مشكلات في الدايو لانوس - ساعدونا جزاكم الله خير

[ekotta]

مساء الخير شباب .. انا لسه جديد في المنتدي ..
متابع مواضيعكم ومساعدتكم للاعضاء .. وجزاكم الله خير واللهي علي تعبكم ..

عندي شويه استفسارات عاوز اخد رأيكم فيها ..
عربيتي دايو لانوس 1 اوتوماتيك المدفع الكبير بيحصل معايا الأعراض دي يا ريت اعرف كلهم مرتبطين بعطل واحد .. ولا اكتر من عطل :

1 - الصبح بتغيب في الدواره شويه ( بس مش كتير ) مع خروج دخنه بيضاء لمده ثواني لما بتدور .

2 - أول لما العربيه تدور وهي لسه واقفه في مكانها الـ RPM بيكون فوق الواحد وبعدها بشويه بينزل تحت الواحد
وتحس ان العربيه خلاص قربت تبطل وتبتدي تترعش كأنها هتبطل ( بس مش بتبطل ) ولو دوست بنزين عشان أعليها ..
الاقي إن زي ما يكون الشكمان بـ ( يتفتف )
الميكانيكي علاها شويه من المسمار بس برضو الـ RPM بينزل جامد اوي تحت الواحد لما بقف في الاشارات او في زحمه او ماشي ببطء وتبتدي تترعش تاني كأنها هتبطل

3 - في الطرق السريعه العربيه بتييجي عند سرعه 80 تحس انها بعد ما تنقل رافضه السرعه تزيد فوق الثمانين
مهما ضغطت برجلي علي دواسه البنزين حتي لو دوست لآخر الدواسه لا السرعه بتعلي ولا الـ RPM بيعلي ..
وتبتدي تترعش برضو وتحس انها بتقطع ومخنوقه ومش عارفه تطلع فوق الـ 80 خالص ..
لو شلت رجلي من علي البنزين لمده ثواني وحطيتها تاني تبتدي تسحب وتطلع فوق الـ 80 وتجيب 90 و 100 و 120 عادي خالص

ولمزيد من الايضاح آخر صيانات عملتها وبعدها ظهرت الحكايات دي :

- غيرت موتور طرمبه البنزين و جبت طقم بوجيهات ( ENG K )
- فكيت و نضفت الرشاشات و الأيدل
- الموبينه كانت باظت وغيرتها بواحده استعمال ( بس الاعراض دي كانت قبل التغيير ولسه موجوده بعد التغيير )

وكان رأي أخونا الميكانيكي الآتي :

- اجيب اسلاك بوجيهات جديده و طقم بوجيهات ( اخر مره غيرت الخراطيم دي من سنه ونص تقريبا . والبوجيهات من شهر ونص )

- العربيه محتاجه طقم شنبر عشان بخره الزيت عاليه والموتور خفيف شويه
والبخره طالعه من المانفول وفيه تنقيط زيت بسيط من عند العمه اللي داخله للمانفول

آسف علي الإطاله واتمني رد تفصيلي

أفيدونا أفادكم الله .. وجزاكم الله ألف خير

[Amr Elshamy]

موتور طرمبة البنزين اللى انت جبته كان استيراد ولا جديد وكان بكام ؟

[ekotta]

موتور طرمبه البنزين كان استيراد وكان ثمنه 75 جنيه

[mohnsar]

السلام عليكم

المشكلة رقم واحد دي اكيد رشاشات فيها نسبة تسييل وحلها تغيير الرشاشات ( ودي غالبآ المشكلة الاساسية اللي عندك )
المشكلة رقم اثنين دي من الايدل كنترول ممكن يكون بايظ بس انصحك تغيير الرشاشات الاول لان ممكن عدم انتظام الرشاشات يكون لة تأثير سلبي علي ضبط الكنترول للأيدل
المشكلة رقم ثلاثة ممكن تكون تابع للرشاشات او الtps او الطلمبة و ممكن كمان الشكمان انصحك الاول غير رشاشات الاول ( بس سؤال هيا لما بدوس تاني علي دواسة البنزين وتجيب معاك لحد 120 بتسبت علي كدة ولا بعد شوية تتخنق تاني )

[ekotta]

السلام عليكم

المشكلة رقم واحد دي اكيد رشاشات فيها نسبة تسييل وحلها تغيير الرشاشات ( ودي غالبآ المشكلة الاساسية اللي عندك )
المشكلة رقم اثنين دي من الايدل كنترول ممكن يكون بايظ بس انصحك تغيير الرشاشات الاول لان ممكن عدم انتظام الرشاشات يكون لة تأثير سلبي علي ضبط الكنترول للأيدل
المشكلة رقم ثلاثة ممكن تكون تابع للرشاشات او الtps او الطلمبة و ممكن كمان الشكمان انصحك الاول غير رشاشات الاول ( بس سؤال هيا لما بدوس تاني علي دواسة البنزين وتجيب معاك لحد 120 بتسبت علي كدة ولا بعد شوية تتخنق تاني )

بمجرد ما الخنقه تفك اللي عند الـ 80 والعربيه تطلع فوق الـ 80 .. البرجله بتروح والعربيه بتسحب عادي خالص .. وتجيب 100 و 120 و 140 ولا كان فيه حاجه
الليله كلها وانت علي الـ 80 .أو عاوز تطلع للـ 80

أما موضوع الرشاشات فالميكانيكي منضفهم مع الايدل وفكهم وفك معاهم المساوره اللي راكب عليها الرشاشات

[Khaled Lanos]

1 - الصبح بتغيب في الدواره شويه ( بس مش كتير ) مع خروج دخنه بيضاء لمده ثواني لما بتدور .

