طقم صوابع كلبرات

[Mohamedmaree91]

تحياتى لكل اعضاء المنتدى
كان ليا شؤال مستر الفرامل مبوش روحت للميكانيىكى قالى هات صوابع كلبرات وواحد تانى قالى نعمل جوايط عند الخراط ياترى مين فيهم الصح

[Mohamedmaree91]

اقصد الكليبر مبوش

[Akram.Gamal]

لو غيرت الماستر بواحد جديد احسنلك
بدل ماتبوظ حاجه تانيه

[saddam]

صديقي المواطن
يتعمل له جلب جلد أحسن ويتوفقله جاهز تشتريه
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Mohamedmaree91]

ما هو الميكانيكى واحد قال مكن المسمار مبوش ولازم يتعمل مسمار عند الخراط وواحد تانى قال دا مسمار الكليبر عايز هو الليتغير وتجيبه جاهز

[MMamdouh]

هات طقم صوابع اصلى... موضوع الخراطة دة فاشل فشل السنين

MMamdouh

[Mohamedmaree91]

هات طقم صوابع اصلى... موضوع الخراطة دة فاشل فشل السنين

MMamdouh

انا جبت طقم صوابع اصلى Gm دوخت عليه لغاية لما لقيته بس الميكانيكى بيقول دا مكان الصوباع هواللى مبوش وبالتالى الصوباع الاصلى بردوا لما يركب هيفضل مبوش مش عارف اعمل ايه

[FAR!D]

بعد اذن محمد ممدوح
العضو بيقول مكان الصوابع مبوش و حتلاقيه بيسمع صوت تررررر مع عين القط او دبدبه و هربده مع النقر و المطبات على الهادي اوي لان ده كان عندي و حوار الخرط و يعمل شميز و الكلام ده فاااااشل لان عمره ماحيعرف يملى الفراغ زي الاول و انت متعرفش نوع الماده ايه و حتستحمل الاجهاد و لا حتتشوه و الحل الامثل للموضوع ه و اللي انا عملته اشتريت جهازيين فرامل استيراد بس ابقى شوفهم وانت بتشتريهم لايطلعوا زي اللي عند وعندك مسكن وقتي بيقعد يومين انك تلف شكرتون حوالين المسامير بس ديه اخرها يومين بالعدد

[Mohamedmaree91]

بعد اذن محمد ممدوح
العضو بيقول مكان الصوابع مبوش و حتلاقيه بيسمع صوت تررررر مع عين القط او دبدبه و هربده مع النقر و المطبات على الهادي اوي لان ده كان عندي و حوار الخرط و يعمل شميز و الكلام ده فاااااشل لان عمره ماحيعرف يملى الفراغ زي الاول و انت متعرفش نوع الماده ايه و حتستحمل الاجهاد و لا حتتشوه و الحل الامثل للموضوع ه و اللي انا عملته اشتريت جهازيين فرامل استيراد بس ابقى شوفهم وانت بتشتريهم لايطلعوا زي اللي عند وعندك مسكن وقتي بيقعد يومين انك تلف شكرتون حوالين المسامير بس ديه اخرها يومين بالعدد

انا بسمع تكتكه لما بدوس فرامل وانا مسكت جراب الفرامل ده لاقيته مبوش وطبعا انا كده لبست ثمن طقم المسمار gm اللى طلع عينى لما جبته 110 جنيه رايك دا الحل النهائى

[FAR!D]

انا بسمع تكتكه لما بدوس فرامل وانا مسكت جراب الفرامل ده لاقيته مبوش وطبعا انا كده لبست ثمن طقم المسمار gm اللى طلع عينى لما جبته 110 جنيه رايك دا الحل النهائى

ايوه هوا ده الحل النهائي لو متاكد ان مشكلتك في البوش بتاع مسمامير الجهاز في الخزنه

[Mohamedmaree91]

طيب ممكن اعرف تمنهم استيراد بكام

[MMamdouh]

انا جبت طقم صوابع اصلى Gm دوخت عليه لغاية لما لقيته بس الميكانيكى بيقول دا مكان الصوباع هواللى مبوش وبالتالى الصوباع الاصلى بردوا لما يركب هيفضل مبوش مش عارف اعمل ايه

دا مش صحيح... بدليل ان الصوابع بتنزل كقطعة غيار... يعنى هى اللى هتتاكل مش الدوشمة بتاعت الكالبر هى اللى هتتاكل

