اصلح موتور اللانوس و لا اجيب واحد استيراد

[ahmed mamdouh]

السادة الأفاضل اعضاء المنتدى
ياريت حد من خبراء اللانوس يفيدني اعمل ايه انا كنت راكن العربية حوالي 15 يوم و جيت ادورها مش راضية تدور و بعدين قولت يمكن البطارية و بعد تجارب كتير من كهربائي و ميكانيكي اكتشف الميكانيكي ان حاجة اسمها فولة الكامة مكسورة و و ذه خلى الكامة تقفش والعربية مش بتدور
المهم الميكانيكي رأيه اني اجيب شورت بلوك عشان الموتور مش عاجبه و بيقولي لو صلحناه و عملناه عند الخراط ممكن يبوظ تاني كمان 4 او 5 شهور و هايتكلف حوالي 950 جم و قالي ان الشورت بلوك بتركيبه حوالي 3500 جم وانا محتار و مش عارف اعمل ايه مع العلم ان الميكانيكي ده انا واثق فيه جدا لانه صاحبي من زمان قوي و هو اصلا شغال مشرف فني في شركة تويوتا

لو حد يقدر يقولي رايه اكون شاكر جدا لحضراتكم و لو في اي استفسار ايميلي
alfr3on@yahoo.com

[MITSUKERO]

الكامة فوق و الشورت بلوك تحت !!!! ايه اللي جاب القلعة جنب البحر !!!

و لو عملت عمره عند ميكانيكي شاطر الموتور بيرجع جديد و فيه ناس بيقعد معاها بال3 و ال 4 سنين عادي جدا

[lanos2004]

3500 ليه
هيركب ماتور بوجاتى

[amoor89]

هو الموتور كله على بعضه بكام اصلا ؟
كلام مش مريح بصراحة شوف حد تانى

[lanos2004]

2800 كامل من غير الفتيس--يعنى شورت بلوك بعمل 2000 وتركيب من 300 الى 500
الماتور تغيرة لو بيشرب الزيت فقط غير كدة كله بيتصلح

[hdlkuf]

انا كنت شارى شورت بلوك من شهر مارس 1400 جنيه

[moumen_hs]

شوف ميكانيكى غيرة الرجل دة مع أحترامى ياحرامى ياحرامى يامبيفهمش الشورط بلوك أخرة 1700 فى الحرفيين أو عزبة شلبى والتركيب حوالى 400 : 500 غير الزيت والبوجيهات ومايستجد وممكن تحتاج تغير طاقم دليات تقريبا لو نشفة وطبعا هتفحص جديد فى المرور بعد ماتجيب ورق الشوط بلوك من التاجر دة الى عملناة مع أخويا فى عربيتة نوبيرا ون شرط بلوك وريح دماغك مع الاخد فى الاعتبار ------ أن العيب هو فى الشروت بلوك بسمش الجزء العلوى من الموتور زى الزملاء قالو شوف ميكانيكى غيرة من الاخر