Tweet
تحذير..من صباع حرارة الدايو الموجود في السوق
السلام عليكم
ازيكو يا دايوهية
زي ما مكتوب في العنوان بالظبط
بحذر من صباع الحرارة اللي موجود في السوق حاليا لأن أغلبه بقى مضروب زي أغلب قطع الغيار.
ودا اللي حصل معايا..
من فترة كان عندي مشكلة إن المراوح مبقتش تشتغل على طول زي الأول وساعات بتغيب لحد ما عداد الحرارة يكون على النص وبعدين تشتغل..مع إن دورة المياه نضيفة وحاطط مية خضرا وكله تمام..وطبعا التأخير دا غلط لأنو بيخلي العربية تسخن عن الحرارة الطبيعية بتاعتها.
المهم طبعا دا عيب صباع الحرارة هو اللي متحكم في المراوح..قولت أكيد معلق أو عايز يتنضف مثلا..لما أفكه واشوف ماله.
ودا كان شكله لما فكيته:
بعد ما شوفت شكله كدا قررت اني هشتري واحد جديد من باب النضافة ويكون احسن وأضمن دا..وبالفعل نزلت اشتريت واحد جديد بـ 35 جنيه من عند واحد بتاع قطع غيار في 6 اكتوبر..المهم لما جيت اركبه لفيته بإيدي الأول زي المعتاد يعني وبعد كدا جيت بقرط عليه بمفتاح 19 عشان يتثبت مكانه كويس..بقرط براحة ومرة واحدة لقيته بيلف على الفاضي
انا افتكرت مكانه فوت ولا حاجة :)
جيت أفكه من مكانه يمكن مش مربوط كويس مثلا..لقيت راس الصباع طلع في المفتاح وبقيته في وش السلندر..ودا كان شعوري ساعتها
ودا شكل الصباع النهائي بعد ما طلعته من العربية الحمد لله:
طبعا شايفين المنظر عامل ازاي..وعارفين يعني ايه صباع يتقطم حتتين جوا الماتور
نسيت أقولكو طلعت النص التاني ازاي..طبعا ساعتها اول حاجة جت في دماغي ان كدا الوش لازم يتفك ويروح للخراط وهخش في حوار كبير عشان صباع معفن..
وفيه نفس الوقت مكنش ينفع اسوق العربية لحد الخراط عشان كل ما اعبي مية بتسرب جامد ن ناحية الصباع لأنه مش حاكم المكان كويس..والمراوح كدا كدا شغالة Direct لما تشيل الفيشة فمكنش فيه مشكلة من ناحيتها.
قلت خلاص مبدهاش لازم اتصرف انا معاه قبل ما الشمس تروح :)
توكلت على الله وفكيت البطاريه وبعد كدا فيكت قاعدة البطارية فبقى الصباع قدامي مفيش حاجة مدايقاني زي البطارية.
المهم جيبت مفك عادة ودبيته في الجزء دا
وبدأت ألف المفك عكس اتجاه عقارب الساعة لحد ما بقيت الصباع طلع برا الوش الحمد لله بدون أي خساير في الماتور
طبعا أنا حرمت اشتري واحد جديد بعد اليوم اللي شوفته دا..وقررت اني هنضف القديم واجرب..ولو منفعش اشتري واحد استيراد.
نزلت اشتريت ورقة صنفرة ناعمة بـ 1.5 جنيه من الموان
وقعدت اصنفر الصباع على خفيف وانضفه لحد ما بقى بالشكل دا:
طبعا فرق كبير عن الأول بعد ما نضفته
بعد ما نضفته كويس ركبته وقرط عليه عادي جدا..تحس انه حتة واحدة وماسك نفسه..مش زي التاني اللي جيبته تحس انه معمول من البلاستيك وملزوق بأمير
(ربنا ينتقم من اللي بيبيع الحاجات دي)
المهم زودت المية للعلامة وركبت فيشته وقفلت البطارية وكل حاجة وبسم الله دورت العربية..وفضلت سايبها يجي تلت ساعة اول ما عداد الحرارة جيه قبل النص بشرطة بالظبط المراوح اشتغلت على طول (مش زي الأول كانت بتشتغل والعداد على النص)
طلعت مشوار ومشغل التكيف وحرق والعداد مبيعديش قبل النص بشرطة خالص والحرارة بقت طبيعية والمراوح تمام في السرعتين الحمد لله.
--------------------------------------
نصيحة بقى للي عايز يشتري صباع حرارة:
رأيي روح هات واحد استيراد كويس ويفكه من ماتور قدامك أضمن من اللي بيتباع جديد بمليون مرة.
وحسبنا الله ونعم الوكيل في الناس اللي بتغش الحاجة وبتبيع حاجات مضروبة تضر بيها عربيات الناس.
