زيت الفتيس لانوس اوتوماتيك

[EL Tanna]

السلام عليكم
انا لسه شارى دايو لانوس اوتوماتيك و عايز اغيرلها زيت الفتيس احتياطى
فها فى انواع معينه ولا بيتجاب منين و اجيب اد ايه و سعره كام :D
كعلش دى اول عربيه ليا فمعرفش اى حاجه فى اى حاجه
و ميين الى بيغريلى زيت الفتيس فى حد كويس فى منطقه المهندسين او الدقى؟!
و بالمره بقى عايز اسئل على اسعار البوجيهات و الرشاشات كام علشان عايز ابقى اغيرهم بالمره

[tarek_2005]

بتحطلها زيت فتيس اوتو atf واستنضف نوع وخلي بالك بتاخد 12 لتر زيت

[MITSUKERO]

البوجيهات ب 55 جنية ngk

https://www.nilemotors.net/Nile/380420-a.html

bpr6es

الرشاشات

https://www.nilemotors.net/Nile/362152-2-bmw-m40.html

[Ahmed Nasser]

بتحطلها زيت فتيس اوتو atf واستنضف نوع وخلي بالك بتاخد 12 لتر زيت

+111
ونصيحة خليك فى زيت موبيل 320 atf

[EL Tanna]

بتحطلها زيت فتيس اوتو atf واستنضف نوع وخلي بالك بتاخد 12 لتر زيت

شكرا لحضرتك استاذ طارق طيب زيت الفتيس اغيره فين فى المهندسين
معلش انا لا افقه شى فى السيارات لانها اول عربيه
وكمان سعر اللتر كام تقريبا؟!

البوجيهات ب 55 جنية ngk

https://www.nilemotors.net/Nile/380420-a.html

bpr6es

الرشاشات

www.nilemotors.net/Nile/362152-2-bmw-m40.html

طيب ده اروحله ازاى من المهندسين؟!
و كمان ايه الحاجات الى ممكن اظبطها فى العربيه غيرهم لانى لسه شاريها و عايزها تبقى بصحتها و متستهلكش بنزين خرافى لانها بتعمل معاى جوه البلد تقريبا معدل 5 او 6 كيلو بالكتير للتر البنزين و متعملش معاى اى حركات كده ولا كده

+111
ونصيحة خليك فى زيت موبيل 320 atf

طيب ده سعره كام؟

[AHMADALY1999]

متنساش تغير فلتر زيت الفتيس

[MITSUKERO]

الطريق من المهندسين تطلع دائري من ميدان لبنان الي نزلة المطار اللي جنب نفق السلام و تنزل تمشي علي طول تلاقي كوبري الحرفيين تمشي من تحته و تفضل ماشي علي طول لحد بنزينة كالتكس تدخل يمين بحيث تبقي البنزينة علي شمالك و تكمل هتلاقيه

[elpasha1]

بتاخد 12 كيلو زيت بتغيير الفلتر
من غير الفلتر حوالى 9 كيلو

[Eslam.Adly]

باشا الفتيس بياخد 11.5 ليتر ده لو هاتحلة خالص وتفضى اللى جوه القربة كمان اما لو هاتغير الزيت بس (يعنى هاتفك الكارتيره) هاياخد حوالى 8 ليتر وانصك مش متغير الفلتر (او المصفى "المتعارف بيها عند الصناعيه") لان اللى فى السوق مضرب بالجزمة وهايطيرك الفتيس زى ماحصل معايا بالضبط

موضوع الزيت ممكن تحط زيت موبيل 320 atf الليتر 50 ج او زيت موبيل 220 atf الليتر 25-30ج
والافضل تحط شيل اليتر 25-30ج وده اللى انا بستعملة عندى

ولو عايز اى حاجة او ميكانيكى ابعتلى على الخاص وانا تحت امرك

[marawanshahin]

بالنسبة لفتيس اللانوس الأوتوماتيك بياخد حوالى 6.5 لتر لو ما فكتش الفتيس أنا لسة مغيره من شهر .حطيت 7 لتر و بعد كدة فتحت الطبة اللى فى جنب الفتيس و نزل 0.5 لتر و بعد كدة حطيت 1 لتر احتياطى يعنى اجمالى 7.5 لتر و ما تزودش عن كدة لأنى حسيت بفرق كبير جدا فى سحب العربية عن لما كنت حاطط 10 لتر قبل كدة زى ما الميكانيكية بيقولوا.

