تغيير قطاش البطارية

[omar sheref]

السلام عليكم
يا جماعة عندي مشكلة في القطاش وسع وبيطلع من راس البطارية وعاوز اغيرة بنوع كويس ياريت حد يفيدنى اجيب انواع اية بظبط و تتكلف كام لانى عاوز اعمل الموضوع دة بنفسى عندى مشكلة كمان ان الدينامو عامل صوت تكتكة علطول مع العلم ان الشحن بتاعة كويس و شغال زى الفل بس الصوت دة مضايقنى ..

[eng.salama93]

التكتكه دي بليه الدينامو خشنت و محتاجه تتغير

[saddam]

صديقي المواطن
قطاش البطارية حتركب نحاس محمل من.التوفيقية كوري عامل 14 جنيه وتقرط وتحط شحم وحط سلوك وأرضيات محملة بالنسبة للدينمو يتفك ويتنظف ويتغيرله بلية وخد بالك ممكن يكون الصوت من بلية الشداد برضو
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[مصطفى-حسن]

لما بيوسع منى بطلعة واضغط علية بالذرادية (البنسة)
واركبة تانى بيبقى قافش وزى الفل

[ehabahmed0]

القطاش لازم يكون نحاس محمل
والصوت ده من بليه الدينامو لازم تغيرها بسرعه هاتعمل مشكله كبيره انا غيرتها بنوع ياباني 15 جنيه

[a_mohamedsamir]

لو القطاش اللى عندك هو بتاع الفابريكه
بس المشكله كلها فى الوسع ممكن تعمل له تخشينه
بحتة رصاص من بتاع الصيد
أو ممكن حد بتاع بطاريات يصب لك رصاص على الصباع
ويتخنه شويه
بالنسبه للصوت غالبا حتكون بليه الدينامو

[shur3000]

ريح دماغك وهات قطاش جديد ييقى محمل اتا جايب ب12ج

[swimmer25]

اعمله تخشينة حتي لو حتة سلك كهرباء لو عايز (انا عامل كدا) او غيره
المهم تظبطه لانه هيعمل حمل علي الدينامو والبطارية بتكون مش بتشحن كويس بسبب انه واسع
ولو غيرته بقي دور علي طقم تقدر توصل عليه اكتر من ارضي وتوصلهم بسلك محمل في جسم العربية هتحس ان الكهرباء اتظبطت تمام

[omar sheref]

شكرا يا جماعة على الردود..غيرت القواطيش بنوع نحاس محمل على نصيحتكم..حاولت احط للقدام تخشينة بس منفعتش ..ويوم الجمعة ان شاء الله اغير بلية الدينامو .. وربنا يستر ويكون الصوت منها بس مش من حاجه تانيه

[broadband]

استاذ محمد ممدوح كان عامل موضوع عن القطاش و كان شارى قطاش تحفة انا بحاول ادور عليه لغاية دلوقتى