إعـــــــلان

Collapse

.

,
See more
See less

طريقة فك سربنتينة السخن دايو لانوس...بالتفاصيل والصور والشرح

Collapse
X
 
  • Filter
  • الوقت
  • Show
Clear All
new posts

  • طريقة فك سربنتينة السخن دايو لانوس...بالتفاصيل والصور والشرح

    السلام عليكم ورحمة الله
    الشتا داخل علينا وهنبدأ نحتاج التكييف السخن
    وفية ناس التكييف السخن شغال عندها تمام فمش هيحتاجو الموضوع دة
    وفية ناس السخن عندها ملغى
    والسبب غالبا ان بيكون فية تسريب مية جوة العربية فى الدواسة
    تروح للميكانيكى عشان يصلحلك العيب
    فالميكانيكى يستسهل ويروح قايلك كلمتة المشهورة :
    الغى السخن ياباشا ملوش لازمة



    وطبعا الميكانيكى بيقول كدة من باب الاستهال لا اكثر
    لان السربنتينة مكانها مزنوق ومقرف شوية

    والحقيقة هيا ملهاش لزمة فى فصل الصيف فقط
    لكن اول ما الشتا يدخل هتحتاجها ضرورى جدا
    والا هتضحى بميزة كويسة الشركة عاملها فى العربية وهتلجأ للطرق البدائية للتدفئة فى الشتا


    تقفل الازاز ولو الجو كتم فى الصالون تنزل الازاز حاجات بسيطة ويجيلك سرسوب هوا سقع من برة دة غير الدوشة اللى بيعملها فتحة الازاز 2 او 3 سم عشان النفس

    وبكدة بقيت زيك زى العربيات موديلات السبعينات فى طريقة التعامل مع الجو الساقع فى فصل الشتا

    وطبعا دة مش حل

    الحل انك تفك السربنتينة بتاعة السخن وتطلعها وتشوف اية اللى فيها وتصلحها وتركبها تانى
    ودة اللى هنعملة دلوقتى خطوة خطوة وبالصور

    الاول هنفك الكونسولة بتاعة فرامل اليد
    هتطلع الجوز كراسى لقدام وتفك المسمارين دول





    وبعدين هترفع فرامل اليد لفوق خالص
    وترفع الكونصولة من ورا وتعديها من فرامل اليد وتطلعها


    وبعدين تخش على الفتيس
    وتشد الفرام بتاعة لفوق هتلاقية طلع فى ايدك
    وتقلبة وتشوفة من تحت ماسك بافيز او اى حاجة تانية
    وتفكها وتطلع الفرام بالجلد برة خالص





    وبعد كدة تخش على ال3 مسامير اللى ماسكين الكونصولة بتاعة الفتيس
    واحد بين الكرسيين
    وواحد جنب رجلين السواق
    وواحد جنب رجلين اللى قاعد جنب السواق







    وتسحب الكونصولة لفوق
    بس بحرص عشان لسة الطرفين الكهرباء بتوع الولاعة لسة راكبين
    هتفكهم من بعض وبعدين هتطلع الكونصولة





    وهيكون دة الشكل النهائى


    وهنبدا نفك علبة التوزيع بتاعة الهوا اللى بتبقى على اقدام السائق واللى جنبة
    هنبدأ بالمسامير الواضحة



    وبعدين هنشتغل على المسامير اللى مش واضحة
    وعشان زاوية التصوير صعبة
    او بمعن اصح لو انا صورتها فانت مش هتفهم هيا فين بالظبط
    فانا هثبت المفك او البيبة 7 وهصور عشان تبقى فاهم مكان المسمار فين


    وبعدين هنروح الناحية التانية
    عند الى راكب جنب السواق
    وبرضو نفس الطريقة للمسامير اللى مش واضحة







    بعد ما تخلص هتلاقى الغرفة الاخيرة بتاعة توزيع الهوا على الاقدام نزلت لتحت
    احتمال تحتاج منك بعض المساعدة فى السحب والتسليك لتحت ودة شكلها الاخير لما نزلت





    بعد كدة هيفضل عندك مسمارين اوعى تفكهم
    لانك لو فكيتهم هتتسحل بكل ما تحملة الكلمة من معنى عشان تقفل العلبة تانى
    واحد جنب دواسة البنزين وهحط لك المفك علية عشان تبقى عارفة بس متفكوش

    والتانى عند رجلين اللى راكب جنب السواق وهحط لك فية البيبة عشان تبقى عارفة ومتفكوش





