محتاج مساعده خبراء اللانوس

[M.Elgergawy]

من فضلكم كنت بسأل على الفبرة اللى بتكون حوالين الكاسيت لانوس 1 عشان مكسورة هل بتتباع لوحدها وفي حدود كام وهل ممكن نعدل الطابلوه عشان يكون زي بتاع اللانوس 2
وكمان هل في كونسول اصلي او استيراد يركب بين الكرسيين ومين افضل حد وارخصهم اجيب منه الحاجة دي استيراد وفي حاجات محتاجه تتغير في العفشة اشتريها اصلي منين وشكرا مقدما على الردود

[ahmedsamy90]

بالنسبة للكونسول انا كنت جبت الحتة اللى عند فرامل اليد بالزرارين الازاز الكهربا الاصليين استيراد من الوكالة بـ 110 حالتهم كويسة

[M.Elgergawy]

تسلم ياباشا على ردك وجزاك الله خيرا
ياريت رجالة اللانوس ترد عليا في موضوع الطابلوه ده وافضل مكان قطع استيراد

[J A G U A R]

تابلوه اللانوس 2 هو نفس بتاع ال 1 بيفرق بس فى اللون الفضى اللى عند التكييف .. ولا حضرتك عايز تعدل ايه بالظبط ؟

[M.Elgergawy]

انا محتاج الفبرة اللى حوالين الكاسيت عشان مش موجوده عندي

[J A G U A R]

روح لاى حد بتاع قطع غيار دايو هتلاقيها عنده ويركبهالك

[M.Elgergawy]

شكرا لاهتمامك

[magdy gaafar]

الفبرة دى بتتكسر لو حاولت تطلع الكاسيت بدون حرص
لانها حصلت معاى قبل كده
عموما هى موجودة فى محلات قطع الغيار
انا فاكر جبتها من الحرفيين قبل كده من فترة
الله يوفقك

[M.Elgergawy]

شكرا لاهتمامك ياباشا وانا صورتها اهي عشان لو حد مش واصله انا بتكلم عن ايه وتقريبا سعرها ممكن يكون كام عشان محدش يشتغلني وشكرا

[MITSUKERO]

لو ناوي تعدل التابلوه و تخليه فضي فاشتري الفبرة فضي

سعرها مظنش هيذيد عن 20 او 30 جنية بس هسألك انا ناول قريب بأذن الله

[هانى احمد]

فبرة

من فضلكم كنت بسأل على الفبرة اللى بتكون حوالين الكاسيت لانوس 1 عشان مكسورة هل بتتباع لوحدها وفي حدود كام وهل ممكن نعدل الطابلوه عشان يكون زي بتاع اللانوس 2
وكمان هل في كونسول اصلي او استيراد يركب بين الكرسيين ومين افضل حد وارخصهم اجيب منه الحاجة دي استيراد وفي حاجات محتاجه تتغير في العفشة اشتريها اصلي منين وشكرا مقدما على الردود

باشا اهم من الفبرة دى فى عدد 2 كليبس صاج هما اللى بيمسكوها من تحت لو هتشترى الفبرة اتاكد من الكلبسين و الا مش هتعرف تركبها خالص