الغياب في الدوارة دا غالبا عيب رشاشات عايزة تتغير..الشكمان بيطلع دخنة سودة ولا لأ؟
وشوف البوجيهات مهببة ولا لأ؟
والدخنة البيضة شنبر أو كاوتش صباب.

2 - أول لما العربيه تدور وهي لسه واقفه في مكانها الـ rpm بيكون فوق الواحد وبعدها بشويه بينزل تحت الواحد
وتحس ان العربيه خلاص قربت تبطل وتبتدي تترعش كأنها هتبطل ( بس مش بتبطل ) ولو دوست بنزين عشان أعليها ..
الاقي إن زي ما يكون الشكمان بـ ( يتفتف )
الميكانيكي علاها شويه من المسمار بس برضو الـ rpm بينزل جامد اوي تحت الواحد لما بقف في الاشارات او في زحمه او ماشي ببطء وتبتدي تترعش تاني كأنها هتبطل

هو عليان الأر بي إم في الأول طبيعي عشان العربية تسخن وبالذات الصبح.
لكن بالنسبة لمشكلتك نظف الأيدل والبوابة كويس الأول واعمل ايديل ليرن..
بعد كدا لو المشكلة لسا موجودة اكشف بالإسكانر وشوف قراية حساس الأيدل ولو مش مظبوطة غيره.

3 - في الطرق السريعه العربيه بتييجي عند سرعه 80 تحس انها بعد ما تنقل رافضه السرعه تزيد فوق الثمانين
مهما ضغطت برجلي علي دواسه البنزين حتي لو دوست لآخر الدواسه لا السرعه بتعلي ولا الـ rpm بيعلي ..
وتبتدي تترعش برضو وتحس انها بتقطع ومخنوقه ومش عارفه تطلع فوق الـ 80 خالص ..
لو شلت رجلي من علي البنزين لمده ثواني وحطيتها تاني تبتدي تسحب وتطلع فوق الـ 80 وتجيب 90 و 100 و 120 عادي خالص

دا غالبا يا عيب سلوك بوجيهات يا متور الطرمبة اللي انت جيبته وحش.
وانت على السلانسيه كدا دوس على البنزين للآخر وشوف العربية هتفصل معاك على كام ار بي ام.

غير بردو فلتر البنزين وفلتر الهوا لو بقالهم مدة متغيروش.

[mohnsar]

[QUOTE=ekotta;3875247136]
بمجرد ما الخنقه تفك اللي عند الـ 80 والعربيه تطلع فوق الـ 80 .. البرجله بتروح والعربيه بتسحب عادي خالص .. وتجيب 100 و 120 و 140 ولا كان فيه حاجه
الليله كلها وانت علي الـ 80 .أو عاوز تطلع للـ 80

أما موضوع الرشاشات فالميكانيكي منضفهم مع الايدل وفكهم وفك معاهم المساوره اللي راكب عليها الرشاشات [/Q




الرشاشات و الايدل بيظيين لازم يتغيرو مش هينفع معاهم النظافة

[mohnsar]

تأخير في الدوارة الصبح مع دخنة في اول الدوارة يبقي تسييل في الرشاشات دة عيب معروف جدآ

[Khaled Lanos]

- فكيت و نضفت الرشاشات و الأيدل

نضفت الرشاشات ازاي ياباشا؟
لو الميكانيكي فكهم وبخ عليهم سبراي انجكشن زي الأيدل كدا..كدا يبقى مش فاهم حاجة او بيشتغلك لأن الرشاشات بتتنضف بجهاز الألترا سونيك وبتقعد يجي 3 ساعات عشان تنضف.
انما لو نضفتهم بالجهاز كدا يبقى تمام.

[Amr Elshamy]

نضفت الرشاشات ازاي ياباشا؟
لو الميكانيكي فكهم وبخ عليهم سبراي انجكشن زي الأيدل كدا..كدا يبقى مش فاهم حاجة او بيشتغلك لأن الرشاشات بتتنضف بجهاز الألترا سونيك وبتقعد يجي 3 ساعات عشان تنضف.
انما لو نضفتهم بالجهاز كدا يبقى تمام.

