مشاكلي مع النوبيرا

[mhemoo_sale]

انا معايا نوبيرا 2004 فيها مشاكل الدنيا والاخرة ومش عارف اعمل اية
1- صوتها عالى مش عارف لية محدش يقولي عادي عشان واحد قريبي برضو معاه نوبيرا وملهاش صوت خالص
2- الديسك والاسطوانة ينفع يتملو ولا لازم يتغيرو
3- لما اجي اقرص على البنزين العربية بتبقى مخنوقة ومش بتفتح في السرعه

[أسامه طياره]

الصوت العالي ده حصل معايا فتره وكان عالي جدااااااااا ولا العربيات القديمه وقالولي العربيه عايزه تغير بلوف تاكيهات وحسيتها حوار واحد نصحني اغير زيت الموتور وقبل ماحط الزيت الجديد اغسل الموتور بلتر زيت وادور عليه شويه وبعدين افرغه تاني واحط الزيت الجديد وبالفعل عملت كده في البنزينه واول مادورت النتيجه ان الصوت زي ماهو وزعلت اوي بس مجرد ماروحت البيت وجريت عالزيت شويه راح الصوت الحمدلله .. جرب وقولي ... وبالنسبه لأن العربيه مخنوقه ده مقدرش افيدك فيه لأن للموضوع ده اسباب كتييييييييييييير جدا !! اسأل ميكانيكي شاطر او روح مركز صيانه بالكمبيوتر اه هتدفع اكتر بس اهو احسن ماتلف وتجيب قطع غيار اد كده بالغلط وهتدفع اكتر واكتر

[modyegypt]

الصوت العالي ده حصل معايا فتره وكان عالي جدااااااااا ولا العربيات القديمه وقالولي العربيه عايزه تغير بلوف تاكيهات وحسيتها حوار واحد نصحني اغير زيت الموتور وقبل ماحط الزيت الجديد اغسل الموتور بلتر زيت وادور عليه شويه وبعدين افرغه تاني واحط الزيت الجديد وبالفعل عملت كده في البنزينه واول مادورت النتيجه ان الصوت زي ماهو وزعلت اوي بس مجرد ماروحت البيت وجريت عالزيت شويه راح الصوت الحمدلله .. جرب وقولي ... وبالنسبه لأن العربيه مخنوقه ده مقدرش افيدك فيه لأن للموضوع ده اسباب كتييييييييييييير جدا !! اسأل ميكانيكي شاطر او روح مركز صيانه بالكمبيوتر اه هتدفع اكتر بس اهو احسن ماتلف وتجيب قطع غيار اد كده بالغلط وهتدفع اكتر واكتر

يعنى انت بدل ما تحط 4 لتر
حطيت لتر واحد
ودورت اد ايه ....؟

[blazer]

الصوت العالى مشهور فى النوبيرا ليها نعره كدا
السحب ممكن يكون عيب من كتر من حاجه
انت ايه اخر صينه عملتها للعربيه
بوجيهات
سلوك بوجيهات
فلاتر هوا و بنزين و زيت
رشاشاتك حالتها ايه وهل بتغيب فى الدواره

[MemO_KinG]

انا معايا نوبيرا و كنت بعانى من مشكلتك برضه و كل ميكانيكى كان بيفتى فيها
لحد ما رحت لواحد محترم اخدنى و روحنا اشترينا حساس استيراد و بقالى 3 شهور لحد النهاردة ساعات بحس ان الموتور فصل من كتر هدوئه

[MemO_KinG]

و شوف خنقة الكاربيراتير و لو فى تنفيس فى الشكمان

[modyegypt]

انا معايا نوبيرا و كنت بعانى من مشكلتك برضه و كل ميكانيكى كان بيفتى فيها
لحد ما رحت لواحد محترم اخدنى و روحنا اشترينا حساس استيراد و بقالى 3 شهور لحد النهاردة ساعات بحس ان الموتور فصل من كتر هدوئه

حساس ايه شكمان

[mahmoudysf]

و شوف خنقة الكاربيراتير و لو فى تنفيس فى الشكمان

العربية مفيهاش كاربراتير

[أسامه طياره]

دور عاللتر ده فتره متزيدش عن 5 دقايق ورقب لمبة الزيت المفروض متنورش ولو لقيتها منوره بطل الموتور فوراااااا وخلي الراجل يزود كمية الزيت لحد ماللميه تبقى طافيه وتسيبها دايره فتره مش اكتر من 5 دقايق

[عصام غنايم]

الصوت العالي ده حصل معايا فتره وكان عالي جدااااااااا ولا العربيات القديمه وقالولي العربيه عايزه تغير بلوف تاكيهات وحسيتها حوار واحد نصحني اغير زيت الموتور وقبل ماحط الزيت الجديد اغسل الموتور بلتر زيت وادور عليه شويه وبعدين افرغه تاني واحط الزيت الجديد

ايه العك ده

وكمان حد يرد عليك يسئلك على الكميه ترد وتقوله 1 لتر وشويه

انتوا بتهزروا اكيد

يا جماعة الخير قبل ما تنزل الزيت القديم هتحط فلش اويل امريكى

وبعدين تدور العربيه لمدة 5 دقايق وانت مزود بنزين ( يعنى rpm 3 )

وبعدين تنزل الزيت القديم والفلتر

وبعد الزيت القديم ينزل خالص تحط زيت شيل الترا ( ال 10 آلاف ) مع الفلتر الجديد وبس

غير كده يبقى فتى

انت فين يا محمد يا ممدوح ؟؟؟؟؟

[أسامه طياره]

العك معلش اني احط فليش اويل على موتور ماشي 198 الف كيلو عشان هيتدغدغ مني الفليش اويل حضرتك ميتحطش غير عالمواتير اللي ممشيتش اكتر من 100 الف بالكتير اوي وياريت تسأل اختصاصي .. انا الحمدلله مبغيرش مسمار في عربيتي ولا بعمل خطوه غير لما اسأل ناس مسئولين توكيلات وخبرات كبيره في صيانة العربيات .. واخر حاجه اعك فيها عربيتي .. وشكرا لذوقك