سؤال ضرورى جدا عن لانوس 2014

[samovich_5v]

السلام عليكم

انا حجزت لانوس 2014 هى نزلت من يومين وهستلم الاسبوع اللى جاى .. دى اول عربية ليا وكنت عاوز اعرف ازاى افرق بين 2013 و 2014 .. المعرض قالى ان الوكيل لسه منزلش اللون الاسود .. انا كلمت الوكيل علشان اعرف المعلومة دى صح ولا غلط فى خدمة العملاء مش عارفين وقولى مفيش فرق بين 2013 و2014 عير ف السعر بس فرق 2000 ج... النقطة اللى انا عاوز حضرتكوا تشرحوها ازاى افرق بين 2013 و2014 هل فى ورق بيكون مكتوب فيه كدا جاى من الشركة نفسها ولا لا ؟ ارجو الرد للضرورى القصوووووووى شكراً مقدماً

[lidosasa]

أعتقد إن ورق الإفراج الجمركى اللى بيبقى جاى مع العربية عشان تروح بيه المرور ترخص بيبقى مكتوب فيه كل البيانات ومنها موديل العربية

[samovich_5v]

أعتقد إن ورق الإفراج الجمركى اللى بيبقى جاى مع العربية عشان تروح بيه المرور ترخص بيبقى مكتوب فيه كل البيانات ومنها موديل العربية

شكرا على ردك أفراج جمركى ازاى يا باشا معلشى مش الانوس معمولة فى مصر يبقى ازاى فيها افراج جمركى

[sayco100]

اتأكد اهم ان الوكيل نزل موديل 2014 قبل ميقولك المعرض انها عنده لأنها استحالة تنزله قبل الوكيل
وساعات يقولك احجز الاول على متجيله من الوكيل عشان يربطك جنبه ..

[samovich_5v]

اتأكد اهم ان الوكيل نزل موديل 2014 قبل ميقولك المعرض انها عنده لأنها استحالة تنزله قبل الوكيل
وساعات يقولك احجز الاول على متجيله من الوكيل عشان يربطك جنبه ..

شكرا على الرد هى فعلا نزلت فى الوكيل بس لسه 2013 موجودة بـ 76,500 و 2014 بـ 78,500 يعنى الفرص 2,000 التوكيل قالى ان مفيش فرق بين الاتنين غير فى السعر بس انا عاوز اكون متأكد انى استلمت الـ 2014 مش 2013.

[zaza73]

اعتقد على حسب معلوماتى ان رقم الشاسية بيظهر بلد المنشأ على شكل حروف ثم تاريخ الصنع

[lidosasa]

شكرا على ردك أفراج جمركى ازاى يا باشا معلشى مش الانوس معمولة فى مصر يبقى ازاى فيها افراج جمركى

أسف يا باشا ما أخدتش بالى إن اللانوس متجمعة فى مصر

[GALAL mohammed]

الف مبروك ، اعتقد ان الورق بتاع العربية هيكون في كل البيانات

[كفليت الاسفلت]

السلام عليكم بيكون مكتوب في المبايعات موديل السياره والمبايعه الأولي من جنرال موتورز لمنصور والثانيه من منصور للمعرض والثالثه من المعرض للمشتري متقلقش وربنا يديك خيرها ويكفيك شرها

[abo_lamar]

شكرا على الرد هى فعلا نزلت فى الوكيل بس لسه 2013 موجودة بـ 76,500 و 2014 بـ 78,500 يعنى الفرص 2,000 التوكيل قالى ان مفيش فرق بين الاتنين غير فى السعر بس انا عاوز اكون متأكد انى استلمت الـ 2014 مش 2013.

ياخبر ابيض .... اللانوس عاملة دلوقتي 80 الف جنيه ؟؟؟ ليه يعني ؟؟؟؟؟
والله انا عندي الجيلي ايمجراند احسن و اشيك من اللانوس دلوقتي وتقريبا نفس السعر .

[Ahmed-SAMIR]

اعتقد فى شهادة البيانات بتاعة العربية بس 80 الف كتير قوى على اللانوس ومنصور دول شوية حرامية
عموما ربنا يباركلك فيها

[hany ali_20000]

مكتوب في المبايعات موديل السياره

[tarek_2005]

رقم الشاسيه هتلاقي مكتوب فيه y14 يعني موديل 2014 اما لو y13 يعني موديل 2013

[baherhassan30]

غالبا والله اعلم .. هتلاقي موديل العربية ورقم الشاسية على عتبة باب السائق
وده اكتر مكان ممكن تتاكد منه من موديل العربية هو وورق الافراج الجمركي ... وكمان الرخصة بعد كده .. ف الموضوع ميقلقش ولا حاجة ... ومبروك عليك العربية

[رمضان شوقى]

مكتوب فى ورق العربية لا تخاف ده أكيد عن تجربة ....................