فالفولين مع نوبيرا 2

[sanhoty2000]

السلام عليكم جميعا
انا ياجماعة غيرت زيت موبيل 10 الاف بـ فالفولين 10 الف اللى بيقال انه بينزل على 13 الف و هو تخليقى بالكامل 5w40 فى مركز توب جير و الشكر للاستاذ محمد صاحب المركز راجل فاهم كويس هو واحمد اللى شغال معاه - وكمان غيرت طرمبة بنزين و سلوك البوجيهات - وكمان غيرت زيت الفتيس و الجوان الكارتيرة الزيت و اولسيه كوبلن .
الانطباعات للماتور لسه مش حسيت بتغير قوى هو صوت الماتور هدى بس كان كده فى الاول لما كنت بغير زيت فى موبيل لكن انا لسه ممشيتش بيه مشوار عشان احكم عليه من حيث هينقص ولا لا هشوف و هبلغكم بالنتائج .
ثانيا الفتيس بقى احسن من الاول فى النقلات
المهم العربيه بقت احسن فى السحب بكتير الله اعلم بسبب الزيت ولا بسبب طرمبة البنزين
المهم هبلغكم لو فى جديد بخصوص الزيت
ربنا يستر ومش ينقص انا قلقان جامد جدا بسبب التحزيرات

[a_mohamedsamir]

Valvoline
زيت ممتاز انا مجبره بقالى حوالى 4000
بسم الله ما شاء الله
وانا بغيره مكنتش مصدق لما قال لى انه مش حينقص ولا يغير لون
لكن بصراحه انا حاسس انه رائع
انا حطط نفس الزيت الجركن الذهبى
ال engine armor

[lanos2004]

شوف كل 500 كيلو تعملهم بص على مقاس الزيت
مقاس الزيت عندنا بيمثل واحد لتر
يعنى لو نقص لنص المقاس يبقه كدة نقص نص كيلو وتزود الناقص
وربنا يسهل ومينقص عندك منه شىء
ومبروك الصيانه

[Ahmed Nasser]

الف مبروك ياباشا
هو سحب العربية زاد بسبب الطرومبة على فكرة
لان طرومبتك القديمة كانت ميتة اساسا
بس الدوارة عاملة معاك اية ؟؟

[saddam]

صديقي المواطن
فالفولاين زيت محترم ولو نقصت معاك أول مرة نص لتر فلا تقلق عشان ممكن بس في أول تغيير بينقص لبواقي شوائب من.الزيت القديم خلطت معه ولكن عن تجربة مع الغيار التالي لن ينقص معك وأتمنى عليك تحط إضافة إي زي آي أو إيزي لتنعيم دوران المحرك وتقليل اﻹحتكاك وإضافة سليك الأمريكية لعمل طبقة عازلة من اﻷلمنيوم لحماية المحرك من الداخل عسان توصل معاك نص مليون.كيلو من غير عمرة
ودمتم للنضال

[sanhoty2000]

اصدقائى الاعزاء اشكركم وربنا يستر ومش ينقص انا مش ناقص مصاريف انا خلاص بجيب جاااااااااااااااز من كل شهر يطلعلى عفريت فيها ويارب يسترها علينا جميعا من مصاريف المستعمل
انا بس قلقان من موضوع نقصان الزيت بس لسه هشوف الدنيا معايه هتعمل ايه وهبلغكم بس سحب العربيه فعلان اتحسن بكتير طبعا حسب توجيهات الكبير احمد نصار ربنا يجازيه خير ويجازى الناس اللى معانه جير يارب وكل سنه وانتم طيبين ويبقى المقابله اللى جايه مع بعض على جبل عرفات
قولو امييييييييييييييين
اخوكم احمد السنهوتى

[Ahmed Nasser]

امين
والف مبروك

[mostafa.specte]

الاستاذ احمد انا قابلته هناك عند مهندس محمد وراجل محترم جدا وزوق وتشرفت بمعرفته فعلا ومبروك الزيت والموبينة الجديدة وانا هبقي اكلمك عشان اغير الموبينة انا كمان وجرب وقولي اخبار العربية ايه

[broadband]

صديقي المواطن
فالفولاين زيت محترم ولو نقصت معاك أول مرة نص لتر فلا تقلق عشان ممكن بس في أول تغيير بينقص لبواقي شوائب من.الزيت القديم خلطت معه ولكن عن تجربة مع الغيار التالي لن ينقص معك وأتمنى عليك تحط إضافة إي زي آي أو إيزي لتنعيم دوران المحرك وتقليل اﻹحتكاك وإضافة سليك الأمريكية لعمل طبقة عازلة من اﻷلمنيوم لحماية المحرك من الداخل عسان توصل معاك نص مليون.كيلو من غير عمرة
ودمتم للنضال

ممكن صور للعبوات دى من فضلك

[sanhoty2000]

مصطفى باشا نورة المنتدى يامعلم وانا اللى اتشرفت بمعرفتك ياكبير
وانا فعلان صورة العبوه بس ازاى ارفع الصور

[mostafa.specte]

مصطفى باشا نورة المنتدى يامعلم وانا اللى اتشرفت بمعرفتك ياكبير
وانا فعلان صورة العبوه بس ازاى ارفع الصور

ربنا يباركلك ياهندسه الشرف ليا

دا موقع مشهور لرفع الصور

http://www.0zz0.com

وبعد ماهيتم رفع الصور عليه هتلاقي مديك خانة اسمها كود المنتديات اعمله Copy وحطه في موضوعك Paste

وهتظهر الصور زي كدا .....

ودا مثال للصورة

[S O P H O S]

مبروك
وان شاء الله تكون تجربة كويسة

[ghounem]

زيت ممتاز جدااااااااااااااا