مشكلة فى تدوير العربية الصبح

[zendo]

العربية بقالها كام يوم الصبح لما ادورها تقوم مرجرجة جامد ومبرجلة كام ثانية وبعد كده يبقى صوتها طبيعى وتنتظم فى السلانسية المشكلة دى الصبح بس العربية نوبيرا 2 اتوماتسك
كنت عاوز اسئل على حاجة كمان لما اركن اجيب وضع p بعد لما اطفى العربية ولا قبل ما اطفيها ولما ادورها اجيب وضع n الاول قبل لما ادورها ولا ادورها وهى على p عادى
ارجو الافاده فى النفطتين دول وشكرا

[midooo_119]

موضوع الرجرجه غالبا رشاشات

[zendo]

موضوع الرجرجه غالبا رشاشات

طب دى حلها ايه

[midooo_119]

اتفضل
اخيرا غيرت الرشاشات ب m40

[zendo]

بس اانا عندى الموضوع بياخد كام ثانية مش بيطول والاربى ام بيبقى عادى بيعلى فى الاول وبعد كده يبتدى يقل تدريجيا لما العربية تسخن ممكن محتاج الرشششات تنضف

[saddam]

صديقي المواطن
العطل عندك تنظيف رشاشات أو تغييره مع طقم بوجيهات غالي وطقم سلوك وفلاتر هواء وبنزين وحتصفى العربية
وبالنسبة ﻹستخدام الفتيس اﻷوتوماتيك عند الركنة وهي دايرة تجيب p ولما تيجي تدور تدور على p أفضل وإنت كده كنت بتبطل غلط على الفتيس وطبعا برضو على n تدور عادي ولكن اﻷئمن تدور على p
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[mostafa8085]

كنت عاوز اسئل على حاجة كمان لما اركن اجيب وضع p بعد لما اطفى العربية ولا قبل ما اطفيها ولما ادورها اجيب وضع n الاول قبل لما ادورها ولا ادورها وهى على p عادى
ارجو الافاده فى النفطتين دول وشكرا

تجيب p قبل ما تبطل العربية
و لما تيجي تدور تدورها و هي على الـ p برضه

[zendo]

متشكر قوى لاضافاتتكم وهغير بوجيهات وفلاتر وهنضف رشاشات ان شاء الله

[3itta]

1-بالنسبة للرجرجة ممكن تكون طلمبة البنزين الفلتر بتاعة عاوز يتنظف لانها كده بتاخد وقت فى التحضير او ممكن تغيرها كلها الطلمبة استيراد بتعمل 150 ج من عند سوسو اللى فى الهرم. (الله اعلم برضه بس انا حصل معايا مشكلة زى دى من فترة كانت العربية كمان تيجى عند الاحتياطى بتاع البنزين وتقطع اول ما افول تمشى زى الاكس)
2- عادى انت بتركن وبتجيب الp وبتطفى- وبدور وانت على الp برضه .

[Amr Elshamy]

1- رشاشات
2 - لما تركن اول حاجه تشد فرامل اليد الاول ورجلك طبعا ع الفرامل وبعد كدا تجيب p وبعدها تطفى العربيه واوعي تدي غيارات والعربيه ماشيه .. ودا بيطول من عمر الفتيس عن تجربه

[Ahmed.Essam]

العربية بقالها كام يوم الصبح لما ادورها تقوم مرجرجة جامد ومبرجلة كام ثانية وبعد كده يبقى صوتها طبيعى وتنتظم فى السلانسية المشكلة دى الصبح بس العربية نوبيرا 2 اتوماتسك
كنت عاوز اسئل على حاجة كمان لما اركن اجيب وضع p بعد لما اطفى العربية ولا قبل ما اطفيها ولما ادورها اجيب وضع n الاول قبل لما ادورها ولا ادورها وهى على p عادى
ارجو الافاده فى النفطتين دول وشكرا

بالنسبة لسؤال حضرتك في وضع p
الاحسن بعد ما تقف بالعربية تشد فرامل اليد الاول
وبعدين تنقل الفتيس لوضع p
وبعدين تبطل العربية

ولما تيجي تدور العربية دور الاول وبعدين تنقل الفتيس من الوضع p للوضع N
وبعدين تفل فرامل اليد وتبتدي تتحرك
والله اعلم

[zendo]

طب كنت عاوز اعرف حاجة كمان لما اجى اسخن العربية الصب استنى لما مؤشر الحرارة يرتفع ولا عادى لان فى الكتالوج مكتوب 30 ثانية بعد التدوير وبعد كده تتحرك بالعربية فكنت عاوز اعرف التسخين مدتة اد ايه

[midooo_119]

طب كنت عاوز اعرف حاجة كمان لما اجى اسخن العربية الصب استنى لما مؤشر الحرارة يرتفع ولا عادى لان فى الكتالوج مكتوب 30 ثانية بعد التدوير وبعد كده تتحرك بالعربية فكنت عاوز اعرف التسخين مدتة اد ايه

30 ثانيه يكون الزيت اتقلب فالموتور واتكل على الله

[elnakshabandy]

نظف البوابه وصوت البرجله وكل اشتغالات الصبح هتضبط معاك

ان شاء الله