العربيه مخنوقه فى المطالع

[bravehorse]

انا لسه عامل السرفيس بتاع العربيه

غيرت بوجيهات ngk وسلك بوجيهات وفلتر بنزين وهوا وزيت موبيل وان وفلتر زيت وتيل فرامل .... وكل الحجات دى جايبها اصلى

العربيه فى المطالع بحس انها مخنوقه وسرعتها بتنزل وبتجيب 140 بالعافيه على الرغم انها قبل عمل السرفيس كان سحبها كويس جدا وكانت بتجيب 160 مرتاحه


هل ممكن العيب يكون فى البوجيهات او سلك البوجيهات او فلتر البنزين

بصراحه نا احترت

[eng.salama93]

ممكن طرمبة البنزين

[aldesha989]

مدام جايب الحاجه اصلى يبقى استبعدها ان شاء الله

يا طرمبة بنزين يا طقم دبرياج بس 140 حلو اوى :d

[bravehorse]

مدام جايب الحاجه اصلى يبقى استبعدها ان شاء الله

يا طرمبة بنزين يا طقم دبرياج بس 140 حلو اوى :d

طقم الدبرياج اعتقد انه هيعمل المشكله على السرعات الالقل ومش هيخلى العربيه توصل لسرعة 100

هى ممكن تكون ترمبط البنزين ... احتمال

العربيه كانت بتجيب 160 وهى مرتاحه دلوقتى لازم اكبس دواسة البنزين على الاخر عشان توصل لـ 140

[saddam]

صديقي المواطن
تنظيف رشاشات والتأكد من أن البوجيه هو ده المناسب لعربيتك والسلوك والرشاشات تنظفها بجهاز الألترا سوند أو بعدد من منظفات الرشاشات على تموينتين بنزين ولما تخلص حتغير فلتر البنزين تاني وكمان تحط منظف صبابات ليها طريقة معينة موضوعك بسيط ولا تقلق ودمتم للنضال كمان يتراجع على ال آي سي اللي هو البوابة

[bravehorse]

صديقي المواطن
تنظيف رشاشات والتأكد من أن البوجيه هو ده المناسب لعربيتك والسلوك والرشاشات تنظفها بجهاز الألترا سوند أو بعدد من منظفات الرشاشات على تموينتين بنزين ولما تخلص حتغير فلتر البنزين تاني وكمان تحط منظف صبابات ليها طريقة معينة موضوعك بسيط ولا تقلق ودمتم للنضال كمان يتراجع على ال آي سي اللي هو البوابة

هجربموضوع تنظيف الراشاشات وحساس السلانسيه وهغير البوجيهات تانى لانى شاكك فيها وسمع ان معظم البوجيهات اللى فى السوق واخده رطوبه