    هنا كدة هتبقى المسامير كلها خلصت
    مش هيتفضل غير انك تنزل الفبرة لتحت
    بس خلى بالك
    الفبرة دى مش هتطلع خالص
    الفبرة دى هتنزلها لتحت وتسحب منها سربنتينة السخن
    بس قبل ما تعمل الكلام دة
    هتنزل تحت العربية
    وتفك المسمارين اللى تحت اللى ماسكين وحدة التكييف بالكامل عشان توسع لك شوية وتسمح لك انك تعرف تطلع سربنتينة السخن
    هنرفع العربية
    وننزل تحتها نفك المسمارين دول


    وبعد كدة هتلاقى شفة حديد ماسكة السربنتينة بتاعة السخن من فوق ......انطرها بالمفك العادة



    وبعد كدة هتبدأ تسلك العلبة الاخيرة وانت بتنزلها لتحت من الضفيرة بتاعة الكهرباء

    وخلى بالك الموضوع دة محتاج صبر عشان متبوظش حاجة فى الضفيرة

    هتنزل العلبة بايد وهتسحب السربنتينة بتاعة السخن بالايد التانية




    ونبدأ بصبر وبحرص
    نسحب السربنتينة من جوة العلبة






    هنا هنشوف ان ماسورة من الماسورتين متاكلة خالص
    والحقيقة انا عارف الموضوع دة من اول الصيف اللى فات
    بس كنت مكبر دماغى علشان انا مش هحتاجها طول فصل الصيف

    لكن اول ما الشتا دخل قلت ضرورى اعملها علشان اعرف اشغل السخن واخلط سخن على بارد واستمتع بالتكييف الدافى

    انا كدة خلصت فك

    هروح ادور على حد بيبيع مواسير المونيوم نفس القطر الخارجى 19 مم وهفور الماسورتين بالمرة بما انى فكيت وهلحم ماسورتين جداد عند اى ورشة فيها لحام ارجون (لحام الالمونيوم اسمة كدة)

    وهصور الكلام دة وهقولكم على التكلفة وبعدين احتمال اقفل يوم السبت او الاحد وهصور بردة التقفل وهقول عل كل الملاحظات اللى ممكن تقابل اى حد وهوة بيعمل الشغلانة دى


    وبالنسبة ليا التكلفة كلها هتكون فى حتتين الماسورة واللحام
    وهبقى ابلغكم وبالصور زى ما قلت

    ملحوظة اخيرة
    كل العدة اللى احتاجتها كانت مفك صليبة عادى ومفك صليبة قصير طولة 7 سم وبيبة 7


    [SIZE=2][SIZE=5][COLOR=Blue]zarif سابقا[/COLOR][/SIZE]
    [rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade][/SIZE]

    [SIZE="6"][COLOR="Blue"]zarif سابقا[/COLOR][/SIZE]

  • #2
    كل مواضعيك روعة

    في انتظار تكملة الموضوع

    Comment


    • #3
      اولا انا اشكرك لوعدك لي بشأن تصليح دوره السخن للانوس اما ثانيا بصراحه شرحك ممتاز ورائع ومبسط لاي عضو يقرأه الف الف الف الف شكر علي التوضيح ربنا يجعله في ميزان حسناتك

      Comment


      • #4
        موضوع مفيد جدا وفى انتظار باقى الاجزاء
        [FONT=Arial Black][SIZE=6][COLOR=seagreen]يقول اللورد كرومر فى مذكراته: لم اجد فى مصر الا المصريين فقط.. بعضهم يصلى فى المسجد وبعضهم يصلى فى الكنيسة لكن كلهم مصريون.
        [/COLOR][/SIZE][/FONT][CENTER][FONT=Arial Black][SIZE=6][COLOR=seagreen]أبو كمال[/COLOR][/SIZE][/FONT][/CENTER]

        Comment


        • #5
          مجهود ممتاز .. تسلم ايدك
          [SIGPIC][/SIGPIC]
          [COLOR="Magenta"][/COLOR]

          Comment


          • #6
            بجد حضرتك لازم تدي محاضرات مش مجرد مواضيع في المنتدي وبس
            أحييك علي طريقة الشرح والعرض المصور أكثر من رائع
            مع العلم اني أكيد أكيد يعني مش هاعمل اي حاجة من الكلام ده بس بجد موضوع رااااااااائع وكل مواضيع حضرتك السابقة برضه (انا تابعتها كلها)
            ورحم الله السيدة الوالدة ونفعك بدعائها ونفع الناس بعلمك
            تحياتي
            micho_881 سابقا

