إعـــــــلان

Collapse

.

,
See more
See less

طريقة عزل صدر وارضية السيارة (دايو لانوس) . بالتفاصيل والصور

Collapse
X
 
  • Filter
  • الوقت
  • Show
Clear All
new posts

  • طريقة عزل صدر وارضية السيارة (دايو لانوس) . بالتفاصيل والصور

    قبل ما ابدأ فى شرح طريقة عزل صدر وارضية العربية
    لازم انوة الى ان الموضوع دة هو نهاية مواضيع تفكيك صالون السيارة بالكامل
    وكان المفروض انى احطهم ورا بعض بالترتيب
    بس جة موضوع فلتر التكييف وتنضيف التلاجة فى النص ( بالنسبة للناس اللى متابعة)
    فهما دول اللى وقفوا تسلسل المواضيع

    والهدف الرئيسى من التفكيك كان عزل صدر وارضية العربية بالارما فلكس الايطالى 9 مم عزل صوت وحرارى
    وعشان انفذ الموضوع الموضوع دة
    او عشان تنفذة انت
    هتلتزم بترتيب الفك فى المواضيع اللى انا عملتها دى

    1 -
    قطمة الدركسيون http://www.nilemotors.net/Nile/342016-a.html


    2 -لوحة العدادت




    3 - التابلوة http://www.nilemotors.net/Nile/347720-a.html

    4 -
    وحدة التكييفhttp://www.nilemotors.net/Nile/363935-a.html


    ودى الخامات اللى انا استخدمتها









    بعد ما هتخلص كل الفك اللى سبق هتكون العربية بقت بالمنظر دة


    كدة مش هيفضل عندك غير الدواسات (بنزين - فرامل - دبرياج )
    اسهل دواسة فى الفك هيا البنزين يليها الدبرياج ( اصعب قليلا) يليها الفرامل (صعبة جدا )

    وفكرة الفك عشان تبقى متابع معايا وفاهم هيا انى هفك الدواسة من جوة
    لكن هسيب باقى المنظومة بتاعتها من برة
    يعنى ببساطة هسحب الدواسة من المنظومة اللى هيا شغال فيها
    مش هفك الدواسة كلها بالمنظومة

    نخش على اول واحدة
    دواسة البنزين ودى اسهلهم

    الاول هتلف البكرة دى يمين وبعدين تحرر الواير منها


    وبعدين هتخش جوة العربية
    تشد الواير بتاع البنزين رقم 1
    وبعدين تفك الصامولتين 12 اللى هما رقم 2 و 3
    هتلاقى الدواسة نزلت فى ايدك



    نخش على دواسة الدبرياج
    الاول هنفك قربة المية ونرفعها من مكانها (صامولتين 10)



    وبعدين هنفك المسمارين ال 12 دول



    وهندخل جوة العربية
    مفيش حاجة ماسكة دواسة الدبرياج غير مسمار املس فى نهايتة تيلة صغيرة
    وصامولة 12 راكبة من فوق اللى هيا دى



    هتفكها طبعا
    وهتسحب التيلة بذرادية او بنسة بوز صغير
    وبعدين هتسحب المسمار الاملس
    هتلاقى الدواسة طلعت فى ايدك
    والدراع اللى جاى من الماستر العلوى زى ما هوة فى مكانة زى كدة







    كدة مش فاضل غير ارخم دواسة على الاطلاق وهيا دواسة الفرامل
    الاول هتفك الصامولتين رقم 2 و3 من صدر العربية
    لان اللى انت شايفهم دول هما راس المسمار
    بس خلى بالك قبل ما تبدأ الفك الدواسة دى رخمة قوى
    او بمعنى اصح مكان الصامولتين صعبين قوى
    هتضطر توسع لنفسك بانك تفك كام حاجة صغيرة من صدر العربية فى المكان دة عشان تعرف تشتغل
    ومش هيتفكوا غير ببيبة 12 او لقمة



