الزجاج الشمال نزل ومش راضي يطلع لانوس 1

[M.Elgergawy]

صباح الخير عليكو الصبح كان في ندى كتير على العربية المهم دورت وتمام ونزلت الزجاجين الامامي واليمين طلع والشمال لا العربية الاتنين الامامي كهربا وزرايرهم تحت الهاند بريك

[more_try2]

ممكن مفتاح الكهربا محتاج تنضيف لو مفيش حركه فى الازاز خالص اما لو فى حركه وزنه يبقى المفتاح سليم وبص على المكنه ةممكن محتاجه تزييت

[M.Elgergawy]

انا فعلا بدوس على الزرار كأني مش دايس مش بسمع اي صوت ولا المكنه ولا الازاز
وانضفع ازاى ده ؟

[أسامه طياره]

لو في حته من الازاز بارزه شده بايدك وانت ضاغط عالزرار بس متفتحوش تاني غير لما تروح لصنايعي يعملهولك

[Salamonti]

1- راجع على الزرار
2- راجع على الفيشة الداخلية للماكينة جوة فرش الباب
3- راجع على الماكينة أو الواير أو حامل الزجاج

[J A G U A R]

ممكن المكنه ضعفت حاول ترفعه بايدك مع الزرار

[kha_led29]

حل فرش الباب وخد توصيلة من البطارية لفيشة المكنة لو اشتغل يبقى عيب مفتاح تنظيف ويشتغل
لو مشتغلش يبقى عيب المكنة

[M.Elgergawy]

العيب طلع من المكنة :( الزرار سليم
اغير مكنه كامله ولا موتور بس
وحد يعرف سعرها كام تقريبا استيراد او جديده ؟

[shur3000]

كنت مغير المتور بس 110 والمكنه كلها ب150 بس قرفونى قالولى مشرشر ومثلث ودة يركب وميركبش شغالنه بنت ستين فى سبعين ربتا يعينك

[tarek_2005]

الموتور نوعين اما ترس وبيسموه مشرشر وخامته البلاستك
او مثللت وخامته المونيوم
الموتور جديد عند ابو الحسن علي ما اتذكر 180 جم استيراد من 75 جم الي 100 جم
الماكينة استيراد كاملة من 150 الي 200 جم

[M.Elgergawy]

الف شكر ليكو يا جماعه دا انا الكهربائي جنبي قالى الموتور ب 120 ج بتركيبه واستغليته اوي على كده سعره كويس بقى :(

[M.Elgergawy]

تم تغيير مكنة الزجاج بحمدالله بوحده استيراد والتكلفة 80 ج شامل الفك والتركيب للإفاده

[a7medsh3rawi]

مكنة الزجاج

انا غيرت موتور الزجاج استيراد ب 280 ج بالتركيب ومكنة السنتر جديد ب 40 ج بالتركيب
اكيد الاسعار دى سياحية

[M.Elgergawy]

كتير اوي 280 دا انا سالته لو هعمل الاتنين الخلفي كهربا قالي 200ج

Sent from my GT-I9300 using Forum Runner

[osra26]

الاخ الكريم
انا عايز مكنة امامى شمال لانوس
انت اشتريتها منين؟