+11111111

[عصام غنايم]

الرشاش لو بيسيل مينفعش معاه نضافه حله التغيير الفورى

[abo_lamar]

بص يا باشا زي ما الزملاء قالوا انت ابدأ الاول بتغير الرشاشات وهات زيينا كلنا رشاشات bmw وحتلاقي مواضيع كتيرة بتتكلم عن موضوع الرشاشات دي ولو عايز رقم واحد تشتري منه في الحرفيين كويس و سعره حلو ابعتهولك على الخاص .

[MITSUKERO]

بمجرد ما الخنقه تفك اللي عند الـ 80 والعربيه تطلع فوق الـ 80 .. البرجله بتروح والعربيه بتسحب عادي خالص .. وتجيب 100 و 120 و 140 ولا كان فيه حاجه
الليله كلها وانت علي الـ 80 .أو عاوز تطلع للـ 80

أما موضوع الرشاشات فالميكانيكي منضفهم مع الايدل وفكهم وفك معاهم المساوره اللي راكب عليها الرشاشات

رشاشات الانوس مش بتتنضف حتي بجهاز الالتراسونيك يقوم الميكانيكي يقولك نضفتهم !!!

اول حاجة غير الميكانيكي

تاني حاجة غير الرشاشات

و بعدين ابقي قول حصل ايه

خد التقرير ده هينفعك

http://www.nilemotors.net/Nile/362152-2-bmw-m40.html

[ekotta]

الأخوه أعضاء المنتدي الكرام ..
اولا .. خالص شكري و تقديري و إحترامي لكا من تفضل بالرد علي الموضوع
وكل من ابدي رأيه و عرض حل للمشكله ..

تاني حاجه بقي .. حبيت أقول لكم ايه اللي حصل في مجموعه المشكلات اللي كنت عرضتها عليكم

انا امبارح الخميس نزلت اشتريت الآتي :

- طقم سلوك بوجيهات كوري بـ 45 جنيه
- طقم بوجيهات ngk سن طويل بـ 42 جنيه
- موتور طرمبه بنزين بوش ألماني جديد بـ 150 جنيه

و 40 جنيه مصنعيه

أنا ركبت سلوك البوجيهات تحت البيت اول لما جبتها وطلعت علي الميكانيكي
غير لي قلب طرمبه البنزين وركب لي الموتور البوش الجديد
وحلينا تاني الرشاشات ونضفناهم بالاسبراي لانهم مكانوش بايظين ولا حاجه
وغير لي البوجيهات .. ودورت العربيه وروحت بيها ..

النهارده بقي طلعت بيها علي الدائري اجربها .... وكانت المفاجأه ......

ايشي خيال يا ناس ... سحب ايه وجري ايه ودلع ايه .. ده ولا السحر يا ناااس ..

الخنقه راحت والرعشه راحت والتقطيع فوق الـ 80 كيلو راح
والتقطيع علي السلانسيه راح .. والغياب في الدواره الصبح راح .. والـ rpm اللي كان عمال يعلي ويوطي اتظبط .. وتفتفه الشكمان لما بدوس اكسرتير راحت .

الحمد لله .. رجعت احسن من الاول ...

الف حمد والف شكر ليك يا رب ..

وبجد الف الف الف شكر ليكم شباب ..

[Khaled Lanos]

الأخوه أعضاء المنتدي الكرام ..
اولا .. خالص شكري و تقديري و إحترامي لكا من تفضل بالرد علي الموضوع
وكل من ابدي رأيه و عرض حل للمشكله ..

تاني حاجه بقي .. حبيت أقول لكم ايه اللي حصل في مجموعه المشكلات اللي كنت عرضتها عليكم

انا امبارح الخميس نزلت اشتريت الآتي :

- طقم سلوك بوجيهات كوري بـ 45 جنيه
- طقم بوجيهات ngk سن طويل بـ 42 جنيه
- موتور طرمبه بنزين بوش ألماني جديد بـ 150 جنيه

و 40 جنيه مصنعيه

أنا ركبت سلوك البوجيهات تحت البيت اول لما جبتها وطلعت علي الميكانيكي
غير لي قلب طرمبه البنزين وركب لي الموتور البوش الجديد
وحلينا تاني الرشاشات ونضفناهم بالاسبراي لانهم مكانوش بايظين ولا حاجه
وغير لي البوجيهات .. ودورت العربيه وروحت بيها ..

النهارده بقي طلعت بيها علي الدائري اجربها .... وكانت المفاجأه ......

ايشي خيال يا ناس ... سحب ايه وجري ايه ودلع ايه .. ده ولا السحر يا ناااس ..

الخنقه راحت والرعشه راحت والتقطيع فوق الـ 80 كيلو راح
والتقطيع علي السلانسيه راح .. والغياب في الدواره الصبح راح .. والـ rpm اللي كان عمال يعلي ويوطي اتظبط .. وتفتفه الشكمان لما بدوس اكسرتير راحت .

الحمد لله .. رجعت احسن من الاول ...

الف حمد والف شكر ليك يا رب ..

وبجد الف الف الف شكر ليكم شباب ..

ألف مبروك ياباشا بس نصيحة غير السلوك ام 45 جنيه سيئة جدا..جرب سلوك أصلية من أي عربية تاني وهتحس بفرق جامد.