ده طبيعى ؟؟؟؟

[farosco]

عربيتى لانوس 2007 المستخدم السابق كان بيحط مياه حنفيه ..وطبعا انا مضطر استخدم افضل شوية بحط مياه تكييف ..المهم انا بحتاج ازود كل تقريبا 4 ايام حوالى من ربع الى نص لتر طبعا حسب المشى لو مشوار طوالى يبقى هزود نص لتر هل ده طبيعى ولا كده عندى تسريب ؟؟

[Silent~Dream]

المفروض المياه متنقص خالص شوف فيه اى تسريب فى الخراطيم و دوره المياه كلها و القربه و الردياتير و لو مفيش يبقى تشوف الميكانيكى هيقولك ايه و يفضل مياه تبريد عشان الردياتير ميبوظش و كفائه التبريد ولو عايز تغير هتغسل دوره التبريد فى دوره مغلقه و تحط مياه مقطره يومين عشان لو فيه تسريب ثم مياه تبريد حسب النسبه لموصى بها من الكتالوج

[Ahmed Amin]

عندك تسريب,, وحط عبوة ماء أخضر من أي نوع
أي can ماء خضراء من الصغيرة علي الماء اللي عندك, عشان تشوف التسريب بينزل منين,, وهيا اللي هتسيب أثر من مكان التسريب.
عشان التسريب مش هيبان منين كدا طول مانت بتستخدم ماء عادي أو مقطر,,
وتعالج التسريب بعدها,,

[MITSUKERO]

شوف ده هيعرفك كل مكونات دائرة التبريد

http://www.nilemotors.net/Nile/380119-a.html

حط مياة خضراء من اللي ب 20 جنية او حمراء و ابقي بص علي الاماكن دي و الافضل تكبس دورة التبريد

[shur3000]

بص خليك فى مية التكيف لكن لو هتحط ميه خضرا خليك متابع لان اكيد هتجيب طرمبة مية وطبب وشوية خراطيم. لان الميه الخضراء هتشيل الصدا اللى سادد الحتت دى.

[akmm]

اكيد فيه تسريب او غطاء القربه مش مضبوط ...............

[m_medo]

مش طبيعى طبعا... المفروض الميه متنقص خالص

[ramyraby]

طيب سؤال عالسريع اية موضوع مياة التكيف ؟

[farosco]

الله المستعان ...طب الحوار ده يبقى عند ميكانيكى ولا متخصص فى الردياتير ؟؟

[farosco]

طيب سؤال عالسريع اية موضوع مياة التكيف ؟

على قدر معلوماتى ان مياه التكيف او المياه المقطره بتبقى مفيهاش املاح..وغالبا اضرارها اقل من مياه الحنفيه ..والله اعلم ولو حد من الاخوه عنده معلومه يريت يفيدنا

[HATEMFOUAD]

أرسل لكم تجربتى مع مياه التبريد لك تعم الفائدة على الجميع ولنعرف أين الخطأ وأين الصواب ، سياتى نوبيرا موديل 97 كنت بأضع مياه عادية ، وجاءنى صديق بجركن مياه خضراء من الكويت وهى ماركة عالمية وفرحت بها جداً وعملت عملية غسيل لدورة المياه عند متخصص ثم وضعت المياه الخضراء ، ثم بعد ذلك كل شيئ كان تمام لمدة شهرين ولكن بعدها لاحظت أن مفاصل ووصلات دورة المياة يظهر عليها لون مثل لون الصدأ ثم بعض الوصلات البلاستيك الموجودة بين الخراطيم تآكلت ووصلتين من البوابة تآكلت وعملتها فى المخرطة وفهمت بعد ذلك أن المياة الخضراء تقوم بإزالة الصدأ المتآكل إللى بيكون متجمد وسادد الأجزاء الدايبة وقد ذاب كل ذلك فبدأت هذه العيوب ، ثم حدثت مشكلة سخيفة وأنا على الطريق أن إحدى الوصلات بين خرطومين انكسرت لمثل هذه الأسباب وتم تصفية كل المياه ولم ألاحظ ذلك وفجأة بطلت العربية وبفضل الله ساعدنى شخص كان معاه وصلة نحاس أنبوبة وقام بتوصيل الالخرطومين حتى وصلت للمنزل بفضل الله فجزاه الله عنى خيراً ، وقررت أن أذهب لتغيير جميع الوصلات والكشف على الخراطيم ثم غسل دورة المياه ووضع مياه تكييف لأنها الأفضل ، ولعلمى بأن معظم أنواع المياه الخضراء والحمراء مغشوشة ، وعن تجربة الأفضل هى مياه التكييف . أرجو أن يستفيد من تجربتى الجميع ، دعواتكم .

