إعـــــــلان

Collapse

.

,
See more
See less

طريقة عمل اضاءة تلقائية لدرج تابلوة لانوس .. بالتفاصيل والصور

Collapse
X
 
  • Filter
  • الوقت
  • Show
Clear All
new posts

  • طريقة عمل اضاءة تلقائية لدرج تابلوة لانوس .. بالتفاصيل والصور

    كتير مننا بييجى علية وقت بالليل وهو سايق او وهو واقف بيبقى عايز يطلع حاجة من درج التابلوة
    وللاسف عشان درج تابلوة الانوس بينزل من غير اضاءة
    فيضطر انة ينور نور الصالون ويدور على نورة

    وياسلام لو نور الصالون ضعيف شوية يفضل يلوش بصوابعة لحد ما يشوف او يلاقى الحاجة اللى هوة عايزها وبيدور عليها

    طبعا اللى عايز يحل المشكلة دى بيجيب شريط لدات ويلزقة فى التابلوة ويوصلة للضفيرة بتاعة العربية بحيث ينور مع اول تكة فى الدراع ( النور الصغير)

    وهوة بصراحة حل سريع ومنجز بس بدائى وفية كام ملاحظة:

    1 - ان شريط اللدات اللى انت عملتة فى الدرج هيفضل منور علطول فدة هيقصر عمر شريط اللدات نفسة وكل شوية تلاقى نفسك عمال تغير شرايط

    2 - ان درج التابلوة لو مش بيتقفل كويس هتلاقى النور طالع من جوة ضارب فى عينك وانت سايق بالليل

    3 - لو انت جيت تفك درج التابلوة وتطلعة برة عشان تعمل اى حاجة لازم تفك السلوك واللزق اللى عليهم وبعد ما تخلص اللى انت عملتة ترجع توصل السلوك وتلزق عليهم تانى ( شغلانة يعنى)

    ففكرت انى اعمل الشغلانة دى ( اضاءة درج التابلوة ) بس بشياكة شوية

    يعنى افتح الدرج النور ينور ....اقفل الدرج النور يطفى .....وفى نفس الوقت لما اجى اطلع الدرج خالص من مكانة واركبة تانى يبقى نظام فيش فك وتركيب مش سلوك ولحام وعك وكدة

    الفيش امرها سهل هتبقى كلبسات دكر ونتاية
    الفتح والغلق التلقائى ملقتليوش حل غير مفتاح باب التلاجة اللى ب 2ج
    اخر حاجة هيا كنت هثبت مفتاح باب التلاجة فين

    فكيت درج التابلوة الاول وطلعتة من مكانة عشان ابص على المكان اللى هينفع يركب فية مفتاح باب التلاجة


    وحاولت اتخيل مكان يتثبت فية المفتاح ويبقى اللسان بس هوة اللى طالع لبرة عشان يصد فى الدرج لما يتقفل لقيت نفسى فى كل الحالات لازم اخرم فى فبر التابلوة

    وفى الواقع انا معنديش اى مشكلة انى اخرم واعدل فى الفبر بس بصراحة الشغلانة كانت بسيطة ومش هيا دى اللى الواحد يخرم ليها

    لحد ما خدت بالى من فتحة مستطيلة موجودة جاهزة فى الفبر من تحت


    جربت المفتاح فيها لقيتة ركب مرتاح جدا




    ومع تركيب السلوك فى المفتاح ولفة بشريط عازل هيبقى تخن شوية
    فلما اجى ادخلة هيكون بيدخل حشر فى مكانة
    يعنى مش محتاج اى تثبيت من مسامير او خلافة
    وفعلا دة اللى حصل بعدين

    خدت الدرج وغسلتة ونضفتة الاول



    وفية كلبسين بلاستيك فى الجنب بيقفلوا اللسان الصغير الموجود فية
    فكيتهم بصوابعى عادى جدا



    وجبت امير عشان يبقى لزق اشد فوق اللزق الذاتى اللى بيبقى جاى مع شريط اللدات
    لان اللزق اللى بييجى مع شريط اللدات بيبقى دبل فيس رفيع قوى وبيفك من الحرارة



