جوان وش السلندر

[posily]

صباح الفل يا شباب
وانا راجع امبارح من الجامعه وماشي وكله تمام فجاه لقيت العربيه بطلت مني من غير اي مقدمات فقولت عادي ادورها تاني دورتها لقيت دخانه بيضه جامده قوي من الشكمان فبطلت العربيه ونزلت فتحت الكبوت لقيت الميه مغرقه الدنيا المهم ان ربنا كرمني ان العربيه عطلت قدام مكانيكي روحت جبته قالي ده جوان وش السلندر قولتله هتعمله في قد ايه كنا الساعه 11 قبل الضهر خلصهولي الساعه 8 باليل
بس الي انا عايز اعرفه انا مغير وش السلندر ده تقريبا من خمس شهور ايه السبب الي يخليه يضرب من غير اي مقدمات بالرغم اني علي طول بزود ميه مش بسيبها تسخنه والغريبه ان عداد الحرار مرفعشي فايه الي يخليه يضرب انا مش عارف
ارجوا الافاده واسف علي الاطاله

[memo2000soft]

والله انا مش عارف اية ايلي خلية يضرب
بس هو اتكلف كام تصلحة

[tefa22m]

نفس الكلام الميه كانت مظبوطه و الجوان ضرب بس الوضوع كبر اوى عندى و جوان و لحام و مخرطه و سير و بكر و طرمبه مياه
الميكانيكى اخد مصنعيه كام؟
الحمد لله على كل حال
لله الامر من قبل و من بعد

[posily]

والله انا مش عارف اية ايلي خلية يضرب
بس هو اتكلف كام تصلحة

كله اتكلف 400 جنيه بالمصنعيه بالمخرطه بالجوانات

[posily]

نفس الكلام الميه كانت مظبوطه و الجوان ضرب بس الوضوع كبر اوى عندى و جوان و لحام و مخرطه و سير و بكر و طرمبه مياه
الميكانيكى اخد مصنعيه كام؟
الحمد لله على كل حال
لله الامر من قبل و من بعد

الحمد لله بس انا مغيره بقاله خمس شهور المفروض مش يضرب بسرعه كده
الميكانيكي اخد مصنعيه 200 جنيه

[MMamdouh]

انت قشطت الوش لما غيرت الجوان المرة الاولانية؟

MMamdouh

[posily]

انت قشطت الوش لما غيرت الجوان المرة الاولانية؟

mmamdouh

مش عارف انا اول مره وديت العربيه للميكانيكي وقالي تعاله خدها بكره ومعرفشي هوه عمل ايه

[tarek_2005]

بتقول انك بتزودها ميه

معناها ان دا كان بداية ضرب جوان او الي قفل الجوان المرة الي فاتت لم يلحظ تقفيع في الوش

[posily]

بتقول انك بتزودها ميه

معناها ان دا كان بداية ضرب جوان او الي قفل الجوان المرة الي فاتت لم يلحظ تقفيع في الوش

ايوه فعلا انا كنت بزودها ميه كتير لو خرجت مشوار طويل الاقي الميه نقصت خالص لذلك كنت متابعها علي طول ربنا يسامحه

[MMamdouh]

كدة يبقى الوش كان محتاج يتقشط من المرة الاولانية

MMamdouh

[posily]

كدة يبقى الوش كان محتاج يتقشط من المرة الاولانية

MMamdouh

ربنا يسامح كل الي معندوش ضمير بس انا حاسس ان صوت العربيه عالي عن الاول مش عارف ليه وايه الاسباب الي بتخلي الجوان يضرب عشان اتفداها ؟

[MMamdouh]

الجوان ميضربش تانى كدة الا اذا كان الوش اصلا مقفع او لو العربية سخنت تانى منك

MMamdouh

[tarek_2005]

الجوان ميضربش تانى كدة الا اذا كان الوش اصلا مقفع او لو العربية سخنت تانى منك

mmamdouh

او زودت المياه والعربية سخنة بدون متدور المحرك

[samy0000000000]

ممكن يكون العيب من نوع الجوان نفسه ,نفس الموضوع كان فى عربية صاحبى جابت جوان الميه مع الزيت من غير سخونه ولا حاجه فزودنا الوش وبعد كده جابت جوان الميه دخلت على البساتم وفى المره دى غيرنا الجوان بس.

[posily]

ياشباب انا روحت للميكانيكي الي بتعامل معاه عشان يشوف الشغل الي حصل في العربيه فقالي كان المفروض مدام الوش اتقشط اركب جوان اعرض من الي كان راكب فيه يعني يعوض القيمه الي راحت في القشط صحيح الكلام ده ولا بيشتغلني ؟ لاني حاسس من ساعه مركب الجاون والعربيه صوتها عالي ولما بدوس بنزين شويه بتكركر معايا بالرغم انها مكنتشي بتعمل معايا كده قبل الجوان