طاب مساعدة لاخوكم المبتدأ ... فى جولييت 2004

[the necromance]

السلام عليكم
ماشاء الله لقيت هنا ناس كتير خبراء وعندهم علم وبيحيوا مساعدة الناس لله واستفدت كتير من المنتدى الرائع ده
وده شجعني اطلب منكم الطلب ده واتمنى الافاده
العبدلله معنديش اي خبره في العربيات واتنقلت نقله كبيره بالنسبالي من 127 كحيانه الى دايو جوليت 2004 منوال لسه شاريها مستعمله ماشية 115 الف
طبعا قبل ما اشتري كشفت عليها في مركز صيانه وكمبيوتر قالولي تمام واتوكلت على الله
دلوقتي بقى مشكلتي اني مش عارف احدد هل العربيه سليمه فعلا وده الطبيعي بتاعها ولا محتاجه تتظبط بحكم خبرتي القليله مع العربيات النضيفه :)

1- اول مشكله بحس ان العربيه مبتسحبش او مبتجريش زي ما كنت متخيل بفضل دايس على البنزين كتير لحد ماتجمع يعني مثلا ممكن توصل ل 100 كم بعد اكتر من نص دقيقه او دقيقه كمان ب rbm طبيعي من غير حرق وعلى الطوالي مبتعديش ال 120-130 !!!

2- تاني حاجه مش عارف احدد استهلاك البنزين طبيعي ولا لأ لان العداد بيهيس بيثبت فترة ومره واحده الاقيه قل جدا لكن عموما انا حطيت 30 لتر قعدوا معايا يومين لف طول اليوم جوه البلد وطوالي مش قادر احدد مشيت كام كيلو ياريت تقولولي كده كويس ولا ايه ؟

3- تالت حاجه بقى والاخيرة بسمع صوت طقطقه من العجل ورا وقدام ناحية اليمين على المطبات والحفر او لما ادوس فرامل

ياريت تقولولي هل عندي حاجه تتظبط واعمل فيها ايه ولا كده طبيعي ؟
اسف على الاطاله ومتشكر جدا مقدما

[the necromance]

وعموما تنصحوني بايه عشان اطمن على العربيه واخد احسن كفاءة منها ؟

[Salamonti]

أول نقطة = اسطوانة دبرياج (طقم الدبرياج بيعمل حوالي 500 جنيه)

تاني نقطة = احسب استهلاك تفويلة كاملة على عداد الكيلومتر بتاع العربية وشوف خدت كام لتر ومشيت كام كيلو

آخر نقطة بقا روح لعفشجي واكشف عالمساعدين لأن معروف ان الدايو ناعمة أوي ومش مفروض تسمع الطقطقة دي خالص

[a_mohamedsamir]

أولا ألف مبروك
وربنا يديك خيرها ويكفيك شرها

ثانيا

1- اول مشكله بحس ان العربيه مبتسحبش او مبتجريش زي ما كنت متخيل بفضل دايس على البنزين كتير لحد ماتجمع يعني مثلا ممكن توصل ل 100 كم بعد اكتر من نص دقيقه او دقيقه كمان ب rbm طبيعي من غير حرق وعلى الطوالي مبتعديش ال 120-130 !!!

راجع على البوجيهلت واسلاك البوجيهات لانها ممكن تأثر على السحب والاستهلاك
ومعتقدش اسطوانه وديسك لان العربيه مش ماشيه كتير

2- تاني حاجه مش عارف احدد استهلاك البنزين طبيعي ولا لأ لان العداد بيهيس بيثبت فترة ومره واحده الاقيه قل جدا لكن عموما انا حطيت 30 لتر قعدوا معايا يومين لف طول اليوم جوه البلد وطوالي مش قادر احدد مشيت كام كيلو ياريت تقولولي كده كويس ولا ايه ؟

علشان تحسب الاستهلاك صح
فول التانك لحد الزور
امشى مشوار 100 كيلو بدون تكييف فى طريق مفتوح
من غير قرص على العربيه يعنى الخامس وسرعه 100
ارجع لنفس المحطه
فول لحد الزور
شوف استهلكت كام لتر

