هل التأخير فى تغيير طقم الشمبر يسبب اى مشاكل اضافيه؟

[mo7eb elrasol]

السلام عليكم ورحمة الله وبركاته

العربية بتطلع دخان كتير سواء من عاند خرطوم الفايظ او مقاس الزيت او من الطبه ال بنحط فيها الزيت من فوق
المهم الميكانيكى قال ان ده طقم شمبر
فهل لو اتاخرت فى تصليحه شوية هايسبب مشاكل تانية ولا عادى؟

وشكرا جزيلا

[Zing0]

طبعاً أى مشكلة لما تلحقها بدرى أفضل
البساتم بيكون عليها حلقات الشنبر, و دى بتمنع الزيت إللى تحت البستم يدخل على غرف الحريق و يتحرق ( و يعمل دخان أبيض)
و لو سيبتها و هيا مبريه (متآكله)
ممكن يبدأ جسم البستم نفسة يحك فى جدران غرف الحريق و يوسعها و ممكن تحتاج خراطة لأن قطرها دائرى ممكن لاقدر الله يبقى إسطوانى, كل دى إحتمالات للإهمال.
لو حضرتك هتبيع العربية بيعها بحالتها
لو هتخليها كل ما يكون أسرع يكون أفضل, خاصة إن العمرات أفضل فى الشتاء و الجو بدأ يسقع.
يسر الله امرك و عافاك من كل مكروه
و السلام عليكم ورحمة الله وبركاته

[Ahmed Nasser]

لو مشيت على طقم الشنبر زيادة عن اللزوم هيبوظ بساتم وشمايز

[mo7eb elrasol]

اخوانى الافاضل
جزاكم الله خيراااااا على اهتمامكم وردودكم
مش ناوى على بيع دلوقتى وحتى لو ها ابيعها لازم ابيعها سليمة
ان شاء الله ها اصلى استخارة واعمله بكره باذن الله

[dedi]

اخوانى الافاضل
جزاكم الله خيراااااا على اهتمامكم وردودكم
مش ناوى على بيع دلوقتى وحتى لو ها ابيعها لازم ابيعها سليمة
ان شاء الله ها اصلى استخارة واعمله بكره باذن الله

ان شاء اللة بالتوفيق ممكن نعرف تقرير مفصل ماذا اشتريت وكم صرفت وماذا غيرت لانى عندى نفس المشكلة و ماليش اى خبرة بالموضوع

[mo7eb elrasol]

ان شاء الله بالتوفيق ممكن نعرف تقرير مفصل ماذا اشتريت وكم صرفت وماذا غيرت لانى عندى نفس المشكلة و ماليش اى خبرة بالموضوع

حاضر ان شاء الله اخلص واقول لحضرتك التفاصيل بالظبط
انا اعتقد ان سبب حصول المشكلة دى عاندى نقص الميه اكتر من مرة
ومرة جوان وش السلندر ضرب ومشيت ع العربية اكتر من 50 كيلو