            Comment


            • #7
              بجد ممتاز ممتاز يا باشا رائع والله وارجو من الادارة تثبيت الموضوع فورا

              Comment


              • #8
                كالعادة إبداع وشرح ممتاز لمواضيعك..الله ينور
                بس للأسف 95% من الشعب المصري مش بيشغل التكيف على السخن عشان ميخدش برد وهو نازل :)
                نصيحة بالنسبة للسربنتينة بتاعك:
                خدها ورح للخراط يفور لك الماسورتين دول ويعملك 2 جداد على نضافة أحسن بكتير من اللحام وكدا.
                احنا عملنا الموضوع في عربية صديق عزيز (فيرنا) وبقالها سنتين شغالة تمام أهي الحمد لله.
                [img3]http://nileup.com/up/uploads/nilemotors_13841148121.jpg[/img3]
                Lanos For Ever
                :S_thum1[1]:

                Comment


                • #9
                  صديقي المواطن
                  موضوع متكلف ومصروف عليه وبنشجع كل حد بيشتغل بإيده وبيحاول ينفع ويفيد اﻷخوه أعضاء المنتدى الكرام ولا تحرمنا من كل جديد
                  وهذا ما لزم بيانه ودمتم
                  وبالتوفيق وإلى اﻷمام ومن نصر إلى نصر
                  ودمتم للنضال

                  Comment


                  • #10
                    إيه الحلاوة دي...متألق دائما
                    سؤال بقي عايز أعرفه
                    إنت بتعرف الحاجات دي منين..بتجرب بإيدك وتكتشف فين أماكن المسامير وطريقة فكها ولا إتعلمت في حاجة قبل كدا ولا قريت مانيوال ؟
                    [B]قوم يا مصرى مصر دايما بتناديك...خد بنصرى نصرى دين واجب عليك
                    يوم ما سعدى راح هدر قدام عينيك...عد لى مجدى اللى ضيعته بأيديك
                    شوف جدودك فى قبورهم ليل نهار...من جمودك كل عضمة بتستجار
                    [/B]

                    Comment


                    • #11
                      طوله البال تهد جبال . وتقدر تبنيه تانى
                      [SIGPIC][/SIGPIC]

                      Comment


                      • #12
                        المشاركة الأصلية كتبت بواسطة أبومازن333 مشاهدة المشاركة
                        كل مواضعيك روعة

                        في انتظار تكملة الموضوع

                        متشكر جدا لزوقك
                        واول ما هكمل الموضوع بالصور هرفعة باذن الله



                        المشاركة الأصلية كتبت بواسطة atpo56a مشاهدة المشاركة
                        اولا انا اشكرك لوعدك لي بشأن تصليح دوره السخن للانوس اما ثانيا بصراحه شرحك ممتاز ورائع ومبسط لاي عضو يقرأه الف الف الف الف شكر علي التوضيح ربنا يجعله في ميزان حسناتك

                        الف الف شكر ليك
                        وبالنسبة لو هتعملة عندك اصبر كام يوم لحد ما اخلص خالص عشان لو فية ملاحظات فى التقفيل هبقى اكتبها وكمان طريقة توصيلها فى دورة المية



                        المشاركة الأصلية كتبت بواسطة fepsceasar مشاهدة المشاركة
                        موضوع مفيد جدا وفى انتظار باقى الاجزاء
                        ان شاء الله قريب

                        المشاركة الأصلية كتبت بواسطة J A G U A R مشاهدة المشاركة
                        مجهود ممتاز .. تسلم ايدك
                        تسلم ايدك على الشكر

                        المشاركة الأصلية كتبت بواسطة micho_881 مشاهدة المشاركة
                        بجد حضرتك لازم تدي محاضرات مش مجرد مواضيع في المنتدي وبس
                        أحييك علي طريقة الشرح والعرض المصور أكثر من رائع
                        مع العلم اني أكيد أكيد يعني مش هاعمل اي حاجة من الكلام ده بس بجد موضوع رااااااااائع وكل مواضيع حضرتك السابقة برضه (انا تابعتها كلها)
                        ورحم الله السيدة الوالدة ونفعك بدعائها ونفع الناس بعلمك
                        تحياتي

                        محاضرات مرة واحدة
                        ياباشا ربنا يكرمك وكل ما فيها ان الواحد لما بييجى يعمل موضوع زى كدة ويرفعة بيبقى هدفة ببساطة علم ينتفع بة يعنى يبقى فى ميزان الحسنات
                        ومتشكر جدا لدعائك لوالدتى