3- تالت حاجه بقى والاخيرة بسمع صوت طقطقه من العجل ورا وقدام ناحية اليمين على المطبات والحفر او لما ادوس فرامل

ياريت تقولولي هل عندي حاجه تتظبط واعمل فيها ايه ولا كده طبيعي ؟
اسف على الاطاله ومتشكر جدا مقدما

روح لحد بتاع عفشه كويس يكشف عليها

[shur3000]

صوت طقطقة ورا وقدام فى الغالب بيقى بلى عجل الخلفى الجوز ب100 واﻻمامى ب140

[ahmed_3omda]

جبتها بكام ياباشا وربنا يباركلك فيها :)

[elnakshabandy]

قبل اي حا جه اعمل طقم صيانه
تغيير زيت وفلتر
تغيير فلتر الهواء ونظف البوابه
تغيير البوجيهات وسلكها
الكا تينه والبليه والسير اسأل صاحب العربيه القديم غيرهم امتى على كم كيلو تقريبا
للامان غيرهم احسن
اعمل اختبار لدبرياج



ربنا يباركلك فيها ويعطيك خيرها ويكفيك شرها

[the necromance]

متشكر جدا ياشباب ربنا يكرمكم ويجازيكم خير

[Mahmoud.Fathy]

اعمل صيانة الأول ... غير بوجيهات - سلوك بوجيهات - فلتر هواء - فلتر بنزين - فلتر زيت - زيت موتور - سير كاتينة - بلية شداد كاتينة - سير دينامو - سير تكييف - اكشف على مياه الريداتير - اربط العفشة كويس - اكشف على الكاوتش - رجلش فرامل اليد - اكشف على تيل الفرامل لو محتاج يتغير غيره واسحب منها الهوا

لو السحب متظبطش يبقى ممكن حاجات كتير (طلمبة بنزين ضعيفة - ديسك واسطوانة - احد الحساسات مش شغال كويس ودا هيحتاج سكانر) ... على العموم متقلقش كلها مشاكل بسيطة بس المهم ندور على المشكلة بالتدريج عشان متصرفش كتير على الفاضي

اخر حاجة زي ما الناس قالولك روح لعفشجي كويس يقولك الطقطقة من ايه ...

[the necromance]

اعمل صيانة الأول ... غير بوجيهات - سلوك بوجيهات - فلتر هواء - فلتر بنزين - فلتر زيت - زيت موتور - سير كاتينة - بلية شداد كاتينة - سير دينامو - سير تكييف - اكشف على مياه الريداتير - اربط العفشة كويس - اكشف على الكاوتش - رجلش فرامل اليد - اكشف على تيل الفرامل لو محتاج يتغير غيره واسحب منها الهوا
...

يالهوي كل ده !!! :d
ده ممكن تخشيلها في كام العملية ديه ؟

[Mahmoud.Fathy]

يالهوي كل ده !!! :d
ده ممكن تخشيلها في كام العملية ديه ؟

دي كلها صيانة دورية المفروض تتعمل كل عدد كيلومترات معين ... لكن انت مش ضامن اللى قبلك كان بيعامل العربية ازاى او مهتم بصيانتها او لا ... وكلها حاجات تأثر في اداء العربية ... فالاحسن انك تغيرها عشان تبدأ مع العربية رحلتك على نظافة .... اما تغيرها لو لقيت فيه مشكلة لسة نبقى ندور بقى على سببها ... هى تتكلف في حدود 500 ج من غير مصنعية ... اغلى حاجة في الحاجات دي سير الكاتية وبلية شداد الكاتية دول لحدهم يعملوا 300 وشوية ....

[amirock]

يا باشا انت كانك بتتكلم عليا اول ما اشتريت الجوليت بتاعتي ... بس يا باشا انت تعمل طقم صيانة زي ما باقي الناس قالولك و تشوف اية الاخبار و انصحك تجيب زيت كاسترول حتحس بفرق في صوت الموتور و نعومة العربية و كمل جميلك و غير قلب طرمبة البنزين عشان دية.لوحدها كارثة بتموت العربية بطريقة غريبة و العربية عقبال ما بتجمع سرعتها يتكون انت اتشليت جنبها ..

