مطلوب لانوس 1 اوتوماتيك

[M.Elgergawy]

السلام عليكم ياريت لو في حد بيبيع عربيه لانوس اوتو يبلغني وتكون بحاله جيدة
دواخل وموتور وفتيس وشكرا جزيلا

[ramyraby]

ياباشا ابعد عن الاتوماتيك في الانوس نصيحة لله مش كويس فيها انا كانت عندي وعانيت منها جدا جدا والامر يرجع لك

[M.Elgergawy]

شكرا على النصيحه بس ممكن اعرف ليه

[MITSUKERO]

تجميعها بطيء شوية كانت مع واحد صاحب والدي من الزيرو و باعها من كتر الرخامة بتاعتها بعد اول 10 الاف كيلو

[M.Elgergawy]

محتجها للمدام عندي مش ليا

[megadeath]

العربية موديل 1999و ممكن تبقى 2000 يعنى العربية بقالها 13 سنة شغالة بمعنى اخر مش حتلاقى حالتها كويسة و لو لقيت حيبقى نادر جدا و ممكن يكون مستحيل ( زى ما قولت بقلها 13 سنة ماشية على الارض )
و بعيدا عن موضوع السحب العربية الفيتس بتاعها باخذ 12 كيلو زيت فتيس سعر الكيلو 30 جم و لازم تتابع الصيانة بتاعتة كويس جدا
انصجك بلاش انا كانت معايا واحده و بعتها خليك فى الانسر الاتوماتيك احسن

[ramyraby]

العربية موديل 1999و ممكن تبقى 2000 يعنى العربية بقالها 13 سنة شغالة بمعنى اخر مش حتلاقى حالتها كويسة و لو لقيت حيبقى نادر جدا و ممكن يكون مستحيل ( زى ما قولت بقلها 13 سنة ماشية على الارض )
و بعيدا عن موضوع السحب العربية الفيتس بتاعها باخذ 12 كيلو زيت فتيس سعر الكيلو 30 جم و لازم تتابع الصيانة بتاعتة كويس جدا
انصجك بلاش انا كانت معايا واحده و بعتها خليك فى الانسر الاتوماتيك احسن

صح الكلام 100% هتتعبك جداا عن تجربة الحمد لله خلصت منه وخسرت كتير جدا جدا

لكن للامانة هو مريح فالسواقة فقط لكن في بدائل احسن وبدون مشاكل

[carrier]

الاوتوماتيك مستعمل يبقى هوندا على طول
سعر معقول جدا وقطع غيار اصلية جديد واستيراد وسيدان او هاتشباك
الفتيس الاوتوماتيك
نفسه بتاعها ولو مستعمل هايل ومشاكله شبه مفيش
عربية ناعمة وسهلة وممتعة وج.الكماليات وتطمن على المدم وعيالك لانها اعتمادية
بالتوفيق

[M.Elgergawy]

اتفرجت على عربيه انهارده غريبه جدا مواصفاتها كالاتي وياريت خبراء اللانوس يفيدوني فيها لانوس 2 2001 كامله اوتو موتور تقريبا نوبيرا وجنط حديد 14 وطابلوه ايرباج وطاره ايرباج شبه بتاعة النوبيرا والعداد بالميل ومرابات مانيوال ووشها من الامام وش لانوس 1 والاكصدام الامامي فيه عواكس على الاجناب بفوجات لانوس 1 وضهرها لانوس 2 والفوانيس برده مش شكل اللي عندنا خالص ياريت حد يقولي دي بتنزل كده ولا صحبها معدلها وشكرا

Sent from my GT-I9300 using Forum Runner

[M.Elgergawy]

والزجاج كمان مانيوال وده اللي مشككني انها متعدله

Sent from my GT-I9300 using Forum Runner

[ramyraby]

حبيبي نصيحة لوجه الله تعالى ابعد عن الشر وغني له

تحياتي الغالية

[rifaee]

اتفرجت على عربيه انهارده غريبه جدا مواصفاتها كالاتي وياريت خبراء اللانوس يفيدوني فيها لانوس 2 2001 كامله اوتو موتور تقريبا نوبيرا وجنط حديد 14 وطابلوه ايرباج وطاره ايرباج شبه بتاعة النوبيرا والعداد بالميل ومرابات مانيوال ووشها من الامام وش لانوس 1 والاكصدام الامامي فيه عواكس على الاجناب بفوجات لانوس 1 وضهرها لانوس 2 والفوانيس برده مش شكل اللي عندنا خالص ياريت حد يقولي دي بتنزل كده ولا صحبها معدلها وشكرا

sent from my gt-i9300 using forum runner

المواصفات الامريكي كده بس ده متعدله لان انا معايا واجده لانوس 1 كامله اتوماتيك 1600 2 كامه فيها كل اللي انت بتقول عليه بس شكلها ذي اللانوس 1 من ورا و من قدام وكمان الزجاج كله كهربا و المرايا اليمين بس اتوماتيك وده انا منزلها كده من بور سعيد