[Ahmed Amin]

أرسل لكم تجربتى مع مياه التبريد لك تعم الفائدة على الجميع ولنعرف أين الخطأ وأين الصواب ، سياتى نوبيرا موديل 97 كنت بأضع مياه عادية ، وجاءنى صديق بجركن مياه خضراء من الكويت وهى ماركة عالمية وفرحت بها جداً وعملت عملية غسيل لدورة المياه عند متخصص ثم وضعت المياه الخضراء ، ثم بعد ذلك كل شيئ كان تمام لمدة شهرين ولكن بعدها لاحظت أن مفاصل ووصلات دورة المياة يظهر عليها لون مثل لون الصدأ ثم بعض الوصلات البلاستيك الموجودة بين الخراطيم تآكلت ووصلتين من البوابة تآكلت وعملتها فى المخرطة وفهمت بعد ذلك أن المياة الخضراء تقوم بإزالة الصدأ المتآكل إللى بيكون متجمد وسادد الأجزاء الدايبة وقد ذاب كل ذلك فبدأت هذه العيوب ، ثم حدثت مشكلة سخيفة وأنا على الطريق أن إحدى الوصلات بين خرطومين انكسرت لمثل هذه الأسباب وتم تصفية كل المياه ولم ألاحظ ذلك وفجأة بطلت العربية وبفضل الله ساعدنى شخص كان معاه وصلة نحاس أنبوبة وقام بتوصيل الالخرطومين حتى وصلت للمنزل بفضل الله فجزاه الله عنى خيراً ، وقررت أن أذهب لتغيير جميع الوصلات والكشف على الخراطيم ثم غسل دورة المياه ووضع مياه تكييف لأنها الأفضل ، ولعلمى بأن معظم أنواع المياه الخضراء والحمراء مغشوشة ، وعن تجربة الأفضل هى مياه التكييف . أرجو أن يستفيد من تجربتى الجميع ، دعواتكم .

انت الغلط اللي عندك أنك كنت بتحط مياة عادية في الاول, او بسبب المالك اللي قبلك.

المياة الخضراء او الحمراء لبها فايدتين
أولاً بترفع درجة غليان الماء,,ودا بيدي كفائة تبريد أفضل.
يعني انت دلوقتي بمية التكيف اللي انت حاططها او مية الحنفية اللي قبلها المية هتغلي عندك في الموتور والرادياتير أول ما توصل ل ١٠٠ درجة مئوية.

ثانياً. بيكون في مواد تزييت وتحافظ علي طلمبة المباة في المية الخضراء والحمراء,
وطبعاً دلوقتي أنت معندكش الكلام وهتخلبها عرضة لانها تبوظ في وقت أقرب.

المية الخضراء والحمراء متعملوش من فراغ,,
وأكيد لما الواحد يجي يحط يجيب الحاجة الأصلي لأنها بتعد بالسنتين في العربية علي الأقل.

[Mahmoud.Fathy]

على قدر معلوماتى ان مياه التكيف او المياه المقطره بتبقى مفيهاش املاح..وغالبا اضرارها اقل من مياه الحنفيه ..والله اعلم ولو حد من الاخوه عنده معلومه يريت يفيدنا

+111111