    بعد ما هتفكهم مش هيفضل غير المسمار رقم 1 هتفكة
    ونفس اللى انت عملتة فى دواسة الدبرياج من سحب التيلة والمسمار الاملس
    هوة نفس اللى هتعملة فى دواسة الفرامل
    وهيبقى دة الشكل الرئيسى فى النهاية


    طبعا فى الاول اشتغلت تنضيف وغسيل بالنزين لحد ما بقى صدر العربية نضيف جدا وزى الفل



    وبعدين جبت فرخ ارما فلكس بيجى مقاسة 1 فى 2 متر
    وبدات ارسمة على صدر العربية وافرغ مكان كل مسمار وكل خرم عشان لما ارجع اثبت كل حاجة مكانها تبقى سهلة



    وعشان الفرخ دة هيبقى فى صدر العربية يعنى الحرارة كلها
    فانا لزقتة ب سيلكون حرارى



    طبعا كان فية فراغات فى الاجناب عند الكنترول بتاع العربية
    وعند مدخل الضفيرة من الشمال
    فبدأت اشتغل بالمقص انى اقص حتة من الارما فلكس على اد المكان بالظبط والزقها
    كانت فكرتى كأنى بعمل عزل للهوا
    مش عزل للحرارة او الصوت
    فكنت بكتم كل حتة وكل ثغرة ممكن يدخل منها الهوا
    ودة اللى ادانى النتيجة الممتازة بعد كدة بصراحة

    بعد ما خلصت الصدر بتاع العربية كلة واتاكدت ان انا عزلت تمام
    قفلت الدواسات تانى بنفس ترتيب الفك
    و قفلت الهيكل الرئيسى بتاع التابلوة تانى


    يتبــــــــــــــع
    [SIZE=2][SIZE=5][COLOR=Blue]zarif سابقا[/COLOR][/SIZE]
    [rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade][/SIZE]

    [SIZE="6"][COLOR="Blue"]zarif سابقا[/COLOR][/SIZE]

  • #2

    وكان فية حتت لسة سليمة من العزل بتاع الفابريكة (الصوف الصخرى )
    حطيتها فوق الارما فلكس
    وبعدين قفلت التابلوة فوق الاتنين
    ودة كان الشكل النهائى









    وبعدين بدأت اعزل باقى ارضية العربية بالارما فلكس 9 مم
    الدواسة ليمين


    الدواسة الشمال



    العتب اليمين



    العتب الشمال



    الدواسة الخلفية




    التجويف بتاع فرامل اليد والدبرياج اللى بيبقى ف نص العربية



    وكملت عزل لحد اول غطا التنك اللى بيبقى تحت الكنبة الخلفية

    وبعدين فكيت السماعات وسلوكها
    وعزلت الجزء الخلفى كمان
    والتجويف بتاع العجل من جوة





    من الاخر عزلت كل حاجة ما عدا الحتة الى بتكون تحت الشلتة بتاعة الكنبة الخلفية
    وبعدين رجعت جمعت كل حاجة تانى زى ما كانت
    ـــــــــــــــــــــــ

    بس هنا انا هتوقف لحظة لان دة نهاية الموضوع
    فمينفعش اخطفة كدة
    عشن لما حد ييجى يفكر يعمل الموضوع دة
    يبقى عارف ازا عملت الموضوع لوحدى وبنجاح

    1- كل حاجة كنت بفكها كنت بحط المسامير بتاعتها فى كيس واكتب علية واكتب ترتيبة فى الفك يعنى مثلا
    فكبت درج التابلوة .... اروح حاطط مساميرة فى كيس وكاتب عليهم مسامير درج التابلوة خطوة رقم 1 واروح حاططهم كلهم فى كيس بلاستيك
    وهكذا

    مثلا قاعدة عصاية الفتيس اروح حاطط المسامير بتاعتهم فى كيس وكاتب عليهم مسامير قاعدة عصاية الفتيس خطوة رقم كذا

