ارجو الافادة علشان اتخنقت

[weka78]

العربية نوبيرا وان موديل 97 .. بدأت عند تفويل التنك تغيب في الدوارة وبعدين حصل تنتيش وقطع للبنزين وهي ماشية ( نخع ) وممكن توصل لدرجة انها تبطل مني قالولي طرمبة بنزين غيرتها جبت الأصلية ونفس اللي بيحصل معايا حطيت العربية علي الكمبيوتر ظهر العيب من الرشاشات غيرت الرشاشات من عند سوسو نفس المشكلة ما زالت موجودة مع العلم بأني غيرت فلاتر وبوجيهات ومش عارف السبب في ايه
يا ريت حد يفيدني بجد علشان تعبان من العربية

[zendo]

ده عيب كهربا شيك على الموبينة والبوجيهات والاسبراتير بس الاول شوف الموبينة وشوف خراطيم البنزين ممكن يبقى مسدوده

[MITSUKERO]

عادي جدا ممكن الرشاشات تبقي بايظة

جرب الحاجات من عند حد تاني قبل ما تغير

رشاشات
بوبينة

[Mamoud salah H]

ممكن في الاخر بعد لما تجرب الحاجات الي الاعضاء قالوا عليه لو مجبتش نتيجة
اعمل تشيك علي سلوك البوجيهات وممن تجربها مثلا من عند اي ميكانيكي حبيبك او واحد صاحبك قبل ما تشتري

[mada3030]

ممكن سلوك البوجيهات
ممكن الموبينه بس احتمال بعيد
او حساس الشكمان
او حساس الكرنك
او البوابه فيها حاجه