حصلى موقف اول مرة يصادفنى ارجو المساعدة

[عماد]

السلام عليكم ورحمة الله وبركاته
من يوم الاحد الماضى كنت سامع صوت خشن فى الموتور من ناحية الجانب اللى فيه الديمنو وكمان مبرجل العربية ( دايو )
قلت بعد العيد هاروح للميكانيكى ان شاء الله
وسافرت الاسكندرية انا والاسرة اول يوم العيد وانا راجع تانى يوم العيد على القاهرة دخلت استراحة الطريق اخذنا حوالى ساعة رست ولما شغلت العربية لقيت الصوت الخشن اختفى خالص والموتور صوته بقى ناعم
ولقيت لمبة الدينمو فى التابوه منورة مش بتطفى خالص قلت ابص على الدينمو ملقيتش سير الدينمو خالص وقع وانا ماشى
روحت شغلت العربية بما ان مفيش ميكانيكى ولا قطع غيار وتوكلت على الله ومشيت على البطارية وجيت القاهرة من غير ما اشغل انوار

المطلوب من سيادتكم
هل اللى انا عملته ده انى امشى المسافة دى على البطارية غلط وهل فى اضرار ممكن تحصل بسبب ده ( علما بان البطارية جديدة من ثلاثة ايام) ولازم اروح للميكانيكى وهامشى بيها 30 كم كمان ضرورى تردوا على اعمل ايه

[د.عماد صلاح]

ااعتقد انك كده بتفضي الشحن بتاعها

[eng.salama93]

لأ مفيش قلق إن شاء الله ... بس لما تركب سير الدينامو ابقي خد العربية مشوار كويس كدا ولا اتنين عشان البطارية ترجع تمام تاني
و بالنسبة للصوت اللي عندك فا بما إنه انتهي عشان السير اتقطع يبقي الصوت جاي من بلية الدينامو
او من بلية طرمبة الميه لو الطرمبة و الدينامو علي نفس السير

[عماد]

ااعتقد انك كده بتفضي الشحن بتاعها

فى الظروف دى وكان معايا الاسرة الحمد لله انها جت على قد كده

[عماد]

لأ مفيش قلق إن شاء الله ... بس لما تركب سير الدينامو ابقي خد العربية مشوار كويس كدا ولا اتنين عشان البطارية ترجع تمام تاني
و بالنسبة للصوت اللي عندك فا بما إنه انتهي عشان السير اتقطع يبقي الصوت جاي من بلية الدينامو
او من بلية طرمبة الميه لو الطرمبة و الدينامو علي نفس السير

اولا - انا بشكرك على الرد والمشاركة وعلى الافادة
ثانيا - ان شاء الله لما يفتحوا الميكانيكية وبتوع قطع الغيار هاروح اعمل الازم اللى حضرتك نبهتنى ليه

[wahba87]

احمد ربنا انك وصلت بالسلامة

[عماد]

احمد ربنا انك وصلت بالسلامة

الحمد لله ربنا سترها وان شاء الله يسترها علينا جميعا

[hossamalsadik]

لامفيش مشكله على البطارية ان شاء الله
وأعتقد الصوت جى من بلية الدينمو او طرمبة المايه

[elnakshabandy]

بس خلى بالك متمشيش تانى على كده بالعربيه وخد معاك قطع الغيار الاول وياريت لو الميكانيكى بعيد
حاول تركب السير قبل ماتروحلوا

حمد لله على السلامه

[saddam]

صديقي المواطن
الصح دايما السيور بدل متشتري واحد دايما تاخد بزيادة وتحط بشنطة العربية
وعلى فكرة البطارية بتاعتك دي جدعة وبنت ناس ولازم تصورها وتحط الصورة في الصالة جاي في عربية طريق أكثر من ساعة ونص وعايز تروح بيها تاني للميكانيكي
ملحوظة إنت محتاج كهربائي وليس ميكانيكي حيحل الدينمو ويغيرلك بلية دينمو وبالمرة تشيك على بلية الشداد إن وجد ولو معرفش. يغيره تاخد الدينمو لمؤسسة ميمي جنب مستشفى أم المصريين في الجيزة حيجريلك اللازم ويجددلك الدينمو ثم تركب السير
والبطارية بتاعتك مش حتتأثر من عطلين ثلاثة في الدينمو يستثنى من ذلك البطارية السائلة في ما بعد منتصف عمرها لو إتقطع عليها الشحن فتره المياه بداخلها حتفقد تركيزها وتتحول مياه عادية
إنت ربنا سترك وملحوظة متعملش كده تاني وتخاطر بأهلك وتسيب السير إنت لو لفيت الدينمو بأي حبل كان ساعد معاك شوية شوية وبالتوفيق وإلى اﻷمام ومن نصر إلى نصر
ودمتم للنضال

[عماد]

لامفيش مشكله على البطارية ان شاء الله
وأعتقد الصوت جى من بلية الدينمو او طرمبة المايه

انا بشكرك على الرد والمشاركة وعلى الافادة والحمد لله ربنا ستر

[عماد]

لامفيش مشكله على البطارية ان شاء الله
وأعتقد الصوت جى من بلية الدينمو او طرمبة المايه

انا بشكرك على الرد والمشاركة وعلى الافادة والحمد لله ربنا ستر

[عماد]

صديقي المواطن
الصح دايما السيور بدل متشتري واحد دايما تاخد بزيادة وتحط بشنطة العربية
وعلى فكرة البطارية بتاعتك دي جدعة وبنت ناس ولازم تصورها وتحط الصورة في الصالة جاي في عربية طريق أكثر من ساعة ونص وعايز تروح بيها تاني للميكانيكي
ملحوظة إنت محتاج كهربائي وليس ميكانيكي حيحل الدينمو ويغيرلك بلية دينمو وبالمرة تشيك على بلية الشداد إن وجد ولو معرفش. يغيره تاخد الدينمو لمؤسسة ميمي جنب مستشفى أم المصريين في الجيزة حيجريلك اللازم ويجددلك الدينمو ثم تركب السير
والبطارية بتاعتك مش حتتأثر من عطلين ثلاثة في الدينمو يستثنى من ذلك البطارية السائلة في ما بعد منتصف عمرها لو إتقطع عليها الشحن فتره المياه بداخلها حتفقد تركيزها وتتحول مياه عادية
إنت ربنا سترك وملحوظة متعملش كده تاني وتخاطر بأهلك وتسيب السير إنت لو لفيت الدينمو بأي حبل كان ساعد معاك شوية شوية وبالتوفيق وإلى اﻷمام ومن نصر إلى نصر
ودمتم للنضال

انا بشكرك على الرد والمشاركة وعلى الافادة والحمد لله ربنا سترها

[عماد]

بس خلى بالك متمشيش تانى على كده بالعربيه وخد معاك قطع الغيار الاول وياريت لو الميكانيكى بعيد
حاول تركب السير قبل ماتروحلوا

حمد لله على السلامه

الله يسلمك
انا بشكرك على الرد والمشاركة وعلى الافادة والحمد لله ربنا سترها