زراير زجاج كهرباء لا تعمل

[eng_oss]

عندى مشكلتين فى الزجاج الكهرباء:
1. لوحة التحكم اللى فى باب السواق ترفع وتنزل الزجاج الشمال امامى وخلفى كويس ...لكن مع الجنب اليمين ترفع بس اليمين قدام لكن ماتنزلوش ( بنزله من زرار الباب اليمين نفسه ) وقاطعه تماما مع اليمين ورا........ فهل فى ممكن حاجة تتعمل والا عايزة تتغير كلها خاصة انى فكيتها لقيتها لوحة الكترونية عليها الزراير ز
2. الزجاج اليمين ورا تقيل جدا فهل ممكن يكون محتاج تزييت او حاجة والا كده المكنه نفسها.
شكرا لاهتمامكم

[starlanos]

نفس المشكلة
متابع

[Mahmoud.Fathy]

متابع لنفس المشكلة

[monamize4]

lol ,,,, انا عندى نفس المشكلة ,,, لكن عربيتى مش دايو

عندى الازاز اليمين ورا بيطلع و ينزل عادى من عند باب السواق
اما الزرار اللى ف الباب اليمين ورا بيرفع الزجاج فقط و مابيرضاش ينزله
و بعد كذا يوم رجعت الامور طبيعية و بعدها بفتره قصيرة رجعت المشكلة

ياريت يا جماعة حد يفيدنا

[3ateef]

وادى قعدة.

[eng_oss]

الخبراء اللى دايما نافعينا بعلمهم تقريبا سقعانين ...... بس اليومين دول الجو اصبح كويس ..... فيييييين الردووووووووووووووود

[waleedrahmy]

عندى مشكلتين فى الزجاج الكهرباء:
1. لوحة التحكم اللى فى باب السواق ترفع وتنزل الزجاج الشمال امامى وخلفى كويس ...لكن مع الجنب اليمين ترفع بس اليمين قدام لكن ماتنزلوش ( بنزله من زرار الباب اليمين نفسه ) وقاطعه تماما مع اليمين ورا........ فهل فى ممكن حاجة تتعمل والا عايزة تتغير كلها خاصة انى فكيتها لقيتها لوحة الكترونية عليها الزراير ز
2. الزجاج اليمين ورا تقيل جدا فهل ممكن يكون محتاج تزييت او حاجة والا كده المكنه نفسها.
شكرا لاهتمامكم

غالبا محتاج تغير مجموعة تحكم السائق في الزجاج لانها كده ممكن تحرق مكن الزجاج او تعمل مشكلة اخري

[Ahmed Nasser]

لازم تغير اللوحة كاملة لان التصليح مبينفعش فيها
ودى سعرها فى حدود 150 استيراد

[mezat2020]

اخى الكريم قبل متغير اكشف على الموتور وصل من البطاريه بسلك خارجى بعد فصل السوكت وافضل ان تشحم الجريده تزييت الواير لتتاكد ان الزرار سليم ولك تحياتى

[sanhoty2000]

انا فكيت المجموعه و w40 نضفتهم حتى السست و البلى اللى جو الزراير و الحمد الله كله تمام و اشتغل الموضوع بعد مكنت هجيب المجموعه استيراد
بس زرار الزجاج اللى خلف السائق من المجموعه بينزل ومش بيطلع لكن من الباب الخلفى للسائق بيطلع وينزل عادى ومشعارف المشكله ايه
بس جرب النضافه للزراير و باذن الله الدنيا تشتغل بدل الغرامه انا جايب العبوه الكبيره ب 35 جنيه

[mhopa2440]

انا كان عندي نفس الحوار وعملت زي الاخ القبلي ما قال
علبة منظف wd40 وفكيت المجموعة حتة حتة حتى السوست وقطع التوصيل الصغيرة فكيت كله ونظفته كويس واستني لما نشف وجمعت كله تاني ((لازم تعمل كدا قبل ما تشتري مجموعة جديدة توفيرا للفلوس)
ف احتمال يكون سلك كهرباء فاصل (بس دا استبعده حاليا لانك كله شغال عندك حتى لو من مكان الزجاج مش المجموعة)

واخيرا الزجاج التقيل ف موضوع جميل جدا عن تغيير شربون موتور الزجاج وتشوف الجريد تفكه وتنظفه كويس من اي طين يكون ناشف جواه وتعمل ببودرة تلك (بتاعت الاطفال من اي صيدلية) دي احسن من التشحيم والزيت ولما تفك الجريد طلع الزجاج ونزله لو اشتغل تمام يبقى الموتور سليم لو فضل تقيل يبقى العيب في الموتور

[monamize4]

طب يا جماعة اللوحة دى كبس و لا لازم افك فرش الباب ؟

[hateeem]

الحوار ده حصل معايا يومين المطر اللى فاتو بس بعد ما روحت لبتاع الازاز راح مزيت المكن اشتغل تمام

اما السنتر هو اللى ضرب خالص مش عارف ماله

[Mahmoud.Fathy]

منين نقدر نجيب لوحة تحكم السائق ومنين نقدر نجيب الزارير الفردية الامامي والخلفي ؟؟؟؟

[eng_oss]

طب يا جماعة اللوحة دى كبس و لا لازم افك فرش الباب ؟

من غير فك فرش الباب هى فيها مسمار واحد فى وسطها من التجويف فكه وبعدين اسحبها لورا وارفع لفوق حتتطلع معاك بس ارفع بهدوووء لأنها لسه بتبقى راكب فيها الفيشة من تحت وتقدر تفكها بسهولة