اجيب لانوس 2014 ولا لأ

[volk]

يا جماعه انا عايز اجيب عربيه جديده و فلوسها تكون في المحدود و لقيت ان الانوس هي افضل اختيار هي و الفيرنا

بس ناس كتير بتقول الانوس ليها مشاكل كتير وعيوب لما بقيت مع شيفورليه

فلو سمحتم ارجوا الافاده و ياريت لو ركاب شيفورليه لانوس يقولوا تجاربهم و ارائهم

شكرا جزيلا

[tefa22m]

انا لو مكنك اجيب جيلى اميجراند 7
بنفس الفلوس تقريبا و اوبشن اعلى كتير جدا و مساحه داخليه اكبر و شنطه خياليه فى المساحه
ماتور و عفشه تويوتا و وكيلها غبور
مع كامل احترامى لجميع اراء الزملاء

[basees2000]

ايمي جراند عملت شقلبه في موزين السوق فعلا تستحق التفكير

[zaza2002]

اللى انا اسمعه ان حاجات اللانوس بقيت كلها صينى من ساعة مابقيت شيفرولية يبقي كده دور على حاجة صينى فى نفس السعر افضل عندك الايمجراند وال بى واى دى وان كنت بفضل ال بى واى دى لانها العربية الصينى الوحيدة فى السوق اللى سمعتها كويسة واصبحت عربية يعتمد عليها اما الايمجراند فايضا لها مشاكل

[S O P H O S]

راي تشوف حل بديل

[أحمد عثمان]

إشتري اللانوس أو ال بي واي دي , ال بي واي دي أوسع و موتورها أقوى , بس لو انت من الناس اللي بتقلق من الصيني و لو إنها كلها تجميع مصري زي اللانوس لو إنت بتقلق يبقا إشترى اللانوس , بس بلاش الفيرنا صحيح موتورها أقوى بس اللانوس أوسع و أفخم و أكثر ثباتاً على الطريق و شكلها أجمل في رأيي.

[hugan]

ايمجراند او بي واي دي
افضل

[a_mohamedsamir]

أنا لو مكانك أشتر إمجراند 7

[J A G U A R]

ايمجراند 7

[رامي مصطفى]

انا معايا لانوس 2013 بصراحه كتير عليها فلوسها ولو الزمن رجع تاني هجيب بدون تفكير لوجان حتى لو فاضيه او ام جراااااااند بس دي لو معندكش مشكله في اعادة البيع
وفي الآخر اي عربيه زيرو نعمه من ربنا لأننا اتكوينا من المستعمل

[Mohamed Shokry]

الامجراند عربية الناس كلها بتشكر فيها و شكلها شيك و الاوبشن فيها كتيرة و لكن عمرها قليل في السوق و انا شايف ان العربية ما بتبانش هتكمل في السوق ولا لا قبل 5 سنين
لذلك تجربة الامجراند قابلة للنجاح و الفشل بمعني اخر يا هتشتريها و تكسب فيها بعد 4 او 5 سنين يا هتدوخ عقبال ما تعرف تبيعها

اللانوس عربية جيدة الي حد كبير مقارنة بسعرها و قطع غيرها متوفرة بشكل مش طبيعي استعمال و كوبي و اصلي, عمرها في السوق اكتر من عشر سنين, الطلب عليها في البيع كبير و الماكينة بتاعتها ممتازة مقارنة بمثيلاتها في السعر و معظم مشاكلها معروفة جدا و ليها كلها حلول و لكن موضة قديمة و شكلها اتهرس في الشارع

لو انت من الناس المغامرة و الي فرق السعر بين الشراء و البيع مابيفرقش معاها كتير انصحك بالجيلي امجراند
لو انت من الناس الي بتحب تلعب في المضمون انصحك باللانوس