دايو نوبيرا

[الهواء]

السلام عليكم فيه واحد صحبى معروضه عليه دايو نوبيرا 2008 رشه بره فبريكه جوه مانيول عايزين من اهل الخبره يقول سعرها تقريبا كام ومميزات وعيوب الموديل شكراا ليكم،،،

[أسامه طياره]

منصحكش عربيه بنت جزمه مقرفه واعطالها رخمه وموتورها مش قد كده ...انا معايا واحده 2005 ووالله عفشتها انعم من انعم نوبيرا موتورها بيعرق ودواخلها كلها فابريكه وفتيسها حلو بس فيها مشكله بتنتش ومش عارف احلها والنوبيرا معظمها بيحصلها مشاكل التنتيش اللي حلولها واسعه ورخمه عربيه بنت جزمه فكك منها بعد تجربه مريره معاها :(

[FAR!D]

بالنسبه للعضو اسامه طياره مش عشان عربيتك كانت قرفاك يبقى كل النوبيرا كده
اما للعضو اللي بيسأل النوبيرا عربيه مناسبه في الفئه السعريه بتاعتها وفيها عيوب و مميزات زي اي عربيه
النوبيرا عربيه سفر او مشاوير بالدرجه الاولي يعني عربيه واسعه اوي و ثابته على الطريق لحد كبير ومريحه في القاعده للمشاوير الطويله لحد ما قطع غيار رخيصه
اما العيوب انها بحكم وزنها التقيل ان العفشه محتاجه تربيط على طول و جلب المقصات محتاجه متابعه (انا جربتها ) و البطاحات (الاعضاء هنا بلغوا عنها ) و استهلاك بنزين على جوه المدينه عالي شويه والطلعه تقيله شويه لكن السحب بعد كده عادي
عربيه مناسبه جدا على فئتها السعريه وللمنافسين ليها ولكن انا ارشحلك انك تدور على الكوري اللي بتيجي من بره اسمها بريميم و انضف من المصري الف مره
وبالتوفيق

[الهواء]

طيب والسعر كام بالنسبه لموديل 2008 رشه بره دواخل فبريكه مانيول

[zendo]

سيبك من المصرى خليك فى البريميم الكورى موديلها بيبداء من 99 الى 2002

[engwael]

سبحان الله جايز النوبيرا اللي معايا مختلفة كل المشاكل االي بتحصل معايا في عربيتى اعتقد انها المشاكل العادية للسيارة بس اللي انا اقتنعت بيه ان عيب النوبيرا مش فيها بالعكس العربية اكثر من ممتازة بالنسبة لسعرها اما العيب بيكون في طريقة القيادة بمعنى انك كل ماكانت طريقة قيادتك ليها هادئة تقل المشاكل ومش هادئة يعنى بطيئة . وعندي مثال صغير وحيد وهي مشكلة جلب المقصات في النوبيرا اللي الكل ديما بيشتكي منها والناس اخترعوا ليها عدة حلول انا شايف ان ليها حل واحد وده عن نصيحة عفشجي قديم وتجربة عملية منى وهو عدم القرص علي العربية عند بداية التحرك وكمان تترك العربية تجمع براحتها بدون حرق بعد كل غيارة . يعنى اي عربية عيوبها بتكتر طالما طريقة القيادة سيئة

[Ahmed Nasser]

طيب والسعر كام بالنسبه لموديل 2008 رشه بره دواخل فبريكه مانيول

عدادها كام ؟؟
راشة كلها ولا حزام ؟؟
فيها مصروف ولا لأ ؟؟