وشمال بشكل متكرر وانت تبدأ تبص على اجزاء العفشة اللى متثبتة فى جسم العربية وانا مشاور لك عليهم بالاسهم وتحاول تلاحظ بعينك اى بوش او شرخ

[abo_lamar]

نفس المشكلة كانت عندي بالضبط و عرضتها في المنتدى .....

http://www.nilemotors.net/Nile/352757-a.html

وفي الاخر طلعت جلب المقص اليمين وغيرت الجلبة وكله بقى تمام .
الكلام ده من حوالي 6 شهور و صوت الترقعة راح خالص ... بس دلوقتي للاسف الصوت رجع تاني بس على خفيف .

[bravehorse]

شكرا لاهتمامكم وعلى العموم نجرب نصيحة الاستاذ مصطفى ونكشف تانى على الجلب زى ما استاذ abo_lamar قال

تحياتى ليكم جميعا

[m_sharaf_2005]

انا عندى نفس المشكله ودفعت فلووس كتير وغير بطاحات ومسامير وجلب ميزان ولفااااااات ومش لاقى حل حد يدلنا ربنا يكرمكم يااااااااااااااااااااااااااااااااارب

[acoount]

المشكله دى كانت عندى والسبب غريب جدا ومش متوقع وده طبعا بعد ما غيرت البيض والكلام الفارغ اللى بيفتوا فيه والاخر طلعت المشكله فى المساعد اليمين كانت المسامير بتاعته فكه من البطاحه اللي فوق ..بيبقى مربوط ب3 مسامير اعتقد الراجل ربط عليها وربطه من تجت وانتهت المشكله واتمنى تكون هيه المشكله الفعليه