هل طبيعى ان مؤشر الحرارة يقل مع السرعه؟

[EL Tanna]

انا عندى المؤشر طبيعى طول مانا ماشى على سرعه معدتش ال80
اول بقى ما امشى فوق ال100 يبدا المؤشر ينزل و لما وصلت لل140 المؤشر وصل ل فوق علامه الc بشويه

هل ده طبيعى؟؟

معلش و سؤال بخصوص المياه انا الى قبلى كان بيحط مياه عاديه و انا كملت زيه بس عرفت من هنا انه لازم مايه خضراء موبيل و ده احسن اعمل ايه بقى انا دلوقتى ؟؟؟؟يعنى هل ابدا احط المايه الخضراء مع المايه العاديه و واحده واحده هتتظبط ولا ايه العمل :D ؟؟

[rotanamasoud]

ترموستات الكوعه متشال هو السبب

[محمد طايع]

عداد الحراره بينزل مع السرعه لأن ترموستات الكوعه متشال فعلا

بالنسبه للميه لازم كل الميه القديمه تنزل من العربيه ودورة المياه تتغسل كويس وبعدين تحط ميه خضراء
فيه اماكن كتير بتعمل الموضوع ده وفيه بنزينات كمان عندها غسيل لدورة المياه

[Mostafa.Mahran]

كده العربية مفهاش ترموستات الكوعة لان المفروض الحرارة تفضل ثابته حتى و انت بتجرى بالعربية

[hossamalsadik]

أكشف على ترموستات الكوعه ولو بيظه ركبها جديدة مش غاليه خالص بس مهمة جداااااا
للحفاظ على درجة حرارة الماتور ثابته عشان تاخد افضل أداء وعمر اطول للمحرك

المايه الى عندك ديه تنزلها كلها بسرعه فى أى بنزينه وتحط المياه الموصى بها فى الكتلوج

[lanos2004]

لو نزل مع السرعه ينزل لفوق الربع بشرطه غير كدة ترموستات حراره متشال

[M.Elgergawy]

وهل في في ضرر على العربية من موضوع ترموستات الكوعه ده عشان انا عندي نفس القصه

[Dr.Solom]

زى ماقالك الرجاله ان كده ترموستات الكوعه ماتشاله
ومش زى ماكل الميكانيكة بيقولوا ان كده افضل والعربية تبقى بارده احسن وبلا بلا بلا
كده استهلاك البنزين ينزيد معاك وعلى المدى الطويل يقصر عمر الماتور.. الترموستات لو باظت غيرها لكن ماتشلهاش

وبالنسبة لمية الرداتير اغسل الدورة الاول بمياة مقطره لأنك لو غسلتها بمية حنفية هاتعمل صدى تانى عشان فيها املاح
فغسيل الدورة بيكون بمياة مقطره وبعد كده تنزلها وتحط جركن مية خضرا موبيل وتكمل بمية مقطره

[dr/hamza]

الطبيعى ان الحرارة تفضل ثابتة

[moko_2004]

وهل في في ضرر على العربية من موضوع ترموستات الكوعه ده عشان انا عندي نفس القصه

بيزود الاحتكاك داخل الموتور مما يؤدى مستقبلا لثغرات في غرف الحريق تهرب الكبس وهتحتاج تعمل عمرة كاملة بعد كدة
حافظ دايما على ان حرارة الماء في العربية تكون ثابتة لاتزيد ولا تنقص للحفاظ على عمر الموتور

[EL Tanna]

كده العربية مفهاش ترموستات الكوعة لان المفروض الحرارة تفضل ثابته حتى و انت بتجرى بالعربية

أكشف على ترموستات الكوعه ولو بيظه ركبها جديدة مش غاليه خالص بس مهمة جداااااا
للحفاظ على درجة حرارة الماتور ثابته عشان تاخد افضل أداء وعمر اطول للمحرك

المايه الى عندك ديه تنزلها كلها بسرعه فى أى بنزينه وتحط المياه الموصى بها فى الكتلوج

كمان عندى المايه بتنقص بس مش شايف اى مكان بينزل منه المياه و القربه بتبقى سليمه مفيش عليها مايه من بره اعمل ايه؟

لو نزل مع السرعه ينزل لفوق الربع بشرطه غير كدة ترموستات حراره متشال

لا ده وصل للربع و لو كنت كملت على السرعه كان كمل نزول بس انا اتخضيت من الموضوع و خففت السرعه ل80 و بدا يعلى تانى

زى ماقالك الرجاله ان كده ترموستات الكوعه ماتشاله
ومش زى ماكل الميكانيكة بيقولوا ان كده افضل والعربية تبقى بارده احسن وبلا بلا بلا
كده استهلاك البنزين ينزيد معاك وعلى المدى الطويل يقصر عمر الماتور.. الترموستات لو باظت غيرها لكن ماتشلهاش

وبالنسبة لمية الرداتير اغسل الدورة الاول بمياة مقطره لأنك لو غسلتها بمية حنفية هاتعمل صدى تانى عشان فيها املاح
فغسيل الدورة بيكون بمياة مقطره وبعد كده تنزلها وتحط جركن مية خضرا موبيل وتكمل بمية مقطره

يعنى اروح بنزينه و اقلهم عايز اغسلها بمياه مقطرة ولا ايه؟و تقريبا بكام الجركن ده؟

الطبيعى ان الحرارة تفضل ثابتة

بيزود الاحتكاك داخل الموتور مما يؤدى مستقبلا لثغرات في غرف الحريق تهرب الكبس وهتحتاج تعمل عمرة كاملة بعد كدة
حافظ دايما على ان حرارة الماء في العربية تكون ثابتة لاتزيد ولا تنقص للحفاظ على عمر الموتور

شكرا ليكو يا رجاله هكشف على الترموستات ان شاء الله و عايز اشوف حل لنقصان المايه ده لانها كل شويه يتنقص و بفضل ازودها

[shur3000]

لو كان المؤشر بينزل حاجة بسيطة ماشى لو بينزل لتحل يبقى ثرموستات
المهم بتقول ان المية بتنقص دور على مكان التسريب.
ثانيا بلاش مية خضرا بعد مية الحنفية لان اكيد دورة المية هتفتح معاك زى (طرمبة مية - طبب مية - كوعة- خراطيم) ممكن تحط مية مقطرة لو نفسك فى مية خضرا فى ايديا اسباننى عشان التركيز انما موبيل تركيز عالى ومش هتفيد هتضر

[mhi00002000]

طيب لو كدة اخرة يبقي اية عربيتي لانوس99

[EL Tanna]

هو ثمن ثرموثتات الكوعه ده بكام و اجيبه منين؟؟

[Mahmoud.Fathy]

المفروض الحرارة متنزلش ولا مللي واحد ... اى حركة في مؤشر الحرارة لتحت وانت ماشي معناها خلل في ثرموستات الكوعة ... على فكرة هي بايظة عندي اصلا وعاوز اغيرها بس مكسل :) :) :)