مشكلة فى النوبيرا بعد تغيير الشورت بلوك

[Viper12345]

عربيتى كانت جابت سبيكه بعد تركيب فلتر زيت مضروب حسبى الله ونعم الوكيل فى غش التجار المهم غيرت الشورت بلوك ومن بعدها العربيه مخنوقه بطريقه غريبه عملت كل الصيانات المطلوبه وحطيت العربيه على سكانر وكل القراءات مظبوطه والبوجيهات سليمه بس برضه فى خنقة فى العربيه امبارح بس عرفت ان الشورت بلوك اللى جبته طلع 1500 مش 1600 فهل ده يأثر مع وجود ادوات التغذية بتاعت ال 1600 والكنترول بتاع العربيه 1600 ولا ده عادى وايه ممكن يكون سبب الخنقة لانى بجد زهقت من العربيه

[lanos2004]

عربيتى كانت جابت سبيكه بعد تركيب فلتر زيت مضروب حسبى الله ونعم الوكيل فى غش التجار المهم غيرت الشورت بلوك ومن بعدها العربيه مخنوقه بطريقه غريبه عملت كل الصيانات المطلوبه وحطيت العربيه على سكانر وكل القراءات مظبوطه والبوجيهات سليمه بس برضه فى خنقة فى العربيه امبارح بس عرفت ان الشورت بلوك اللى جبته طلع 1500 مش 1600 فهل ده يأثر مع وجود ادوات التغذية بتاعت ال 1600 والكنترول بتاع العربيه 1600 ولا ده عادى وايه ممكن يكون سبب الخنقة لانى بجد زهقت من العربيه

هوة الكنترول مختلف طبعا
لو ماتورك كان سليم وسبايك بس والباقى كويس ومكنش بياكل زيت خد السبايك والكرنك من 1500 وحطه فى ماتورك
بس سؤال انته عملت شغل فى وش السلندر
وبعدين ما البلوك مكتوب عليه سعه الماتور--15 او 16

[Viper12345]

البلوك مكنش باين عليه كتابه انا عرفتها لما كنا بناخد رقم الموتور امبارح لقيت مكتوب عليه b فى اخر الرقم بالنسبة لشغل وش السلندر انت تقصد الموتور القديم ولا الجديد؟؟؟

[lanos2004]

قصدى الجديد
شوف الماتور 1500 الى هوة بتاع نوبيرا ون على كنترولك هيعمل 100 حصان ونفس الماتور بكنترول نوبيرا ون بيطلع 110 حصان
وكنترول نوبيرا ون مش هيركب عندك
انته حسيت بالفرق لان 1600 على عربيتك 145 نيوتن 107 حصان
1500 على عربيتك 140 نيوتن 100 حصان

[Viper12345]

الموتور الجديد معملتش فيه شغل طيب ايه اللى ممكن اعمله فى الحاله دى

[lanos2004]

هتلاقى كود الماتور مكتوب تحت رقمه 1600 سى سى
ad16ms

[Viper12345]

تمام ايه اللى ممكن اعمله دلوقتى علشان احسن اداء العربيه؟؟؟

[lanos2004]

تمام ايه اللى ممكن اعمله دلوقتى علشان احسن اداء العربيه؟؟؟

بوجيهات ngk- 3 شمعه وسلوك بوجيهات اصليه ونوع زيت محترم غير كدة ما فيش الا تعديلات

[Viper12345]

هجرب موضوع البوجيهات دى فى التغيير اللى جاى الف شكر ليك على مساعدتك

[Viper12345]

سؤال بخصوص ال egr

ليا سؤال بخصوص ال egrهو انى لما شلت خرطوم الهاء اللى داخل فيه مفيش اى حاجه حصلت فى العربيه ولا حتى صوت الهواء وحطيت صابعى على طرف الخرطوم مفيش اى هواء لا داخل ولا خارج منه ياترى ده طبيعى ولا لا ولو مش طبيعى يأثر فى ايه فى العربيه؟؟؟

[Viper12345]

انا لقيت سلك الكيك دوان مش مشدود كويس هو وسلك الاكسراتير ولما ظبطتهم لقيت فى تحسن ملحوظ فى الاداء بتاع العربيه