                        المشاركة الأصلية كتبت بواسطة medo_mony مشاهدة المشاركة
                        بجد ممتاز ممتاز يا باشا رائع والله وارجو من الادارة تثبيت الموضوع فورا

                        ربنا يخليك
                        وبالنسبة لطلبك بالتثبيت فالادارة مثببتش موضوعين اجمد من دة بكتير
                        اللى هما فلتر التكييف ودة يعتبر ابتكار
                        وتنضيف التلاجة بدون فك العلبة

                        يبقى هيثبتوا دة
                        [SIZE=2][SIZE=5][COLOR=Blue]zarif سابقا[/COLOR][/SIZE]
                        [rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade][/SIZE]

                        [SIZE="6"][COLOR="Blue"]zarif سابقا[/COLOR][/SIZE]

                        Comment


                        • #13
                          المشاركة الأصلية كتبت بواسطة Khaled Lanos مشاهدة المشاركة
                          كالعادة إبداع وشرح ممتاز لمواضيعك..الله ينور
                          بس للأسف 95% من الشعب المصري مش بيشغل التكيف على السخن عشان ميخدش برد وهو نازل :)
                          نصيحة بالنسبة للسربنتينة بتاعك:
                          خدها ورح للخراط يفور لك الماسورتين دول ويعملك 2 جداد على نضافة أحسن بكتير من اللحام وكدا.
                          احنا عملنا الموضوع في عربية صديق عزيز (فيرنا) وبقالها سنتين شغالة تمام أهي الحمد لله.
                          بالنسبة للتكييف السخن فالصح انك تشغلة مع البارد وتخلط الاتنين مع بعض عشان تبقى درجة الحرارة جوة الكابينة معتدلة

                          لكن اللى بيشغل سخن بس العربية بتكتم بسرعة والازاز يشبر من جوة

                          وبالنسبة للماسورتين فانا هدور على ماسورتين المونيوم نفس القطر الخارجى وهلحمهم ارجون عند اى واحد بتاع لحام ارجون او فى مخرطة


                          المشاركة الأصلية كتبت بواسطة saddam مشاهدة المشاركة
                          صديقي المواطن
                          موضوع متكلف ومصروف عليه وبنشجع كل حد بيشتغل بإيده وبيحاول ينفع ويفيد اﻷخوه أعضاء المنتدى الكرام ولا تحرمنا من كل جديد
                          وهذا ما لزم بيانه ودمتم
                          وبالتوفيق وإلى اﻷمام ومن نصر إلى نصر
                          ودمتم للنضال
                          جزيل الشكر لمرورك يا استاذ صدام
                          ودمتم للنضال


                          المشاركة الأصلية كتبت بواسطة swimmer25 مشاهدة المشاركة
                          إيه الحلاوة دي...متألق دائما
                          سؤال بقي عايز أعرفه
                          إنت بتعرف الحاجات دي منين..بتجرب بإيدك وتكتشف فين أماكن المسامير وطريقة فكها ولا إتعلمت في حاجة قبل كدا ولا قريت مانيوال ؟

                          الفضول يا عزيزى
                          الفضول

                          وشوية عدة محترمة متوفرة معاك
                          والاهم من دة كلة طولة البال والصبر

                          يعنى اجابة سؤالك هو : بجرب بايدى وبكتشف
                          [SIZE=2][SIZE=5][COLOR=Blue]zarif سابقا[/COLOR][/SIZE]
                          [rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade][/SIZE]

                          [SIZE="6"][COLOR="Blue"]zarif سابقا[/COLOR][/SIZE]

                          Comment


                          • #14
                            الله ينور كالعاده موضوع مفيد
                            ahmed air سابقا

                            Comment


                            • #15
                              بالنسبة للتكييف السخن فالصح انك تشغلة مع البارد وتخلط الاتنين مع بعض عشان تبقى درجة الحرارة جوة الكابينة معتدلة
                              معلش مش قادر افهم تفتح الاتنين مع بعض ازاي مش هو درجه حراره بتختارها و بس كدا
                              [CENTER][SIZE=5][COLOR=#4169e1]نختلف .. نتحاور و نتناقش , لكن نتبادل الاتهامات ... ده امر مرفوض نهائيــــــــــــــــــــــــاً [/COLOR][/SIZE][/CENTER]
                              [CENTER][COLOR=#4169e1]حكمه من مهاب سعيد[/COLOR] [/CENTER]
                              [RIGHT]TheEgyption سابقا
                              [/RIGHT]

                              Comment

                              Working...
                              X