مشكلة تنتيشة ومشكلة فى امبير البنزين

[hateeem]

السلام عليكم ورحمه الله وبركاته


انا معايا لانوس 2005 كاملة 153000 كم

معلش يا جماعة انا هاتقل عليكم شوية

العربية لما بتكون ع اى غيار من الاول للخامس فيه نتشة

وده بعد ما اشيل رجلى من ع البنزين

وده انا مش عارف سببه ايه

فا بضطر عشان العربية ماتعملش النتشة دى يا اما ادوس دبرياج

او ادوس بنزين لو الطريق يسمح او امور الفتيس

واوقات ع السلانسية بلاقى الار بى ام بيقل عن الواحد ويعلى قبل الواحد ونص كدا

مع انى غيرت بوجيهات بسلوك البوجيهات وفلتر البنزين

ونضفت فلتر الهواء

اما الحاجة التانية عداد البنزين بيقرا غلط يعنى بيقلل ربع الكمية عن البنزين

الفعلى فى التانك لما اقول التانك الاقيه مدينى على ثلاثة ارباع التانك

فا ياريت اللى يعرف حل الموضوع ده يرد عليا

وجزاكم الله كل خير مقدما

[Ahmed Nasser]

المشكلة الاولى
غسل الايدل والبوابة كويس

المشكلة التانية
خلى كهربائى يراجعلك على بردة العوامة
ويستحسن تغيرها

[ahmedit]

اعتقد الدسك والاسطوانه بعافية حبتين

http://www.fped.bu.edu.eg/

[ابو ذياد]

موضوع البنزين ده كان عندى نفس المشكلة و غرت العوامة وظبط الكلام
وموضوع التنيشه ديه موضوع انا عنيت منه والله جامد اوى ومش هقدر اقولك غير انك ربنا يعينك عليها انته عايز ميكانيكى يكون معلم عشان ميخلكش تصرف على الفاضى و يوهمك انه ديه اللى عاملة المشكلة و تطلع مش هيا

[M.Elgergawy]

ممكن اعرف سعرها كام العوامه وجديده ولا استيراد افضل؟

[hateeem]

اولا شكرا لردودكم واهتمامكم

استاذى احمد ناصر انا نضفت البوابة اكتر من مرة وكنت مفكراها ان البوابة فيها وساخة بنزين

انا كنت روحت لميكانيكى قالى ان ممكن يكون العيب فى الحساس اللى راكب فى الانجيكشن

وقالى ننضف البوابة ونشوف ولكن واضح كدا ان العملية مش عملية بوابة

استاذى ابو ذياد طب حضرتك حليت المشكلة ازاى او عملتها فين

وياريت حضرتك تقولى غيرت العوامة بكام

استاذ احمد it انا كنت بعتقد كدا لكن سالت كذا واحد قالى الاسطوانة والديسك ملهمش علاقة بالموضوع

وشكرا ايضا على اهتمامك

[Elawany13]

بالنسبة لقراءة أمبير البنزين
العيب بيكون من البالونة بتاعت العوامة مش العوامة بالكامل
بالونة صغيره زى بتاعت السيفون سعرها بضع جنيهات بتتغير وبتبقى زى الفل

[Car's Sniper]

موضوع البنزين ده كان عندى نفس المشكلة و غرت العوامة وظبط الكلام
وموضوع التنيشه ديه موضوع انا عنيت منه والله جامد اوى ومش هقدر اقولك غير انك ربنا يعينك عليها انته عايز ميكانيكى يكون معلم عشان ميخلكش تصرف على الفاضى و يوهمك انه ديه اللى عاملة المشكلة و تطلع مش هيا

ياريت السعر ..وهل جديدة ولا استيراد وايه الاحسن؟؟

[hateeem]

ياريت السعر ..وهل جديدة ولا استيراد وايه الاحسن؟؟

انا سألت ع الطرمبة بالعوامة الاصلية بتاعت العربية بـ 250

ياريت يا استاذ ابو ذياد تقولى حليت المشكلة ازاى الله يجازيك خير

[captin]

اعتقد ان الرشاشات محتاجة تنظيف .. نظفها وقوللى النتيجة

[ebrahim_mh]

مع احترامى للاراء المتعددة انا راى اكشف على العربية بالكمبيوتر العيب دع عيب بيسمى عيب خبيث
و واحتمال يطلع حساس شكمان

[hateeem]

انا نضفت الانجيكشن والحساسات و الرشاشات وما زالت المشكلة موجودة تقريبا كدا الحساس هو اللى لازم يتغير

[elly3an3an]

انا عندى نفس المشكله وملفتش حل لحد دلوقتى
مع انى غيرت رشاشات و اسبراتير ز فلتر هوا و سلوك وبوجيهات وطرمبة بنزين وكشفت كمبيوتر وغيرت حساس ماب
الله معى ومعاك

[more_try2]

باشا بص على موبينه العربيه دى ديما بيت الداء ممكن هى ال تعمل التنتيشه
وغير العوامه جديد واشترى دماغك