    وكد لما جيت اقفل ملقيتش اى صعوبة خالص
    ومفيش مسامير ركبت مكان مسامير

    2 - رقمت الفبر بتاع العتب وانا بفكة يمين وشمال

    3 - كان فية دفتر صغير كنت بسجل فية كل خطوة بعملها سواء كانت كبيرة او صغيرة او تافهة لان الاعتماد على الذاكرة ممكن يخون

    4 - الموضوع دة استغرق معايا 4 ايام شغل متقطعين لانى كنت بعمل حاجة معملتهاش قبل كدة فكنت حريص وصبور لكن لو الزمن رجع بيا الشغلانى دى
    كلها فك وتركيب وعزل وتقفيل تاخد معايا شغل يوم كامل من 9 ص الى 12 مساء
    .........................

    بعد ما خلصت شغل كان لازم التقييم
    وانا التقييم هنا هقولة بمنتهى الامانة والمهنية مش عشان انا تعبت يبقى لازم اقول ان كل حاجة زى الفل
    لا طبعا
    لا دى امانة
    ولا دى مهنية فى العمل

    التقييم كتالى
    1- عزل الحرارة فى الصالون بقى 90% بدون اى مبالغة بمعنى ابسط مفش اى حرارة بتحسها من تحت او من صدر العبية خالص نهائى بمعنى الكلمة

    والتكييف بقى باشا بمعنى انى على سرعة 3 فى التكييف فى ظهيرة يوم حار صيفى ممكن اسقع من التكييف فى طريق سفر وانا عارف انك
    مستحيل تسقع من تكييف الانوس

    2 - عزل الصوت مش هعرف اقيمة بالظبط لانى بصراحة مركبتش عربية لانوس موديل السنة فابريكة عشان اعرف اقيم
    لكن هقول على حاجة ابسط
    لما تكون راكب العبية ومقفل الازاز بتاعها وماشى على الخامس على سرعة 90 كم
    اعلى صوت هتسمعة هيكون صوت الماتور
    وبعدية صوت الاسفلت
    وبعدية صوت احتكاك الهوا بجسم العربية

    فى الاول كنت بسمع صوت المكنة بوضوح والصوتين التانيين مكنش بسمعهم خالص (صوت الاسفلت وصوت احتكاك الهوا)

    دلوقتى بقى صوت الماتور مكتوم خالص وصوت الاسفلت تقريبا مسموع وصوت الحتكاك الهوا بقيت بسمعة لو ركزت معاة

    3 - لما تكون ماشى فى طريق فية طينة وتراب بتسمع صوت الطينة وهيا بتخبط فى جسم العربية من تحت ... دلوقتى تقريبا مبسمعهوش


    لكن النتيجة النهائية انى كنت راضى تماما عن عملية العزل رغم ان الابواب والسقف والقوايم مقربتش ناحيتهم ودة اللى انا بفكر اعملة بعدين (عزل الابواب والسقف والقوايم )

    واى استفسار انا حاضر



    [SIZE=2][SIZE=5][COLOR=Blue]zarif سابقا[/COLOR][/SIZE]
    [rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade][/SIZE]

    [SIZE="6"][COLOR="Blue"]zarif سابقا[/COLOR][/SIZE]

    Comment


    • #3
      اسمحلى اهنيك على التقرير الممتاز و العرض المميز
      جزاكم الله كل خير
      [B][FONT=Arial][SIZE=3]يا رب لك الحمد ، يارب نسألك من فضلك ،يا واحد يا احد يا حنان يا منان[/SIZE][/FONT][/B]

      Comment


      • #4
        شغل تمام
        والف مبروك
        [SIZE="5"]لا اله إلا الله محمدُ رسول الله[/SIZE]

        Comment


        • #5
          الله ينور عليك يا كبير القسم
          كالعاده شرح ممتاز عشان اي حد مبتديء حيقدر يستفيد
          ربنا يجازيك علي كل خير بتقدمه لكل واحد مننا .... حتي لو في مشكله فرعيه بتساعدنا برضو
          وربنا يرحم والدتك ولك كل التقدير والاحترام .

