الوجيهات ال 3 شمعة واستهلاك البنزين

[Badrowi]

انا كنت قاعد مع جماعة اصحابى بيتاجروا فى العربيات وسالونى العربية عامله ايه معايا فى البنزين
واشتكيت من استهلاكها المرتفع جوه البلد خصوصا ان انا باستخدمها غالبا جوه البلد
ونصحونى فى وقت واحد ان اركب بوجيهات المانى نوع بوش (تقريبا) 3 شمعة
لان الى فى العربيةه 1 شمعة بيحرق نقطة البنزين مرة واحدة
وال3 شمعة بيحرق نقطة البنزين 3 مرات وبالتالى مبيبقاش فى فاقد كتير فى البنزين

وده بيوفر فى البنزين
فايه راى الاستاذ ممدوح فى الموضوع ده مضبوط ولا لأ
ولو مضبوط فعلا بيقلل معدل استهلاك البنزين بمعدل ملحوظ لان احنا العربية بنستخدمها طول الاسبوع انا اقصد استخدام يومى مش مقتصر على مجرد السفريات ذى اغلب الدمايطه عندنا
خصوصوا ان الصفيحه معايا جوه البلد مع لتكيف بتعمل من 150 الى 180 كيلو
وعلى الطريق السريعة مع التكيف من 200 الى 220

[khaledazizeg]

انا كنت مركب 3 شمعة هوا كان مدينى سرعة للعربية عالية بس سحب للبنزين عالى فبعد غلا البنزين رحت غيرت وجيبتها 1 شمعة

[Sameh]

التلاتة شمعة الشرارة بتاعته هتكون أحسن ، وبالتالى الحريق هيكون مكتمل بشكل أكبر ، يعنى الفاقد البسيط من البنزين اللى مش بيلحق يتحرق هيكون أقل ، ده معناه إستفادة أفضل من كل قطرة بنزين ، يعنى يوفر الإستهلاك زى ما الأستاذ Badrowi قال عشان ممكن تحتاج دوسة بنزين أقل ، مع تحفظى على كلمة (يحرق نقطة البنزين تلات مرات) لأن بعد ما نقطة الوقود إتحرقت وأصبحت مجموعة غازات بالأكسدة هتتحرق تانى إزاى ؟؟

أعتقد يا أستاذ khaledazizeg إن سحب البنزين العالى مش سببه البوجيهات التلاتة شمعة ، المفروض إنها ما تزودش الإستهلاك إطلاقاً

يعنى الفايدة بإختصار هتكون شرارة أحسن وتقليل الفاقد بالإضافة إلى عمر أطول عشان بقا فيه مساحة سطح أكبر منتجة للشرارة ممكن تستوعب ترسيبات كربون أكتر

[Badrowi]

تركيبهم

طيب الوقتى عامة هل البوجيهات بتتغير كل 10000كيلو
ولا عند اعراض معينة
تانى حاجة لو ركبتهم اركب الالمانى (البوش) ولا اركب من نوع معين خاص بالنوبيرا
وشكرا على الردود

[MMamdouh]

دى تجربتى مع ال 3 شمعة:

السحب مفرقش خالص عن الNGK 2 شمعة
صوت الموتور على
مبصتش على استهلاك البنزين لكن صاحبى كان جايب معايا طقم لعربيتة و قالى الاسنهلاك زاد

و مفيش حاجة اسمها البنزين يتحرق 3 مرات... مكنش حد غلب... كانوا بكرة عملوا بوجية 99 شمعة و العربية متحتاجش تمون بنزين اصلا

MMamdouh

[sam6666]

ماذا عن الارديوم

[MMamdouh]

بيخلى السلانسية هادى

السعر 130 جنية للطقم

MMamdouh

[Sameh]

شوفت فى معرض الأخبار أو الأهرام من سنتين بارتيشن عارض البوجيه الإيريديوم جوا صندوق زجاج شفاف وموصل بمصدر كهربا مناسب ، وجنبه بوجيه عادى متوصل برضه

التجربة كانت عبارة إنه بيوصل الدايرة فبتشوف بعينك الشرارة بتاعت البوجيه الإيريديوم تكاد تكون ثابتة وواقفة بإنتظام ، أما البوجيه العادى كانت الشرارة بتتحرك وتتقافز بعشوائية على سطح السن بتاع البوجيه

الفايدة إيه فى الإشعال ماعرفش ، ولا هم كمان قالوا كلام مقنع ، إحتمال يكون الكلام على تساوى فى كل حريق مش حريق عالى وحريق واطى مثلا ؟؟!!

[MMamdouh]

مهو هو دة سبب هدوء السلانسية مع الايريديوم... موجة الاشعال بتبداء من نفس النقطة و بتمشى نفس المسافة كل مرة و بالتالى الاشتعال بيبقى منتظم اوى بدون برجلة

MMamdouh

[Sameh]

تفسير جميل

بالمناسبة إيه قصة الكابلات السبليت فاير ؟

[MMamdouh]

الكابلات دى اتخن من الاصلية و مقاومتها اقل فا بتخلى الشرارة اللى واصلة للبوجية قوية

MMamdouh

[islamkhidr]

كلام جميل ومعلومات مفيدة

شكرا ليكم كلكم

[msobhy]

فعلا قمة الاستفادة ربنا يخليكو لينا يا شباب

[ENG\AHMED]

بوجية شمعة اتنين عشرين شمعة ملهوش دعوة باستهلاك البنزين دى كفاءة حريق

البوجية مش هو اللى بيسحب البنزين

لو الاستهلاك زاد مع حد يبقى نتيجة الجرى والقرص علشان يجرب البوجيهات

[Badrowi]

فين فى الدايو

درجه الحراره العاديه 90 - 92
3- اقصى درجة حرارة للعربية وصلت ليها: 95

الموضوع ده من منتدى اوبل
ازاى بنشوفه عندنا فى الدايو