    ورحت العربية
    وجبت المفتاح والكلبسات عشان ابدأ توصيلات


    وعشان تبقى متابع معايا وفاهم
    انا هخلى توصيل المفتاح بالدرج بكلبسات ملونة دكر ونتاية
    عشان لما افك الدرج واركبة متلخبطش بين السالب والموجب
    وبعدين هاخد طرف من المفتاح وطرف من اللدات على الكهرباء علطول
    والطرف التانى من المفتاح مع الطرف التانى من الليد
    دايرة كهربية عبيطة قوى يعنى












    وفكيت الفبرة بتاعة الكاسيت
    وطلعت الكاسيت
    والتجويف اللى تحت منة
    ودرج حامل الاكواب
    ببساطة مكنتش عايز العب فى الضفيرة
    كنت عايز اخد من طرفين نور اللى بينورا درج الطفاية بتاعة السجاير
    عشان ملعبش فى الضفيرة
    لان دول بينورا مع النور الصغير









    وبالمرة انا شغال عملت اضاءة للتجويف اللى تحت الكاسيت



    ولقيت اللمبة الصغيرة بتاعة درج طفاية السجاير محروقة فغيرتها



    وظبط السالب والموجب بتاع شريط اللدات
    مع السالب والموجب بتاع الضفيرة
    وبدات اقفل




    وقفلت كل حاجة
    وبدات اختبر
    وطلعت كلة تمام
    افتح الدرج النور ينور
    اقفل الدرج النور يطفى
    التجويف اللى تحت الكاسيت بقى منور
    ودرج طفاية السجاير بقى منور
    ودى صورة وانا مشغل الفلاش بتاع الكاميرا


    ودى صوة تانية وانا طافى الفلاش بتاع الكاميرا


    اضاءة الدرج جامدة قوى وشديدة الصراحة
    والذ حاجة انى عملتها تلقائى
    مش منور علطول بشكل بدائى
    وتمت بسرعة وبحمد الله
    ولو اى حد محتاج استفسار انا حاضر



    [SIZE=2][SIZE=5][COLOR=Blue]zarif سابقا[/COLOR][/SIZE]
    [rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade][/SIZE]

    [SIZE="6"][COLOR="Blue"]zarif سابقا[/COLOR][/SIZE]

  • #2
    مجهود رائع يا باشا .. شكرا لنقل التجربه .
    [SIGPIC][/SIGPIC]
    [COLOR="Magenta"][/COLOR]

    Comment


    • #3
      بصراحة 100 100 فكرة جاااااااااااااااااااااااامدة
      [FONT=System] [I][SIZE=5][COLOR=Blue][SIZE=4][SIZE=5]MHMD [/SIZE]Alex[/SIZE] [/COLOR][/SIZE][/I][/FONT]

      Comment


      • #4
        استااااااااااااااااااااااااااااااااااااااااااااااا اااااااااااااااذ
        تسلم ايدك انا مش معايا دايو لكن رغم ذلك بحب اشوف مواضيعك اوى
        لانها كلها هادفه وكمان بايدك وده احسن حاجه

        Comment


        • #5
          حضرتك فكرتنى بشغلى فالنوبيرا كنت عاملها انوار فكل حته
          [SIZE=2][img3]http://im77.gulfup.com/mVDw3c.png[/img3][/SIZE]

          Comment


          • #6
            مجهود مشكور ..
            جزاكم الله كل خير
            [B][FONT=Arial][SIZE=3]يا رب لك الحمد ، يارب نسألك من فضلك ،يا واحد يا احد يا حنان يا منان[/SIZE][/FONT][/B]

            Comment


            • #7
              الله ينور شغل ممتاز
              ahmed air سابقا

              Comment


              • #8
                المشاركة الأصلية كتبت بواسطة j a g u a r مشاهدة المشاركة
                مجهود رائع يا باشا .. شكرا لنقل التجربه .
                العفو اخى الفاضل