اللى بيحصل ان الميكانيكى بيحط الصباع فى مكانة بعد ما ينضفة فا بيلاقى فيه بوش كبير بين الصباع و المكان اللى بيركب فيه... دا طبيعى جدا لان المساحة دى اساسا المفروض بتبقى مليانة شحم

اللى بيثبت الصباع مكانة صح هو كاوتش الصباع نفسة و دة لازم تبقى حالتة ممتازة و مفيش فيه اى قطع و يكون راكب كويس جدا فى مكانة... لو الكاوتش مقطوع او مش راكب صح كل الشحم هيخرج من مكانة و الكالبر يخبط زى ما بيحصل عندك و بعد كدة تروح لميكانيكى عبقرى يقولك دا مكان الصباع هو اللى مبوش

انا عشت فى الحوار دة مدة كبيرة اوى و عارف علاجة الصح... هات طقم صوايع اصلى (بيجى بالكاوتش بتاعة) و ركب الكاوتش صح و شحم الصوابع كويس و المشكلة هتنتهى تماما... و بعد كدة ابقى خللى عينك على الميكانيكى و هو بيشتغل فى الفرامل عشان ميقطعش الكاوتش تانى (الكاوتش مش بيتباع لوحدة و هتشترى طقم صوابع تانى)

MMamdouh

[Mohamedmaree91]

دا مش صحيح... بدليل ان الصوابع بتنزل كقطعة غيار... يعنى هى اللى هتتاكل مش الدوشمة بتاعت الكالبر هى اللى هتتاكل

اللى بيحصل ان الميكانيكى بيحط الصباع فى مكانة بعد ما ينضفة فا بيلاقى فيه بوش كبير بين الصباع و المكان اللى بيركب فيه... دا طبيعى جدا لان المساحة دى اساسا المفروض بتبقى مليانة شحم

اللى بيثبت الصباع مكانة صح هو كاوتش الصباع نفسة و دة لازم تبقى حالتة ممتازة و مفيش فيه اى قطع و يكون راكب كويس جدا فى مكانة... لو الكاوتش مقطوع او مش راكب صح كل الشحم هيخرج من مكانة و الكالبر يخبط زى ما بيحصل عندك و بعد كدة تروح لميكانيكى عبقرى يقولك دا مكان الصباع هو اللى مبوش

انا عشت فى الحوار دة مدة كبيرة اوى و عارف علاجة الصح... هات طقم صوايع اصلى (بيجى بالكاوتش بتاعة) و ركب الكاوتش صح و شحم الصوابع كويس و المشكلة هتنتهى تماما... و بعد كدة ابقى خللى عينك على الميكانيكى و هو بيشتغل فى الفرامل عشان ميقطعش الكاوتش تانى (الكاوتش مش بيتباع لوحدة و هتشترى طقم صوابع تانى)

mmamdouh

ممدوح باشا شكر اليك بجد وعل اجابتك الواضحه والمستوفيه بس انا ليا سؤال معنى كدا انا الكواتش بيبوض بسبب قلة الشحم ولا من الميكانيكى وهو بيغير التيل مثلا واسف على اطالة الموضوع

[FAR!D]

أ/ محمد ممدوح
دول صور من كتالوج النوبيرا و شايف انه فيه تحذير اصلا من استخدام الشحم في اي جزء من اجزاء الفرامل و طريقه التشحيم الوحيده لتسهيل الفك و التركيب هي استخدام زيت الفرامل فقط لو كلامي غلط قولي لاني لبست و غيرت الجهازين دول قبل كده فعرفني عشان لو قابلتني تاني اعمل الصح

http://nileup.com/up/uploads/nilemotors_13865284291.jpg

http://nileup.com/up/uploads/nilemotors_13865284292.jpg

[MMamdouh]

ممدوح باشا شكر اليك بجد وعل اجابتك الواضحه والمستوفيه بس انا ليا سؤال معنى كدا انا الكواتش بيبوض بسبب قلة الشحم ولا من الميكانيكى وهو بيغير التيل مثلا واسف على اطالة الموضوع

الكاوتش بيبوظ من اهمال الميكانيكى فى التعامل مع الكاوتش... يعنى مثلا و هو بيفك عشان يغيرلك تيل مركبش الكاوتش دة كويس او اتعافى علية فا قطعة الخ الخ الخ

MMamdouh