العربيه بتنتش

[mostafa mahmod]

العربيه كل ما ادوس بنزين تنتش كده نتشتين تلاته و خصوصا على ار بى ام واطى

و خصوصا لو بارده
انا كده كده هغيرلها البوجيهات
بس خايف يكون اللى فيها ده طرمبه بنزين

[mem]

غير البوجيهات وسلك البوجيهات وان شاء الله المشكله تتحل
ونظف الفلاتر ولو بقالها فتره كبيره غيرها افضل

[hossamalsadik]

غير البوجيهات وسلك البوجيهات وان شاء الله المشكله تتحل
ونظف الفلاتر ولو بقالها فتره كبيره غيرها افضل

بالظبط كده تمام
غير البوجهات وجرب لسى غير سلوك البوجيهات وجرب
ثم الفلاتر : فلتر البنزين وفلتر الهوا
وتنضف الرشاشات
وحتى لو المشكله مش منهم يبقى عملت السرفيس ده

طيب لو لسى المشكله يبقى خش على المرحله التالية
تكشف على 1- الطرمبه ثم 2- المبينه

[agaty1st]

نفس المشكله حصلتلي الأسبوع اللي فات و غيرت سلوك البوجيهات
و الحمد لله اتحلت

[a_mohamedsamir]

إكشف على سلوك البوجيهات
وغير البوجيهات بالوجيهات بتاعة العربية
وإنشاء الله تتحل

[مصطفى-حسن]

لو بتحط بنزين 80 تبقى دى اعراض طبيعية بتيجى وتروح مع نضافة البنزين اللى انت حاطة

[mostafa mahmod]

انا غيرت البوجيهات و غيرتها بنفسى لان الميكانيكى كان قافل علشان امبارح كان الاحد و للاسف و انا بفك سلوك البوجيهات قطعت اتنين :o
بس الحمد لله كان عندى اتنين قدام و ركبتهم و الدنيا خفت شويه
بعد العيد بقى هغير الفلتر و السلوك ان شاء الله :)

[mostafa mahmod]

غيرت سلوك البوجيهات و العربيه اتحولت
بجد سحر ههههههههههههههههههههههه
كان العيب فيهم و دلوقتى العربيه احسن بكتير :)

[mem]

مبروك حل المشكله