فلتر اسبور مسطح للنوبيرا!!؟؟

[أسامه طياره]

السلام عليكم اولا.. عاوز اركب فلتر اسبور للعربيه عشان بصراحه اكسب صوت قوي للموتور وبصراحه مش بحب الديفل ولا عاوز اركبه عشان شايف في الفلتر ميزه مهمه ان صوت العربيه في العادي هادي ومبيطلعش صوت قوي غير في الكبس :)
المهم..الفلتر الاسبور هضطر افك العمه نهائي وهيبقى في الحوض عالطول زي كل مالناس بتعمل بس ده في رأيي غلط ومن تجارب الناس بيبقى سهل اوي عالفلتر وهو متعري كده انه يوصله تراب بسرعه ده غير الهوا السخن اللي بيطلع من الموتور وبيأثر عالفلتر وبالتالي في الصيف هتبقى العربيه بطه بلدي في السحب
الفكره..عاوز فلتر اسبور مسطح ينفع اركبه جوه العمه مكان العادي وده شوفته في عربي سيفيك قبل كده
السؤال..الاقيه فين!؟؟؟ وهل موجود من اصله للنوبيرا؟؟ولو موجود فين وبكام؟؟
.
وشكراًمقدماً :)

[start_wow]

بصراحة فكرة حلوة وانا كمان كنت حابب اركب فلتر سبور لكن الكل خوفني منه علشان هيلم تراب بسرعة..عموما متابع معاك يمكن نلاقي افكار جديدة وفلاتر جديدة تقلل من فكرة التراب..

[aboomar22]

اسال عليه فى شارع دمشق ان شاء الله هيكون موجود وهتلاقيه بنفس مقاس الفلتر الاثلى وبيركب مكانه

[saddam]

صديقي المواطن
لسه شاري واحد من 10 أيام تقريبا من المجمع في التوفيقية ب 75 جنيه تحت في الفرش هو هواه ب 120 جنيه وده بيبقه نيكل وفي النص فلتر وده بيبقه شبه العمة بالظبط وبيركب على طول وبيخش ليه مكان خرطوم الفايز من المحرك وهناك نوعين منه رفيع وعريض
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[ramyraby]

صديقي المواطن
لسه شاري واحد من 10 أيام تقريبا من المجمع في التوفيقية ب 75 جنيه تحت في الفرش هو هواه ب 120 جنيه وده بيبقه نيكل وفي النص فلتر وده بيبقه شبه العمة بالظبط وبيركب على طول وبيخش ليه مكان خرطوم الفايز من المحرك وهناك نوعين منه رفيع وعريض
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

باشا لو تسمح ممكن تصورة او تصور لنا العلبة بتاعتة عشان نشوفة احسن وتعم الفائدة ولك مني اغلا تحية وتقدير

[FAR!D]

انا عايز اضيف حاجه ان k&n بتعمل فلاتر للعربيات شبه الاستوك بتعها بس سبور والنوبيرا ليها و ممكن تدخل على السيت تتأكد بس القصه ياتشوف موزع ليهم هنا واسمع انه حماده غزي او تشتريه من النت و يتشحن

[MohssenRashed]

الفلتر ال Replacement سواء K&N او اي حاجة تانية سبورت مش هيديك صوت و لا اداء زي الخروطي (انا مركبة عندي في التيريوس و فارق في الصوت و الاداء بس مش كتير عن ال stock)

http://www.nilemotors.net/Nile/283410-k-n-amazon.html

[MMamdouh]

موجود للنوبيرا

اسال علية فى محل طوكيو فى شارع دمشق او عادل وجدى فى الحرفيين

K&N Products by Vehicle Search - Year, Make, Model, Engine Search

MMamdouh

[ramyraby]

موجود للنوبيرا

اسال علية فى محل طوكيو فى شارع دمشق او عادل وجدى فى الحرفيين

K&N Products by Vehicle Search - Year, Make, Model, Engine Search

MMamdouh

طيب يا محمد بك لو تسمح الفلتر اللي حضرتك مركبه ده بيكون أحسن ؟؟ وبيفرق فعلا ؟

[أسامه طياره]

شكرا للردود كلها ياجماعه :) ..انا عندي بس مشكله في موبينة العربيه هصلحها واجيب الفلتر واركبه ان شاء الله وابقى انزل صور ليه ان شاء الله ..وشكرا مره تانيه :)