مشكلة بطرمبة الباور

[Sherif Khalifa]

السلام عليكم
غيرت طرمبة الياور 3 مرات و كل مرة اسمع صوت و نة جامد و مزعج لحد ما المرة دى البور بقى تقيل
و المشكلة انة بيكون تقيل و فجئة يكون خفيف و يرجع تقيل تانى بشكل متكرر فى الملف الواحد
و دا بيسبب مشكلة انة بفقد السيطرة على العربية لان عزم ايدى بيكون على قد الحالة و هوا تقيل و فجأة يخف فالعربية بتحدف منى

السؤال هنا ممكن تكون المشكلة فين ؟
و فى حد عندة طرمبة للبيع ؟

[ehabahmed0]

كان فيه زميل عارض طرمبه للبيع ...راجع المواضيع هاتلاقي موضوعه
ودي مشكله طرمبه

[MMamdouh]

اعتقد طالما غيرت الطلمبة كذا مرة و المشكلة متحلتش يبقى المشكلة فى علبة الدركسيون

MMamdouh

[محمد الجنزورى]

استاذى انا كان عندى نفس المشكلة دى وحلتها والحمد لله وطلع العيب من صليبه الدريكسيون وكل اللى عمله العفشجى انو رشها بمزيل الصدء وزيتها بزيت باكم وقالى تبقى تغيرها بعدين وهى بقالها اكتر من شهر اهى تمام معايا ولا كأن فيها حاجه

[Khaled Lanos]

السلام عليكم
غيرت طرمبة الياور 3 مرات و كل مرة اسمع صوت و نة جامد و مزعج لحد ما المرة دى البور بقى تقيل
و المشكلة انة بيكون تقيل و فجئة يكون خفيف و يرجع تقيل تانى بشكل متكرر فى الملف الواحد
و دا بيسبب مشكلة انة بفقد السيطرة على العربية لان عزم ايدى بيكون على قد الحالة و هوا تقيل و فجأة يخف فالعربية بتحدف منى

السؤال هنا ممكن تكون المشكلة فين ؟
و فى حد عندة طرمبة للبيع ؟

أنا عندي واحدة استيراد ركبت 4 أيام وشيلتها..بس المهم اتأكد ان المشكلة من الطرمبة مش حاجة تانية.

[Sherif Khalifa]

الحمد للة المشكلة اتحلت
ال wd40 مفعولة كالسحر :)

نضفت الصليبة من تحت كويس و كلة بقى تمام

واضح ان ايام المطر الى فاتت كان ليها تأثير