[mahmoud.69]

صوت طقطقة ورا وقدام فى الغالب بيقى بلى عجل الخلفى الجوز ب100 واﻻمامى ب140

فين دا ياباشا الي جوز بي 100 جنية خلفي و140 امامي انا كنت في التوفقية وقالي البلية الواحده خلفي بي 90 يعني الاتنين180 خلفي والامامي الوحده بي 140 يعني الاتنين بي 280
عارف انا بضرب نفسي 100 قلم اني اشتريت دايو الي يقولك قطاع غيارها رخيصة ماصدقش عربية قطع غيارها استهبال علي ادائها والنوعksf
اما بخصوص الاستاذ حضرتك أعمل صيانة كاملة
1-غير فلاتر +زيوت ماتور وفرامل وبور
2-غير السيور كلها بي بلية الكاتينة ويفضل تجيب السيور gm علشان الكوري زبالة وجبت سير كور معفن مكملش 12 الف والعربية جابت صبابات فانصيحة هات الاصلي وممكن تجيب البلية كوري علشان غلية جدآ الاصلي بس السيور يفضل الاصلي البلية الاصلي 250 جنية بنت التيت ماتقولش بي ام
3-تغير بوجيهات وسلك البوجيهات
4-تنظيف البوابه بي البنزين والاسبري خلية يفك البوابه كلها ينظفها
5-روح مركز الصفا الي في جسر السويس الي في قباء قولهم عايز اغسل الرشاشات علي الترا سونك بصراحة بترجع الرشاشات زيرو وكمان انا كنت بتاكل بنزين وسحب مخنوق بعد ماغسلتها ظبطط بقت 10/10
6- اطلع علي بتاع ظبط زوايه قوله يكشف لك علي العفشة محتاجة ايه ويربطها ماترحش لعفشجي علي طول لي ان سياسة العفشجي هد كله وابني من جديد خراب بيوت


لو استمر السحب ضعيف والعربية بتوصل 130 بي العفية يبقا بعدها تطلع علي الميكانيكي وتشتري طقم دبرياج الاصلي عامل 780 جي ام والفليو تحت الاصلي كويس عامل 380 جنية في حالة ان السحب ماتحسنش

[Mahmoud.Fathy]

فين دا ياباشا الي جوز بي 100 جنية خلفي و140 امامي انا كنت في التوفقية وقالي البلية الواحده خلفي بي 90 يعني الاتنين180 خلفي والامامي الوحده بي 140 يعني الاتنين بي 280
عارف انا بضرب نفسي 100 قلم اني اشتريت دايو الي يقولك قطاع غيارها رخيصة ماصدقش عربية قطع غيارها استهبال علي ادائها والنوعksf
اما بخصوص الاستاذ حضرتك أعمل صيانة كاملة
1-غير فلاتر +زيوت ماتور وفرامل وبور
2-غير السيور كلها بي بلية الكاتينة ويفضل تجيب السيور gm علشان الكوري زبالة وجبت سير كور معفن مكملش 12 الف والعربية جابت صبابات فانصيحة هات الاصلي وممكن تجيب البلية كوري علشان غلية جدآ الاصلي بس السيور يفضل الاصلي البلية الاصلي 250 جنية بنت التيت ماتقولش بي ام
3-تغير بوجيهات وسلك البوجيهات
4-تنظيف البوابه بي البنزين والاسبري خلية يفك البوابه كلها ينظفها
5-روح مركز الصفا الي في جسر السويس الي في قباء قولهم عايز اغسل الرشاشات علي الترا سونك بصراحة بترجع الرشاشات زيرو وكمان انا كنت بتاكل بنزين وسحب مخنوق بعد ماغسلتها ظبطط بقت 10/10
6- اطلع علي بتاع ظبط زوايه قوله يكشف لك علي العفشة محتاجة ايه ويربطها ماترحش لعفشجي علي طول لي ان سياسة العفشجي هد كله وابني من جديد خراب بيوت


لو استمر السحب ضعيف والعربية بتوصل 130 بي العفية يبقا بعدها تطلع علي الميكانيكي وتشتري طقم دبرياج الاصلي عامل 780 جي ام والفليو تحت الاصلي كويس عامل 380 جنية في حالة ان السحب ماتحسنش

+1