          Comment


          • #6
            اللهم أغفر لها و ارحمها و اعفو عنها و أكرمها
            -
            اللهم وسع مدخلها و ادخلها الجنة وغسلها بالثلج و الماء والبرد
            -
            اللهم يمن كتابها و هون حسابها و لين ترابها و ثبتأقدامها و ألهمها حسن الجواب
            -
            اللهم طيب ثراها و اكرم مثواها واجعل الجنة مستقرها ومأواها
            -
            اللهم نور مرقدها و عطر مشهدها و طيب مضجعها
            -
            اللهم آنس وحشتها و ارحمغربتها و قها عذاب القبر و عذاب النار
            -
            اللهم نقها من خطاياها كما ينقى الثوبالأبيض من الدنس
            -
            اللهم فسح لها في قبرها و اجعلها روضة من رياض الجنة و لا تجعلهاحفرة من حفر النار
            -
            اللهم انقلها من ضيق اللحود و القبور إلى سعة الدور و القصورمع الذين أنعمت عليهم من الصديقين و الصالحين والشهداء
            -
            اللهم اجعل لها من فوقهاو من تحتها و من أمامها و من خلفها و عن يمينها و عن يسارها نورا من نورك يا نورالسماوات و الأرض
            -
            اللهم أبدلها دارا خيرا من دارها و أهلا خيرا من أهلها وزوجا خيرا من زوجها واسكنها فسيح جناتك في الدراجات العلي آمين
            -
            اللهم إن كانقد أحسنت فزد في إحسانها و إن كان قد أساءت فتجاوز عن إساءتها
            -
            يا أكرم من سئل و ياأوسع من جاد بالعطايا … خفف أحمالها و حط من أوزارها واجعلها في مقام من قام لكبالقرآن آناء الليل و أطراف النهار
            -
            اللهم كن لها بعد الحبيب حبيبا و لدعاء مندعا لها سامعا و مجيبا و اجعل لها من فضلك و رحمتك و جنتك حظا و نصيبا
            -
            اللهم منأحييته منا فأحييه على الإيمان و من توفيته منا فتوفه على الإسلام
            -
            اللهم إنانسألك توبة قبل الموت و راحة عند الموت و مغفرة بعد الموت
            -
            اللهم اجعل لنا عملايؤنسنا في قبرنا إذا أوحشنا المكان و لفظتنا الأوطان و فارقنا الأهل و الجيران
            -
            اللهم هب لنا نفوسا مطمئنة تؤمن بلقائك و ترضى بقضائك تقنع بعطائك
            -
            اللهم أغفرلحيينا و ميتنا و شاهدنا و غائبنا و صغيرينا و كبيرنا و جميع موتى المسلمين والمسلمات الذين شهدوا لك بالوحدانية و لنبيك بالرسالة و ماتوا على ذلك
            -
            اللهماجعل خير أعمالنا خواتيمها و اجعل خير أيامنا يوم لقائك
            -
            سبحان ربك رب العزةعما يصفون و سلام على المرسلين و الحمد لله رب العالمين
            -
            الفاتحة "و صلي اللهعلى سيدنا محمد و على آله و صحبه و سلم"
            [SIGPIC]http://www.m5zn.com/newuploads/2013/08/12/jpg//0e50b02039aecb2.jpg[/SIGPIC]

            Comment


            • #7
              ربنا يباركلك شغل محترم جدا كالعادة
              ربنا يغفر لوالدتك و يرحمها بجد نعم الصدقة الجارية
              [CENTER]ربي قد مسني الضر و انت ارحم الرحمين
              لا إله إلا انت سبحانك اني كنت من الظالمين[/CENTER]

              Comment


              • #8
                بسم الله الرحمن الرحيم
                تسلم استاذ / مصطفى
                https://www.facebook.com/ahmedzizo147?fref=ts
                [SIGPIC][/SIGPIC]

                Comment


                • #9
                  بسم الله ما شاء الله .... أنا مازلت عند رأيى أنت أستاذ
                  [SIZE=5][marq="2;right;2;scroll"]الحمد لله[/marq]


                  [/SIZE]

