عاوز نصيحه ابيع اللانوس 2004

[samehenany05]

معايا لانوس 2004

العربيه بقالها سنه معايا

عاوزه حاليا شوية مصاريف

بتاكل زيت بعد 400 ك مبيبقاش فيها غير حوالى ..... نصف كيلو زيت .... تقريبا عاوزه عامره الماكنه عامله 186 الف كيلو

تانك البنزين .... كان فيها تنك مطبق ومكنتش بتاخد اكتر من 30 لتر بنزين اشتريت واحد استيراد وبعد شهر ونصف بدأ ينشع بنزين .... يعنى محتاج تانك

[overline][/overline]معلش طولت عليكم

كمان الدهان الخارجى محتاج تلميع وشوية مرمات ......هيه مش رشه سقف

هل ابيع افضل ولا اضبطها

لو بعت اجيب لانوس تانى ولا اجيب ايه وفى نفس السعر

مع العلم ولله الحمد العربيه مش مقصره معايا ماشاء الله بسافر بيها على طول من القاهره الى المنصوره

ولو ابيع اشترى ايه فى نفس السعر ما عدا الفيرنا

[ahmedalaahosny]

طالما مش مقصرة معاك وعربيتك وانت عارف كل مسمار فيها يبقى ظبطها احسن لانك مش ضامن العربية اللى هتجيبها برده وحتى يوم ماهتقول يابيع هتخسر لو هتبيعها على عيوبها

[AHMADALY1999]

لو مكانك اظبطها
هو الزيت بينقص ليه فى دخان من الشاكمان ؟

[محمد بلال]

خليها معال واصرف عليها احسن

[aw2100]

شوية المشاكل اللى بتقول عليها دى ماتعبش عربية اهم حاجة فى العربية المستعملة الأساسيات والباقى موضوع موتور خفيف والبوية وحشة والعفشة او الصالون مبهدل وخلافة دى حجات مستهلكة فى اى عربية تتظبط بكام الف جنية والعربية تبقى عروسة وتبقى ظبطها على ايدك وعرفت عيوبها لكن تبيع ممكن تقع فى عربية تكرهك فى العربيات وخصوصا الغش انتشر قوى انصحك تصرف على عربيتك وتعمل الصح فيها افضل وعلى رأى مثل يمنى جنى تعرفة احسن من انسى ماتعرفوش تحياتى ؟؟؟

[J A G U A R]

خليك مع عربيتك

[Mahmoud.Fathy]

ظبط عربيتك وبوس ايدك وش وظهر :)

[samehenany05]

لو مكانك اظبطها
هو الزيت بينقص ليه فى دخان من الشاكمان ؟

لما بكبس شويه على البنزين بيطلع دخان غير كده مش بشوف دخان او يمكن وانا سايق الدخان مش بيبقى ظاهر فى المرايا

[samehenany05]

شكرا للردود واقتنعت بس محتاج مساعده

التانك بيرشح وعارف مكان ترشيحه .... هل افكه والحمه ولا اشترى استيراد للمره الثانيه وهل الاقى فى الحرفيين وعند مين .

طيب موضوع عمرة الماتور هل بنجح ولا ما ينجحش واحتاج اغير الماكينه ... وبصراحه ده اللى مخلينى افكر فى البيع

[ahmedalaahosny]

شكرا للردود واقتنعت بس محتاج مساعده

التانك بيرشح وعارف مكان ترشيحه .... هل افكه والحمه ولا اشترى استيراد للمره الثانيه وهل الاقى فى الحرفيين وعند مين .

طيب موضوع عمرة الماتور هل بنجح ولا ما ينجحش واحتاج اغير الماكينه ... وبصراحه ده اللى مخلينى افكر فى البيع

واحد استيراد من عند واحد نضيف وتعاينه كويس احسن من اللحام ع الاقل هتنساه مش هتبقى كل شوية قلقان ع اللحام
اما بالنسبة لحكاية العمرة الموضوع ده انت وحظك لو الخراط كويس هيعمل الشغل كويس ودول قليلين الافضل تجيبلك مكنة استيراد طالعه من نص ماشى قليل وحالته كويس ومعاك ميكانيكى يعاين وبص على دورة الزيت والمية ف النص وشوف حالتهم ايه لو تعبانين يبقى المكنة دى تعبانة وخدها بضمان بتاع اسبوعين تلاتة لغاية ماتركب وتمشى شوية وربنا يوفقك

[samehenany05]

تفتكروا اعمل كبس للماكينه الاول قبل ما افتحها واشوف بتاكل زيت ليه ولا اشتغل على طول

طيب لو تعايشت مع الوضع كده شويه ممكن يحصل حاجه

[ahmedalaahosny]

مالوش لزمة الكبس انت لو هتشتغل فيها اشتغل على طول لو هتغير المكنة استنى لما اللى عندك تجيب اخرها وهاتلك واحده استيراد