نوبيرا 1 بتبطل

[karim 0000]

السلام عليكم ,, أنا الحمد الله لسه شاري نوبيرا 1 موديل 97 بس ظهرت معايا مشكله إن العربيه بتبطل وانا ماشي أو واقف لما أشيل رجلي من دواسة البنزين بس الحكايه ديه مش دايما يعني ساعات ساعات ورحت للميكانيكي قعد طبعا ً يجرب وسبها دايره ساعه مبطلتش فحسسني إني غلطان .. المهم رحت لواحد تاني غير : طلمبة البنزين + فلتر بنزين + فلتر هواء + سير التقسيمه + البوجيهات .. وحطها على الاسكانر مطلعتش أي عيب غير إن ال ignition time ساعات بيجي سالب قاللي لازم نظبط التقسيمه وكمان لقى فيشة الكويل ممكن تقع فثبتها كويس ومشيت تمام .
إمبارح عملتها تاني !!!!!!!!!
مش عارف أعمل أيه ؟؟ هل لو عملت ايدل ليرن يفرق زي ما قريت ولا دا عيب شائع ولا ايه ؟؟!! أرجو المساعده من الخبراء ...

[أحمد جودة]

اعتقد والله اعلم الكهربا عندك محتاجة تعلي شوية بما أنك عملت الحاجات دي فى العربية ........ سؤال لو عندك عداد rpm حاليا المؤشر بيبقي على كام ع السلانسية

[modyegypt]

حط منظف انجكشن فى نص تفويلة او اقل

[أحمد جودة]

حط منظف انجكشن فى نص تفويلة او اقل

فكرة بردو مع اني بشوف الحل دة زي المسكن بس بردو لو الحال اتحسن يبقي كان بها ويكمل ويعمل تنظيف للرشاشات عند ميكانيكي كويس

[georgedada82]

تنضيف البوابة وحساس الايدل

[aboomar22]

تنضيف البوابة وحساس الايدل

نفس الكلام ده حصل معانا من شهر فى نوبيرا 1 اتوماتيك وبعد تنظيف الحساس والبوابة بقت تمام

[Ahmed Nasser]

نظف الايدل والبوابة وهتبقى تمام ان شاء الله