زيت العربية بينقص

[حازم الدمياطى]

عندى لانوس 1 زيت العربية نقص للربع وانا عامل الوقت 500 كيلو مع العلم حاطط زيت شل الاحمر بعد ما كنت بحط بترومين الابيض وكان الزيت مش بينقص بعد ماغيرت الطبة اللى تحت
وعندى الشكمان مش بيطلع دخنة بيضة وبيطلع دخنة سودة على خفيف

مع العلم ان الزيت بينقص بردة من فترة وكشفت عليه لقيت الطبة بتاعت الزيت من تحت بتنقط وغيرتها ومن ساعتها الزيت بقى كويس
حلها ايه يا جماعة

[حازم الدمياطى]

اين الخبراء ؟؟

[lanos2004]

شوف
لو لقيت دخنه بيضا اول ما بتدورها الصبح دة كاوتش صباب ومحتاج يتغير
خلى اى حد من زمايلك يدوس بنزين جامد لحد اما العربيه تفصل وبص على الشكمان لو طلع دفعات دخان ابيض دة طقم شنبر ضعيف
وممكن تعمل اختبار كبس فى اى بنزينه تتاكد من حاله المكنه قبل اما تقرر تصلح اى حاجه فيها
وممكن نوع الزيت هوة الى بيتبخر بسرعه
وطبعا راجع ان يكون فيه تسريب للزيت فى اى مكان

[مصطفى-حسن]

وفية اختبار تانى برضو بسيط ومش مكلف
اغسل الموتور وحوض العربية كويس اوى فى اى بنزينة
وبعد اول مشوار بص على الموتور من كل الاجناب ومن فوق ومن تحت
هتكتشف مكان التسريب بسهولة لو فية تسريب