مشكلة خلتنى كل ماركب العربيه اصدع

[sanhoty2000]

مساء الانوار على رجالة النوبيرا و على اجدع منتدى
المهم حصلى من يومين صوت طرقعه فى الماتور فقولت افتح اشوف فيه ايه لقيت كان حاجه بتتكسر ولما كشفت على العربيه لقيتها بيلية دينامو - المهم غير البليه بس حصل حاجه غريبه العربيه لما اجى اديها الاول كانى شادد فرامل اليد ولكن من ادام حاسس المكنه بتخبط فى جسم العربية وغيرت شدادين العربيه المعدن والالومنيوم على حس كلامالميكانيكى وبرده الرجه مرحتش و العربيه مخنوقه جدا كانى شادد فارمل اليد وكانها فرامل اليد بقت قدام (رجه جامده جدى ) وانا شاكك فى الدينامو مع انى بعد ماركبت البلية الجديده قعد الف الدينامو بايدى عشان اشوف فيه صوت ولا لا
اخوكم لسه ( أ......ب) ميكانيكى على قدى مش عارف ياترى المشكله ممكن تبقى ايه

[sanhoty2000]

للرفع

[m7nsh]

راجع طقم الدبرياج وقواعد الموتور .. وان شاء الله خير

[sanhoty2000]

الدنيا كانت تمام لحد معملت موضوع الدينامو وبعد الفك و التركيب
وغير قاعديت اللى هما الشداين
و الدبرياج تام
الميكانيكى بيقولى رشاشات وانا مش نقتنع عشان الدنيا كانت سليمه وكله تمام لحد امبارح قبل موضوع بلية الدينامو
و بتعمل كمان حوالى 200 كيلو فى الصفيحه عندى
تفتكرو تكون ايه المشكله ؟؟؟
انا زهقت من فتى الصنايعيه

[sanhoty2000]

للرفع

[د.محمود صلاح]

الدينامو مالوش علاقة ولا سير الدنامو له علاقة بالخنقة دي ..

شغل العربية وافتح الكابوت وشوف السير شغال كويس ولا لأ وشوف هل الدينامو شغال ولا لأ ( لمبة التابلوه بتاعة الدينامو ما تكونش منورة ) واطفي العربية وامسك السير بإيدك شوفه مرخي ولا لأ ؟ واكشف على العجل الامامي ممكن تكون الفرامل قافشة .. وشوف ايضا الدبرياج والبلية بتاعته ممكن تكون هي السبب من الاول مش الدينامو ودي بتعرفها من صوت البلية والعربية مموره والعزم الضعيف جدا لما تمشي .. وفي الاخر الموضوع عايز ميكانيكي شاطر بضمير يجرب لك العربية بنفسه وانت جنبه

[Ahmed Nasser]

خالد بص على العربية زى ما قولتلك

[amrelsaqqa]

عشان تتأكد انها مش من الدينامو ارخى السير ولف الدينامو بأيدك شوفه قافش ولا لا

[Khaled Lanos]

خالد بص على العربية زى ما قولتلك

بصيت عليها النهارده ولسا مخلصين شغل فيها من شوية عملنا حاجاات كتير غيرنا فيش الرشاشات عشان كانت مقطعة قولت ممكن تكون العربية فيها بستم مش شغال ولاحاجة..وفكينا غطا التاكيهات لقينا البوجيهات عايمة في الزيت فغسلنا الغطا والبوجيهات والسلوك بالبنزين وغيرت جوان التاكيهات وقفلنا..وغيرنا فلتر البنزين كمان..الدنيا ظبطت شوية لكن العربية فيها صوت خشانة عالي جدا ولما تيجي تطلع الأول تصرخ وتبطل كأن حد خانقها..عموما انا بكرى هحل سير المجموعة ونمشي من غيره لو ظبطت يبقى بلية الدينيمو مضروبة..لو مكنش كدا انا شاكك في بلي العجل او طقم الديبرياج والله أعلم.

[sanhoty2000]

انا زهقت والله

[Ahmed Nasser]

والله انا احتست معاكم بس مستنى منك رد بعد ماتشيل سير المجموعة وتجرب من غيرة

[tarek_2005]

فك سير المجموعة العربية هتظبط ودا مش عيب بلية ديناموا دا عيب تقفيل دينامو او قاعدة ديناموا

[sanhoty2000]

اخر الاخبار يارجاله
امبارح طلعت سير الدينامو بره و جربت امشى من غير وهى هى نفس المشكله
رحت مركب السير تانى ولا كانى فى حاجه حصلت
المهم انا كل ميكانيكى اروحله يفتى
انا شاكك فى (بلى العجل - الدبرياج - قواعد )
ملحوظه :- المشكله مش بتظهر غير لما اتحرك بالعربيه وبتبقى رعشه وزنه جامده والله ياجماعه انا لسه واصل الشغل و رجليه منملين من الزن اللى تحت رجليه و الرجرجه
ملحوظه كمان :- من كلام الصنايعيه اللى برحلهم ( قواعد - حساس شكمان - رشاشات)
انا عارف انى طولت عليكم بس معلش اعزرونى
و احب اشكر المنتدى اللى عرفنى باجدع ناس زيكم
وكل الشكر و التقدير للاخواتى خالد لانوس و احمد نصار
وسلام كبير كبير اوى (بوم بوم بوم )
اخوكم احمد السنهوتى

[Ahmed Nasser]

ياعم جرب طرومبة البنزين زى ماقولتلك

[misho2008]

العيب في الشدادات بتاعت الموتور------ الكاوتش بتاعها ناشف مطلع صوت الموتور في العربية ركب الشدادات القديمة حتى وجرب
ان شاء الله يكون هو دة العيب