زنة اسفل السيارة

[mohsen]

بسمع زنة لاتحتمل اسفل السيارة ومكانها بين العجلتين الاماميتين ساعات وانا بزود وبتبقى خفيفة وساعات فى السلانسية وبتبقى قوية
انا شاكك من صوت الزنة (صاج بيرن فى حديد ) انها تكون من سوستة الشكمان او من الشكمان نفسه السيارة لانوس 97 عاملة 155 الف كم
ياترى حد من حضراتكم مر بالمشكلة دى قبل كده انا قلت اسأل لانى مش عارف ابدأ ببتاع شكمانات ولا ميكانيكى
وكل عام وانتم بخير

[spymox]

ممكن يابرنس يكون من رومبيل العجل ؟ لو الصوت فيه حكة كده وبتحس أن العربية خشنة يبقى ده الرومبيل ..

[mohsen]

معتقدش حضرتك لان الزنة بتحصل والعربية واقفة فى مكانها (بس دايرة طبعا)

[Shiref_mohamed]

قواعد الموتور فيهم قاعدة اتقطعت والموتور محمل على جسم العربية

[mohsen]

هروح اكشف عليهم
ومتشكر اوى على اهتمامك وردك
الف شكر

[Shiref_mohamed]

هروح اكشف عليهم
ومتشكر اوى على اهتمامك وردك
الف شكر

لا شكر على واجب بس ابقى قولنا ايه الى تم

[ElKattan]

الزنة دي والله أعلم من الشكمان
فيه زى صفيحة كده ملحومة بالشكمان هدفها عزل الحرارة عن بطن العربية
الصفيحة دي مكانها تقريبا تحت الهاند بريك
فى الغالب اللحام اللى بينها وبين الشكمان فك فى حتة معينة فبيعمل زى تزنيدة كده
روح لبتاع شكمانات يديها بونطين لحام وان شاء الله تبقى كويسة
انا شيلت الصفيحة دي خالص بس حاسس بحرارة زيادة عند الهاند بريك
منصحكش تشيلها

[mohsen]

الزنة كان سببها
ان فى حمالة حديد مربوطة بمسمارين 14 فى كارتيرة الزيت
وفى أفيز حديد مربوط فى الحمالة برده بمسمارين 14
وماسورة الشكمان (المجمعة) الى جاية من الفرن معدية جوة الأفيز ده
قبل السوستة مباشرة من ناحية الموتور
والزنة كانت مابين ماسورة الشكمان والأفيز الحديد
والعلاج كان تبنيط ماسورة الشكمان فى الأفيز
وفعلا الزنة اختفت تماما

شكرا لكم جميعا