ازيكو يا دايوهية
زي ما مكتوب في العنوان بالظبط
بحذر من صباع الحرارة اللي موجود في السوق حاليا لأن أغلبه بقى مضروب زي أغلب قطع الغيار.
ودا اللي حصل معايا..
من فترة كان عندي مشكلة إن المراوح مبقتش تشتغل على طول زي الأول وساعات بتغيب لحد ما عداد الحرارة يكون على النص وبعدين تشتغل..مع إن دورة المياه نضيفة وحاطط مية خضرا وكله تمام..وطبعا التأخير دا غلط لأنو بيخلي العربية تسخن عن الحرارة الطبيعية بتاعتها.
المهم طبعا دا عيب صباع الحرارة هو اللي متحكم في المراوح..قولت أكيد معلق أو عايز يتنضف مثلا..لما أفكه واشوف ماله.
ودا كان شكله لما فكيته:
بعد ما شوفت شكله كدا قررت اني هشتري واحد جديد من باب النضافة ويكون احسن وأضمن دا..وبالفعل نزلت اشتريت واحد جديد بـ 35 جنيه من عند واحد بتاع قطع غيار في 6 اكتوبر..المهم لما جيت اركبه لفيته بإيدي الأول زي المعتاد يعني وبعد كدا جيت بقرط عليه بمفتاح 19 عشان يتثبت مكانه كويس..بقرط براحة ومرة واحدة لقيته بيلف على الفاضي
انا افتكرت مكانه فوت ولا حاجة :)
جيت أفكه من مكانه يمكن مش مربوط كويس مثلا..لقيت راس الصباع طلع في المفتاح وبقيته في وش السلندر..ودا كان شعوري ساعتها
ودا شكل الصباع النهائي بعد ما طلعته من العربية الحمد لله:
طبعا شايفين المنظر عامل ازاي..وعارفين يعني ايه صباع يتقطم حتتين جوا الماتور
نسيت أقولكو طلعت النص التاني ازاي..طبعا ساعتها اول حاجة جت في دماغي ان كدا الوش لازم يتفك ويروح للخراط وهخش في حوار كبير عشان صباع معفن..
وفيه نفس الوقت مكنش ينفع اسوق العربية لحد الخراط عشان كل ما اعبي مية بتسرب جامد ن ناحية الصباع لأنه مش حاكم المكان كويس..والمراوح كدا كدا شغالة Direct لما تشيل الفيشة فمكنش فيه مشكلة من ناحيتها.
قلت خلاص مبدهاش لازم اتصرف انا معاه قبل ما الشمس تروح :)
توكلت على الله وفكيت البطاريه وبعد كدا فيكت قاعدة البطارية فبقى الصباع قدامي مفيش حاجة مدايقاني زي البطارية.
المهم جيبت مفك عادة ودبيته في الجزء دا
وبدأت ألف المفك عكس اتجاه عقارب الساعة لحد ما بقيت الصباع طلع برا الوش الحمد لله بدون أي خساير في الماتور
طبعا أنا حرمت اشتري واحد جديد بعد اليوم اللي شوفته دا..وقررت اني هنضف القديم واجرب..ولو منفعش اشتري واحد استيراد.
نزلت اشتريت ورقة صنفرة ناعمة بـ 1.5 جنيه من الموان
وقعدت اصنفر الصباع على خفيف وانضفه لحد ما بقى بالشكل دا:
طبعا فرق كبير عن الأول بعد ما نضفته
بعد ما نضفته كويس ركبته وقرط عليه عادي جدا..تحس انه حتة واحدة وماسك نفسه..مش زي التاني اللي جيبته تحس انه معمول من البلاستيك وملزوق بأمير
(ربنا ينتقم من اللي بيبيع الحاجات دي)
المهم زودت المية للعلامة وركبت فيشته وقفلت البطارية وكل حاجة وبسم الله دورت العربية..وفضلت سايبها يجي تلت ساعة اول ما عداد الحرارة جيه قبل النص بشرطة بالظبط المراوح اشتغلت على طول (مش زي الأول كانت بتشتغل والعداد على النص)
طلعت مشوار ومشغل التكيف وحرق والعداد مبيعديش قبل النص بشرطة خالص والحرارة بقت طبيعية والمراوح تمام في السرعتين الحمد لله.
--------------------------------------
نصيحة بقى للي عايز يشتري صباع حرارة:
رأيي روح هات واحد استيراد كويس ويفكه من ماتور قدامك أضمن من اللي بيتباع جديد بمليون مرة.
وحسبنا الله ونعم الوكيل في الناس اللي بتغش الحاجة وبتبيع حاجات مضروبة تضر بيها عربيات الناس.
Comment