                  Comment


                  • #10
                    المشاركة الأصلية كتبت بواسطة gelgel2004 مشاهدة المشاركة
                    اسمحلى اهنيك على التقرير الممتاز و العرض المميز
                    جزاكم الله كل خير
                    متشكر جدا لحضرتك

                    المشاركة الأصلية كتبت بواسطة amr011111 مشاهدة المشاركة
                    شغل تمام
                    والف مبروك
                    الله يبارك فيك

                    المشاركة الأصلية كتبت بواسطة minalove_1 مشاهدة المشاركة
                    الله ينور عليك يا كبير القسم
                    كالعاده شرح ممتاز عشان اي حد مبتديء حيقدر يستفيد
                    ربنا يجازيك علي كل خير بتقدمه لكل واحد مننا .... حتي لو في مشكله فرعيه بتساعدنا برضو
                    وربنا يرحم والدتك ولك كل التقدير والاحترام .
                    متشكر جدا لردك يا مينا وربنا يجعلة فى ميزان حسناتنا

                    المشاركة الأصلية كتبت بواسطة amr elshamy مشاهدة المشاركة
                    اللهم أغفر لها و ارحمها و اعفو عنها و أكرمها
                    -
                    اللهم وسع مدخلها و ادخلها الجنة وغسلها بالثلج و الماء والبرد
                    -
                    اللهم يمن كتابها و هون حسابها و لين ترابها و ثبتأقدامها و ألهمها حسن الجواب
                    -
                    اللهم طيب ثراها و اكرم مثواها واجعل الجنة مستقرها ومأواها
                    -
                    اللهم نور مرقدها و عطر مشهدها و طيب مضجعها
                    -
                    اللهم آنس وحشتها و ارحمغربتها و قها عذاب القبر و عذاب النار
                    -
                    اللهم نقها من خطاياها كما ينقى الثوبالأبيض من الدنس
                    -
                    اللهم فسح لها في قبرها و اجعلها روضة من رياض الجنة و لا تجعلهاحفرة من حفر النار
                    -
                    اللهم انقلها من ضيق اللحود و القبور إلى سعة الدور و القصورمع الذين أنعمت عليهم من الصديقين و الصالحين والشهداء
                    -
                    اللهم اجعل لها من فوقهاو من تحتها و من أمامها و من خلفها و عن يمينها و عن يسارها نورا من نورك يا نورالسماوات و الأرض
                    -
                    اللهم أبدلها دارا خيرا من دارها و أهلا خيرا من أهلها وزوجا خيرا من زوجها واسكنها فسيح جناتك في الدراجات العلي آمين
                    -
                    اللهم إن كانقد أحسنت فزد في إحسانها و إن كان قد أساءت فتجاوز عن إساءتها
                    -
                    يا أكرم من سئل و ياأوسع من جاد بالعطايا … خفف أحمالها و حط من أوزارها واجعلها في مقام من قام لكبالقرآن آناء الليل و أطراف النهار
                    -
                    اللهم كن لها بعد الحبيب حبيبا و لدعاء مندعا لها سامعا و مجيبا و اجعل لها من فضلك و رحمتك و جنتك حظا و نصيبا
                    -
                    اللهم منأحييته منا فأحييه على الإيمان و من توفيته منا فتوفه على الإسلام
                    -
                    اللهم إنانسألك توبة قبل الموت و راحة عند الموت و مغفرة بعد الموت
                    -
                    اللهم اجعل لنا عملايؤنسنا في قبرنا إذا أوحشنا المكان و لفظتنا الأوطان و فارقنا الأهل و الجيران
                    -
                    اللهم هب لنا نفوسا مطمئنة تؤمن بلقائك و ترضى بقضائك تقنع بعطائك
                    -
                    اللهم أغفرلحيينا و ميتنا و شاهدنا و غائبنا و صغيرينا و كبيرنا و جميع موتى المسلمين والمسلمات الذين شهدوا لك بالوحدانية و لنبيك بالرسالة و ماتوا على ذلك
                    -
                    اللهماجعل خير أعمالنا خواتيمها و اجعل خير أيامنا يوم لقائك
                    -
                    سبحان ربك رب العزةعما يصفون و سلام على المرسلين و الحمد لله رب العالمين
                    -
                    الفاتحة "و صلي اللهعلى سيدنا محمد و على آله و صحبه و سلم"
                    مقدرش اقول غير الله يباركلك
                    وأأمن على الدعاء
                    واقول لك بالمثل