                المشاركة الأصلية كتبت بواسطة mhmd alexndria مشاهدة المشاركة
                بصراحة 100 100 فكرة جاااااااااااااااااااااااامدة
                هيا فعلا لذيذة
                انا مكنتش متخيل الاضاءة فى الدرج هتبقى فعلا كدة


                المشاركة الأصلية كتبت بواسطة mem مشاهدة المشاركة
                استااااااااااااااااااااااااااااااااااااااااااااااا اااااااااااااااذ
                تسلم ايدك انا مش معايا دايو لكن رغم ذلك بحب اشوف مواضيعك اوى
                لانها كلها هادفه وكمان بايدك وده احسن حاجه

                متشكر جدا لحضرتك
                واجمل حاجة انك تعمل حاجتك بايدك وبمزاج



                المشاركة الأصلية كتبت بواسطة midooo_119 مشاهدة المشاركة
                حضرتك فكرتنى بشغلى فالنوبيرا كنت عاملها انوار فكل حته
                بس لو فى كل حتة انوار هتبقى عاملة زى التاكسى
                لكن انا كنت بضيف ميزة بتنزل فى بعض العربيات العالية بس
                ومتشكر لمرورك


                المشاركة الأصلية كتبت بواسطة gelgel2004 مشاهدة المشاركة
                مجهود مشكور ..
                جزاكم الله كل خير
                وجزاك كل خير على التشجيع
                [SIZE=2][SIZE=5][COLOR=Blue]zarif سابقا[/COLOR][/SIZE]
                [rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade][/SIZE]

                [SIZE="6"][COLOR="Blue"]zarif سابقا[/COLOR][/SIZE]

                Comment


                • #9
                  موضوع رائع و فكره رائعه احييك على المجهود الجامد

                  Comment


                  • #10
                    فكرة رائعة والتنفيذ أروع
                    الله يفتح عليك
                    [CENTER][mtohg=#ff0000]http://hh7.net/Mar5/hh7.net_13009166941.gif[/mtohg]

                    اللهم اكفني بحلالك عن حرامك واغنني بفضلك عمن سواك
                    [/CENTER]

                    Comment


                    • #11
                      تسلم يادرش موضوعك جميل جدا ربنا يجعله فى ميزان حسناتك
                      [img2]http://nileup.com/up/uploads/nilemotors_13649876441.jpg[/img2]

                      Comment


                      • #12
                        الله ينور
                        [FONT=Tahoma][SIZE=3]رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ وَلَا تَزِدِ الظَّالِمِينَ إِلَّا تَبَارًا [/SIZE][/FONT]

                        Comment


                        • #13
                          فكره ممتازه وعمليه وفى كتير محتجها
                          ونا معنديش نور فى درج الطبلوه وكنت ناوى انفذ بعض الافكار لانى بحب أعمل زيك الشغل بايدى
                          بصراحه عجبنى موضوع مفتاح نور التلاجة

                          انا معنديش عربيه دايــو بس دايما موضيعك أ/ اشرف مميزه ومفيده وبحب اقراها
                          تسلم ايدك على الموضوع

                          و بالتوفيق ان شاء الله
                          ماشاء الله كان وما لم يشأ لم يكن
                          SEAT IBIZA 2000 MK3 (6k2)ALD Engine 1.0 8v MPI
                          [SIGPIC][/SIGPIC]

                          Comment


                          • #14
                            مجهود اكثر من رائع
                            ربنا يجزيك خير
                            وربنا يرحم والدتك

                            Comment


                            • #15
                              شغلك حلو و النتيجة شكلها جميل

                              نفسي اقوي قلبي زيك كده و اعمل اي مصلحة في العربية بتاعتي

                              بالتوفيق
                              [CENTER]"سبحان الله وبحمده عدد خلقه ، سبحان الله وبحمده رضا نفسه ، سبحان الله وبحمده زنة عرشه ، سبحان الله وبحمده مداد كلماته"[/CENTER]
                              [CENTER][SIGPIC][/SIGPIC][/CENTER]

                              Comment

                              Working...
                              X