انا مش فاهم عربيتى !!!!

[strikebaby]

السلام عليكم ورحمه الله وبركاته

كل سنه وانتم طيبيين و عيد سعيد عليكم



الحكايه بأختصار ان انا امبارح روحت حفله عمرو دياب الساحل الشمالى المهم انا فولت عند البوابه من موبيل اللى عند كارفور

اولا: العربيه كانت ثابته على 160 مش عايزة تعديهم بكل الوسائل وكان rpm على 4.5 كنت حاسس انى راكب مرسيدس معمولها speed limit !!!!

ايه السبب اللى كان مخليها مش عايزة تعدى السرعه ديه!!!!

ثانيا: انا لما فولت لقيت حاجه غريبه لما خلصت طريق العالمين ان تانك البنزين بقا على الربع المهم دخلت بنزينه توتال اللى عند مارينا و فولت لقيتها اخدت 30 لتر بنزين

ايه السبب بردو فى شفط البنزين دة !!!!!!!

انا اسف على الاطاله

انا عربيتى جوليت موديل 2000

[Mahmoud.Fathy]

اخر مرة عملت صيانة امتى وعملت فيها ايه ... لان موضوع استهلاك البنزين الزيادة ليه مليون سبب ... قولنا معلومات اكتر عن العربية عشان الناس تقدر تفكر معاك ... وسرعة 160 دي كويسة مش وحشة على عربية مو 2000 .... الا اذا انت كنت متعود على انك تجيب سرعات اعلى من كده والعربية مجابتش معاك المرة دي ...

[MITSUKERO]

طرمبة بنزين او رشاشات بس غالبا رشاشات

[د.عماد صلاح]

مونت منين

[AHMADALY1999]

استهلاك البنزين تفسيره السرعة العالية
و احتمال كان اتجاه الريح ضد العربية فمبطئها و مزود الاستهلاك
وغير فلتر الهوا لو معدى ال 10 الاف كم
و ضغط العجل على 32

[strikebaby]

اخر مرة عملت صيانة امتى وعملت فيها ايه ... لان موضوع استهلاك البنزين الزيادة ليه مليون سبب ... قولنا معلومات اكتر عن العربية عشان الناس تقدر تفكر معاك ... وسرعة 160 دي كويسة مش وحشة على عربية مو 2000 .... الا اذا انت كنت متعود على انك تجيب سرعات اعلى من كده والعربية مجابتش معاك المرة دي ...

-اخر مرة عملت صيانه كانت من كام شهر معداش عليها 6000 كيلو

-السرعه مش بالموديل السرعه على حسب حاله الموتور انا الحمد لله الموتور عندى بحالته عامل 138 الف
العربيه كانت بتعدى 170

[strikebaby]

مونت منين

مونت من موبيل اللى عند كارفور فى الرايحه و هناك مونت من توتال اللى عند مارينا

[strikebaby]

استهلاك البنزين تفسيره السرعة العالية
و احتمال كان اتجاه الريح ضد العربية فمبطئها و مزود الاستهلاك
وغير فلتر الهوا لو معدى ال 10 الاف كم
و ضغط العجل على 32

هو فعلا منطقيا اظن ان اتجاة الريح كان مزود استهلاك البنزين !!

بس السرعه هى هى فى كل الاوقات انا رحت من القاهرة للساحل و من الساحل لاسكندريه و تانى يوم رجعت القاهرة كلها نفس السرعه

بس انا بعد كل الهرى دة نسيت اخد بالى من استهلاك البنزين تانى بعد اول مرة ((معلش الزهايمر))

[Mahmoud.Fathy]

مبدأيا حط العربية على سكانر وشوف قراءات الحساسات ... لو تمام ... يبقى العيب لو من الرشاشات وبتسيل العربية هتتأخر في الدوارة ... لو من طلمبة البنزين هتلاقي العربية مخنوقة سحبها ضعيف عن الطبيعي ...

[strikebaby]

مبدأيا حط العربية على سكانر وشوف قراءات الحساسات ... لو تمام ... يبقى العيب لو من الرشاشات وبتسيل العربية هتتأخر في الدوارة ... لو من طلمبة البنزين هتلاقي العربية مخنوقة سحبها ضعيف عن الطبيعي ...

هو فعلا انا عايز احط العربيه على الاسكانر من زمااااااان و سألت استاذ محمد ممدوح على الراجل اللى فى الدقى وان شاء الله حاروحله ((بس انت عارف الكسل))

[ZOoOoMA]

يا ريت تقولي على مكان اكشف فيه سكانر لاني معيا لانوس موديل 99 و حالته الموتور ممتازه برضو بس فيها مشكلتين زيك ب الظبط مش بتعدي ال 160 و سفاحه بنزين كنت مفول و انا في شبرا روحت مدينه نصر كانت سحبت نص التانك!!!!!!!!

[strikebaby]

يا ريت تقولي على مكان اكشف فيه سكانر لاني معيا لانوس موديل 99 و حالته الموتور ممتازه برضو بس فيها مشكلتين زيك ب الظبط مش بتعدي ال 160 و سفاحه بنزين كنت مفول و انا في شبرا روحت مدينه نصر كانت سحبت نص التانك!!!!!!!!

دة المكان اللى نصحنى بيه استاذ محمد ممدوح

((محمد السيد فى الدقى - تالت يمين بعد ما تنزل من كوبرى الدقى فى اتجاه جامعة القاهرة (ناصية جابر ابن حيان)))

انا ان شاء الله رايح بس نفسى اعرف امته ((اصل انا يومى بسنه))