[EL Tanna]

متنساش تغير فلتر زيت الفتيس

واجيبه منين؟و بيبقى انواع ولا هو نوع واحد و تقريبا سعره كام؟

الطريق من المهندسين تطلع دائري من ميدان لبنان الي نزلة المطار اللي جنب نفق السلام و تنزل تمشي علي طول تلاقي كوبري الحرفيين تمشي من تحته و تفضل ماشي علي طول لحد بنزينة كالتكس تدخل يمين بحيث تبقي البنزينة علي شمالك و تكمل هتلاقيه

شكرا جدا على الوصف بس ياريت بقى وصفه كمان بس منغير ما اطلع الدائرى
لان العربيه انا لسه شاريها معرفش ممكن تعمل معايا ايه فمش واثق انى اطلع بيها على طريق زى الدائرى

بتاخد 12 كيلو زيت بتغيير الفلتر
من غير الفلتر حوالى 9 كيلو

و هل لازم اغير الاتنين مع بعض؟و امتى اعرف انه لازم يتغير ؟

باشا الفتيس بياخد 11.5 ليتر ده لو هاتحلة خالص وتفضى اللى جوه القربة كمان اما لو هاتغير الزيت بس (يعنى هاتفك الكارتيره) هاياخد حوالى 8 ليتر وانصك مش متغير الفلتر (او المصفى "المتعارف بيها عند الصناعيه") لان اللى فى السوق مضرب بالجزمة وهايطيرك الفتيس زى ماحصل معايا بالضبط

موضوع الزيت ممكن تحط زيت موبيل 320 atf الليتر 50 ج او زيت موبيل 220 atf الليتر 25-30ج
والافضل تحط شيل اليتر 25-30ج وده اللى انا بستعملة عندى

ولو عايز اى حاجة او ميكانيكى ابعتلى على الخاص وانا تحت امرك

يعنى شيل اللتر ب30 تقريبا ولا atf320 احسن؟

بالنسبة لفتيس اللانوس الأوتوماتيك بياخد حوالى 6.5 لتر لو ما فكتش الفتيس أنا لسة مغيره من شهر .حطيت 7 لتر و بعد كدة فتحت الطبة اللى فى جنب الفتيس و نزل 0.5 لتر و بعد كدة حطيت 1 لتر احتياطى يعنى اجمالى 7.5 لتر و ما تزودش عن كدة لأنى حسيت بفرق كبير جدا فى سحب العربية عن لما كنت حاطط 10 لتر قبل كدة زى ما الميكانيكية بيقولوا.

تمام شكرا لحضريتك

[Eslam.Adly]

و هل لازم اغير الاتنين مع بعض؟و امتى اعرف انه لازم يتغير ؟

انا بنصحك تانى بحكم انى معايا نفس عربيتك متغيرش الفلتر او المصفى لان اللى فى السوق مضروب وهايطيرك الفتس كله بحكم تجربة سابقة ليا

يعنى شيل اللتر ب30 تقريبا ولا atf320 احسن؟

هو طبعا زيت موبيل 320 atf احسن بكتير واغلى اكتر بس الفتيس بتاعه اللانوس الاتوماتيك تكنولجى قديم وانا بحط شيل وزى الفل

[EL Tanna]

طيب اجيب منين فلتر االفتيس بس يكون اصلى؟؟
و تقريبا سعره كام؟!