                    المشاركة الأصلية كتبت بواسطة mitsukero مشاهدة المشاركة
                    ربنا يباركلك شغل محترم جدا كالعادة
                    ربنا يغفر لوالدتك و يرحمها بجد نعم الصدقة الجارية

                    بصراحة انت جبت الفايدة
                    وهيا عندى احسن من كولدير مية فى الشارع
                    لان دة علم ينتفع بة
                    وربنا يباركلك

                    المشاركة الأصلية كتبت بواسطة ahmedzizo131 مشاهدة المشاركة
                    بسم الله الرحمن الرحيم
                    تسلم استاذ / مصطفى
                    شكرا يا استاذ احمد

                    المشاركة الأصلية كتبت بواسطة ahmed_ramadan مشاهدة المشاركة
                    بسم الله ما شاء الله .... أنا مازلت عند رأيى أنت أستاذ
                    دة بس من ذوقك ياباشا
                    [SIZE=2][SIZE=5][COLOR=Blue]zarif سابقا[/COLOR][/SIZE]
                    [rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade][/SIZE]

                    [SIZE="6"][COLOR="Blue"]zarif سابقا[/COLOR][/SIZE]

                    Comment


                    • #11
                      دكتور ورئيس قسم
                      مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر

                      Comment


                      • #12
                        مفيش كلام ينفع يتقال عنك يا مصطفى غير انك بجد انسان عبقري وصبوووووووووور بمعنى الكلمة ....

                        ربنا يبارك ليك ويرحم والدتك ويجعل مثواها الجنة ان شاء الله .

                        Comment


                        • #13
                          مجهود ممتاز
                          شكرا على التقرير والأفادة
                          ماشاء الله كان وما لم يشأ لم يكن
                          SEAT IBIZA 2000 MK3 (6k2)ALD Engine 1.0 8v MPI
                          [SIGPIC][/SIGPIC]

                          Comment


                          • #14
                            المشاركة الأصلية كتبت بواسطة rotanamasoud مشاهدة المشاركة
                            دكتور ورئيس قسم
                            ربنا يكرمك ياباشا

                            المشاركة الأصلية كتبت بواسطة abo_lamar مشاهدة المشاركة
                            مفيش كلام ينفع يتقال عنك يا مصطفى غير انك بجد انسان عبقري وصبوووووووووور بمعنى الكلمة ....

                            ربنا يبارك ليك ويرحم والدتك ويجعل مثواها الجنة ان شاء الله .

                            متشكر جدا ليك يا ابولمار
                            والصبر حلو مفيش كلام
                            وربنا يرحم والديك ويدخلهم الجنة


                            المشاركة الأصلية كتبت بواسطة hossamalsadik مشاهدة المشاركة
                            مجهود ممتاز
                            شكرا على التقرير والأفادة
                            العفو ياباشا
                            [SIZE=2][SIZE=5][COLOR=Blue]zarif سابقا[/COLOR][/SIZE]
                            [rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade][/SIZE]

                            [SIZE="6"][COLOR="Blue"]zarif سابقا[/COLOR][/SIZE]

                            Comment


                            • #15
                              صديقي المواطن
                              شكرا لمجهوداتك الجبارة ومشاطرتها مع إخوتك أعضاء المنتدى وننتظر منك كل جديد
                              ولكن كنت أتمنى بعد مجهوداتك الجبارة إنك تضع 4 أنواع عوازل ولا تكتفي بنوع واحد بعد كل التعب ده وبالتوفيق وإلى اﻷمام ومن نصر إلى نصر
                              ودمتم للنضال

                              Comment

                              Working...
                              X