سؤال عن الرشاشات النوبيرا

[ahmad--ezzat]

السلام عليكم

حد جرب منظف رشاشات فعال فى النوبيرا 2

علما بانى مركب رشاشات bmw ومش بشتكى من تاخير فى الدواره

ولكن فى ريحة بنزين او دخنه بتيجى اثناء التسخين الصبح وساعات مع الجري (الشكمان مفهوش مشاكل)

فهل تنظيف الرشاشات له دعوه بالحوار ده

وايه احسن منظف

[zendo]

متابع باهتمام لان العربية بتكل بنزين عندى لو فيه منظف حد يفدنا

[hosar]

متابع بإهتمام

[dr.hazem]

افضل منظف جربته هو الليكوي مولي اللي بيتحط في التنك

له مفعول السحر بجد....


تحياتي

[akmm]

سوناكس منظف الرشاشات ...... المانى بالكامل ممتاز .

[ahmad--ezzat]

بالنسبة لل sTP

[zendo]

وده بيتحط ازاى فى التانك فى نص التفويلة ولا بعد التفويلة كاملة وهل له تاثير سلبى على الموتور

[dr.hazem]

بيتحط على 30 لتر

ووتسوق وتحرق شوييه في الغيارات
وملوش ضرر نهائي
ومش ضروري تخلص التفويله فيوم...

تحياتي

Sent from my Xperia Arc S using Forum Runner

[Khaled Lanos]

والله يا جدعان انا بفضل ان الرشاشات تتفك وتتحط على جهاز الألتر سونيك هتنضف احسن بكتير من منظف الرشاشات..حتى بالمرة لو فيه تسييل ولا حاجة هيبان.
من ساعة ما العضو الفاضل lanos2004 عربيته جابت صبابات بسبب منظف رشاشات وانا مبقيتش مقتنع بالحاجات دي.
على فكرة يا احمد باشا لو البوجيهات وحشة هتطلع البنزين ني وتشم الريحة دي..انا غيرت البوجيهات وكله بقى تمام.

[blazer]

معتقدش الرشاشات ليها علاقه بلموضوع دا الا لو ال o ring بتاع الرشاش بايظ فهيسرب بنزين
ممكن ريحه الدخنه من كذا حاجه ,, لو جوان فرن الشكمان مش مضبوط هيسرب ريحة جوه الصالون

[lanos2004]

المنظف مينفعش لو الرشاشات بتسيل ينفع لو العربيه مكتومه بسب انسداد فيها
انما لو بتسيل هتسيل اكتر ان شاء الله
وتحطه علي تنك مليان انا حطيت منظف علي نص تنك اكل الصبابات

[MMamdouh]

والله يا جدعان انا بفضل ان الرشاشات تتفك وتتحط على جهاز الألتر سونيك هتنضف احسن بكتير من منظف الرشاشات..حتى بالمرة لو فيه تسييل ولا حاجة هيبان.
من ساعة ما العضو الفاضل lanos2004 عربيته جابت صبابات بسبب منظف رشاشات وانا مبقيتش مقتنع بالحاجات دي.
على فكرة يا احمد باشا لو البوجيهات وحشة هتطلع البنزين ني وتشم الريحة دي..انا غيرت البوجيهات وكله بقى تمام.

مستحيل المكنة تجيب صبابات بسبب منظف رشاشات... مكنة احمد جابت صبابات عشان الميكانيكى ركب سير الكاتينة غلط

MMamdouh

[MMamdouh]

معتقدش الرشاشات ليها علاقه بلموضوع دا الا لو ال o ring بتاع الرشاش بايظ فهيسرب بنزين
ممكن ريحه الدخنه من كذا حاجه ,, لو جوان فرن الشكمان مش مضبوط هيسرب ريحة جوه الصالون

الO ring لو بايظ مش هيحصل تسريب بنزين... هيحصل تسريب هوا

MMamdouh

[MMamdouh]

انا حطيت منظف علي نص تنك اكل الصبابات

ليه يا ابو حميد هى مية نار؟؟؟؟

و بعدين بالمنطق كدة المنظف اكل الصبابات الحديد لكن ماكلش الخراطيم الكاوتش ولا الطلمبة البلاستيك؟؟؟؟

عربيتك جابت صبابات عشان الميكانيكى بتاعك حاول يعمل فهلوى و يركب سير الكاتينة فى الضلمة

MMamdouh

[MITSUKERO]

طول ما انت مش بتشتكي من حاجة متلعبشي فيها

هتندم صدقني خصوصا ان العربية موديل قديم