ازاي بتشغل عربيتك اللانوس

[atpo56a]

السلام عليكم اخواني بالمنتدي
فيه استفسار بسيط احب اطرحه عليكم لتعم الفائده
لما تيجي تشغل سيارتك لفتح الكونتاكت بعض الاخوه بيقول حط المفتاح ودور علي طول دون الاهتمام بصوت الانذار المتقطع تن تن تن تن تن
البعض الاخر بيقول استني لما الانذار يسكت وشغل العربيه ايه رايكم في الكلام ده يا ريت التوضيح علشان الموضوع ده يمكن فيه ناس بيغفل عليها كيفيه وطريقه فتح الكونتاكت للسياره ولكم الف الف الف شكر للمشاركه بالرأي

[-=.AHMED.=-]

عليكم السلام و رحمة الله
انا لازم استنى الانذار يخلص و بعدها ادور العربيه
و فى ناس كمان بتنصح انك تكون دايس دبرياج حتى لو ممور

[tarek_2005]

من الافضل الانتظار حتي نهاية سماع صوت طرمبة البنزين ليكون قد تم ضبط ضغط البنزين علي الرشاشات وموضوع الضغط علي الدبرياج دا لخف الحمل بتاع الفتيس عن المكنة وبالتالي بتخف الحمل عن المارش

[lanos2004]

انا بحط المفتاح فى الكونتاكت وبنتظر ساعتين على اما مراتى تنزل وادور

[amirock]

يا باشا استني شوية بعد ما تحط المفتاح. علي الاقل طرمبة البنزين تشتغل و تتحضر

[ekotta]

طبيعي لازم تستني انتهاء صوت الانذار المتقطع تن تن تن تن تن
لان ده معناه ان طرمبه البنزين بتتحضر للضخ
وانه جاري ظبط كميه البنزين للرشاشات ..

فطبيعي جدا ان تنتظر

[ekotta]

انا بحط المفتاح فى الكونتاكت وبنتظر ساعتين على اما مراتى تنزل وادور

باشا انا بستني مراتي حوالي ربع ساعه .. تفرق دي ؟؟
يعني ربع ساعه كفايه ولا لازم ساعتين ؟؟
هههههههههههههههههههه

[ahmedsamy90]

يا جماعة الخمسة تن تن تن تن تن لما بتكون مدور من غير ماتحط الحزام .......... لا كن الطرمبة مابتعملش تنتنة خالص هي ليه صوت زنة ضعيفة ...... يعني تحط المفتاح على on وتسيبها ثانيتين تلاتة وتدور ده أفضل

[luckyman]

ايه يا جماعه الكلام الغريب ده!

[dr.hazem]

يا جماعة الخمسة تن تن تن تن تن لما بتكون مدور من غير ماتحط الحزام .......... لا كن الطرمبة مابتعملش تنتنة خالص هي ليه صوت زنة ضعيفة ...... يعني تحط المفتاح على on وتسيبها ثانيتين تلاتة وتدور ده أفضل

+1

Sent from my Xperia Arc S using Forum Runner

[elhamy80]

يا جماعة الخمسة تن تن تن تن تن لما بتكون مدور من غير ماتحط الحزام .......... لا كن الطرمبة مابتعملش تنتنة خالص هي ليه صوت زنة ضعيفة ...... يعني تحط المفتاح على on وتسيبها ثانيتين تلاتة وتدور ده أفضل

انا طول عمرى عارف ان تن تن تن ده بتاعه طلمبه البنزين يعنى كل ده واناعايش مخدوع اتصدق هجربها انهارده وانا مروح

[مدحت]

الجرس بتاع حزام الامان وجرب ضع الحزام قبل ماتحت المفتاح هتلاقى الجرس بعدالمفتاح مش هينطق

[AHMADALY1999]

لا داعى للانتظار ......... لا يوجد بدليل المستخدم اى تنبيه
فعلا الصوت خاص بالحزام ........... و جرب حط الحزام قبل ما تدور .......... مش حتسمع تن
و انا بدور على طول من 11 سنة و 265 الف كم

و فعلا بدوس دبرياج لاطالة عمر المارش و البطارية

[a7medsh3rawi]

كان عندى اكسيل قبل اللانوس ما ينفعش تدورها غير وانت دايس دبرياج وعرفت بعدها انها بتخف الحمل من على المارش والبطاريه
أما بخصوص التدوير تفتح الكونتاك وتستنى 3 او 4 ثوانى وتدور علشان تحضر الطرمبه للبنزين والحساسات للكمبيوتر ودا أفضل بكتير

ملحوظه :
لو عندك وقت او مستنى حد يجى معاك يفضل انك تسيب الموتور يسخن شويه ما تقلش عن 3 دقايق

[عصام غنايم]

الطريقه الصحيحه لتدوير وأستخدام السياره وهى بارده بأذن الله

اهم حاجه تدوس دبرياج وانت بتدور

هتفتح الكونتاك وتستنى 5 ثوانى وتدور العربيه ( وده الزمن الكافى للطرمبه للوصول للضغط المناسب داخل دورة البنزين ) و ( اكتر من كده غلط على الموبينه )


بعد كده هتستنى مدة 30 ثانيه ( ده لو العربيه بارده تماما ) وبعدين تبدئ تتحرك بالعربيه على سرعة لفات محرك معتدله وبدون قرص على الموتور او على الغيرات لمدة 3 دقايق

بعد كده استخدم العربيه عادى جدا


هام جدا
احذر من تسخين السياره لفتره طويله

من اكتر الحاجات اللى بتئذى الموتور انه يقف على السلانسيه مده كبيره ( استهلاك بنزين عالى وتأكل فى قلب الموتور ودايرة العادم مما يسبب تلف اسرع وقصر عمر الموتور ودايرة العادم )

ولو تلاحظوا ان شركات العربيات ابتدت تحط نظام يطفى العربيه اتوماتيكيا لو وقفت على السلانسيه اكتر من 30 ثانيه

مما يؤكد كلامى

تقبلوا تحياتى