إستفسار لكل من واجهة مشكلة أويل سيل الباور

[JAM]

بكل إختصار أنا عندى رشح من المكان اللى علبة الدركسيون بتدخل فيه جوا الكابينة بتاعة العربية.. فهل دا برضه من الأويل سيل..؟؟؟.. لإن كل المشكل اللى شفتها هنا مع الأعضاء إن الرشح كان داخل الكابينة والزيت بيكون نازل على دواسة العربية... أنا فى الحالة اللى عندىالرشح جامد أوى بره فى حوض الموتور.
فى إنتظار رأيكم
خالص تحياتى
م/ أحمد نبيل

[eslamhamdy]

لو حضرتك تقصد ان الرشح من علبة الدريكسون السفلية فكده هتحتاج طقم اصلاح ليها و ده عبارة عن طقم جلد بيتغير ليها و بتركب تانى عادى جدا

[JAM]

مش فاهم يعنى إيه علبة الدركسيون السفلية

[مصطفى-حسن]

لو الرشح فى الدواسة زى ما انت بتقول
يبقى هتغير الاويل سيل دة



وراجع على زيت الباور عشان احتمال تلاقية نقص

[JAM]

يا مصطفى باشا.. الرشح من بره الكابينة...فى الجهة المقابلة للمكان اللى حضرتك مصوره.. من جوا الدنيا عندى زى الفل

[MITSUKERO]

متابع

[مصطفى-حسن]

يا مصطفى باشا.. الرشح من بره الكابينة...فى الجهة المقابلة للمكان اللى حضرتك مصوره.. من جوا الدنيا عندى زى الفل

مش انت اللى قولت من جوة
هتلخبطنا لية يا عم احمد
على العموم بص
الحركة دى حصلت معايا وكان زيت الباور بينقص
رفعت قربة المية وحرقت على الصواميل اللى موجودة متدارية تحت قربة المية وتحت السيرفو بتاع الفرامل
تقريبا كان بمفتاح 17 على ما اذكر

[JAM]

ماشى ياعم مصطفى.. أنا فعلآ الزيت بينقص عندى جامد.. هشوف إنهاردة مفتاح 17 وهجرب

[tarek_2005]

خرطوم قربة الباور عندك بيسرب وبيبهدل الدينيه علي علبة الدركسيون راجع الخرطوم ده وهتلاقيه خارج من خزنة زيت الباور رايح للاسكترا

[JAM]

خرطوم قربة الباور عندك بيسرب وبيبهدل الدينيه علي علبة الدركسيون راجع الخرطوم ده وهتلاقيه خارج من خزنة زيت الباور رايح للاسكترا

دا أقرب حاجة للوضع اللى أنا شايفه بعينى.. فعلآ الأسكترا متغرقة زيت.. أنا دلوقتى فى مأمورية ولما أروح هبص عليها... الخرطوم دا كاوتش ولا معدنى..؟؟

[osra26]

اويل سيل علبة الدركسيون

الى الاخوة جميعا
محدش يشترى الاويل سيل البنى اللى به شرشرة من الداخل ويشترى الاسود الاصلى عشان يعيش كام سنة وهو من الخل ناعم بدون اى شرشرة
المعلومة ان النوع الشرشر معمول عشان عمود بيلف فى التجاه واحد لكن عمود الدركسيون بيلف فى اتجاهين

[atpo56a]

ارجو التوضيييح
الاسكاتره ليها 2 اويلسيه يعني واحد تحت الدواسات والثاني مقابل له في صدر العربيه
الاول اللي تحت الدواسات لما يبوظ بنلاقي زيت من تحت الدواسات
الثاني لو باظ يسرب في صدر العربيه زيت باور
يا ريت الشرح وكيفيه تغيير الأويلسيه اللي في صدر العربيه علشان مكانه مزنووووووووووق

[atpo56a]

متــــــــــــــــــــــابع باقـــــــــــــــي الردوووووووود

[eng.m.abdo]

متابع

[HishamShafai]

لسة مغير الأويل سيل إللى فى صدر العربية و كان له أكثر من سنة جايب زيت و أنا مطنش , فى الأول إشتريت واحد ب 20 جنيه لكن الميكانيكى رفض تركيبه و قال هيسرب تانى و دورت على الأصلى لكن غير موجود, أخيرا البائع أعطانى نوع كورى شكله حاجة محترمة و موضوع فى كيس به مجموعة كاملة ب 55ج و قاللى حتلاقى واحد منهم هو إللى إنت محتاجه و الكيس مكتوب عليه إنه للسيارات النوبيرا و أنواع أخرى ليس بينها اللانوس, و فعلا نفع و ركب 100% على اللانوس.